Wrong Number !! | වැරදි අංකයක් !! ⏱️

27 වෙනි පරිච්ඡේදය ⏳

ඇනි අම්මා එතනින් යන්න ගියාම තේජ ආයෙත් බැලුවෙ තමන්ගෙ ඉස්සරහා පෝළිමට හිටගෙන ඉන්න, පහුගිය කාලෙ වෛරක්කාරයො ගානට හිටිය නහරකාරයො තුන් දෙනා දිහා.. කේශුව ඇස් දෙකට අහුවෙද්දි නම් තේජ ඉක්මනින් ඒ බැල්ම මග හැරියා.. අල්ලගෙන හිටිය දොර තව ටිකක් ඇරලා අයිනට වුණේ තුන් දෙනාට ඇතුළට යන්න කියලා ඔළුවෙන් පෙන්නලා කියන ගමන්..

කාමරේට ඇතුළු වුණු රූප තුන දැකලා ඉවාන් භාගෙට කට ඇරගෙන බලාගෙන ඉද්දි අනුදිත නම් ඇස් රෝල් කරලා ඉස්සරහා බලාගත්තෙ කුටු කුටු ගගා මොනවදෝ කියවන ගමන්... කට ඇරගෙන අභිරුලා දිහා බලාගෙන හිටිය නිසා ඉවාන්ටත් අනුදිත ඒ කියපුවා හරියට ඇහුණෙ නෑ

"what අනූ.. ඇහුන්නෑනෙ. Wht did u say?"

"තෝත් කටවහපන් KD. තෝ හින්දා තමයි මේ සේරම.. "

අනුදිත උඩ ඉඳන් පහළටම රවලා බලලා එහෙම කියද්දිනම් ඉවාන් අර භාගෙට ඇරිච්ච කටත් වහගෙන මූණ ආයෙත් තැලිච්ච සත පහක් වගේ කරගත්තා.. ඔළුව උස්සලා බැලුවම මුලින්ම දැක්කෙ ඇඳ ඉස්සරහා හිටගෙන පපුව ඉස්සරහින් අත් දෙක බැඳගෙන ඉන්න මිහිත්.. මිහිත් නම් ආවෙත් රවාගෙන.. රැව්වත් ඌ ලස්සනයිද මන්දා..! ඊට එහා පැත්තෙ මිහිත්ගෙ කරෙන් අතක් තියාගෙන බලන් ඉන්න කේශු... ඒ මූණෙ ඉතිං කොහොමත් කවදත් හිනාවක් නෑ.. හිනා නොවුණා කියලා ඇති කැතකුත් නෑ තව ටිකක් වැඩියෙන් කඩවසම් පාට වෙනවා මිසක්..! ඊටපස්සෙ කේශුට ටිකක් එහායින් කලිසම් සාක්කුවල අත් දෙක ඔබාගෙන තනි කෙළින් හිටගෙන බලන් ඉන්න අභිරු.. ඉවාන් ඒ පැත්ත බලපු නිසා අභිරුගෙ මූණෙ නම් පුංචි හිනාවක් ඇඳුණා.. ඒ හිනාවට එකපාරින්ම පපුව මැද්දෙන් මොකෙක්හරි රේස් එකක් දුවන්න ගත්තා වගේ දැනුණු නිසා ඉවාන් ආයෙමත් අභිරුගෙන් ඇස් ගලවගෙන තුන් දෙනා දිහාම පෝළිමට බලලා ඊට පිටිපස්සෙන් දොරත් වහගෙන කාමරේට ආපු තේජ දිහත් බලලා ආයෙත් මූණට මෝඩ පහේ හිනාවක් ගත්තා..

"ආහ් උඹට දැන් හිනාවෙන්නත් පුළුවන් තරමට කල්පනාව තියෙනවද පොඩි ඇටයා.. හිනා නෙවෙයි දෙන්න තියෙන්නෙ මූට ආයෙ සිහිය නැතිවෙන්න.."

ඉන්න තැන ඉඳන්ම අතකුත් උළුක් කරලා පෙන්නන ගමන් මුළින්ම බැනිල්ල පටන් ගත්තෙ මිහිත්.. ඕවට ඉතිං වෙන කාටවත් මුකුත් කියන්නත් බෑ නොකියා ඉන්නත් බෑ. මොකද මිහිත් නිසාම ඉවාන්ව හොයාගන්න පුළුවන් වුණා මිසක් නැත්තන් ඊයෙ දවස කෙළවර වෙන්න තිබ්බෙ එකෙක් දෙන්නෙක් මැරිලා, උදේ පාන්දර වෙද්දි තව හතර පස් දෙනෙක්ගෙ මූණු ලංකාවෙ පත්තර වල, tv channel වලත් පෙන්නලා..