Chapter 22 part 2
Ilang minuto pa lamang nakakalabas si Mr. Villamor ng muling kumatok ang sekretarya ni Dale Rafael.
"Ilang beses ko bang sasabihin sa'yo na busy ako and I don't want you to disturb me." Inis na sita niya sa sekretarya. Masyadong magulo ang isip niya ngayon lalo na hindi niya alam kung paano mapapaamo muli ang asawa.
'Sorry sir, but Miss Martina Sontillano is insisting to talk to you." Nangingiming turan ni Erlene.
Lalong nag-init ang ulo ni Dale Rafael ng marinig ang pangalan ng dating nobya. Ilang beses na niyang pinagsabihan ito na wala ng dahilan para magkita pa sila.
"Sir, papapasukin ko po...." Hindi pa natatapos magsalita si Erlene ng biglang bumungad si Martina. Tila ito ang may-ari ng buong kumpanya kung makaasta ito.
"Raffy, bakit pati ako pinagbabawalan mong makausap ka?" May bahid ng pagkairita ang boses ni Martina.
"Iwanan mo na kami Erlene." Pagtataboy ni Dale Rafael sa sekretarya niya. "Martina, ilang beses ko bang sasabihin sa'yo na wala na tayong dapat pag-usapan. May asawa ako at magkakaanak na rin."
Natawa lamang si Martina sa sinabi ni Dale Rafael. "Raffy, iniwanan ka na ni Ellie. And don't you ever claim that she's your wife dahil fake lang ang naging kasal ninyo. " Maarteng lumapit pa si Martina sa kinauupuan nito.
Napabuntong hininga si Dale Rafael, kahit kalian talaga ay kayang kaya nitong sagarin ang pasensiya niya. "Look lady, I'm busy right now. Can we talk some other time?"
"Okay, I want to have lunch with you tomorrow."
"Hindi ako puwede bukas, may meeting ako with the board of directors." Pagsisinungaling ni Dale Rafael dahil ang katotohanan ay wala na siyang balak na kausapin pa ito.
"Then cancel the meeting, you still have enough time." Utos ni Martina.
"You don't have the right to manipulate my schedule. Umalis ka na Matina habang kaya ko pang pigilin ang sarili ko." May halong pagbabantang turan ni Dale Rafael.
