Chapter 31 part 2
Nagmamadaling pinasibad ni Dale Rafael ang kanyang minamanehong. Ang laki ng pasasalamat niya dahil mukhang nakikisama sa kanya ang pagkakataon, halos walang traffic siyang nadaanan kaya ilang minuto lamang ay nasa hospital na siya. Inabutan niya ang kanyang mga kapatid na tahimik na nakaupo sa lobby.
"What happened? Kumusta ang mama?" Nag-aalala niyang tanong sa mga ito.
"She's still in the emergency room with papa pero sabi ng doctor okay na siya. They just need to monitor her blood pressure." Si Dale Gavin ang sumagot sa tanong niya. "Ang sabi ko naman kasi dito kay Andrew huwag ka ng tawagan kaya lang nagpumilit pa rin. Alam ko naman na nag-aalala ka rin kay Ate Ellie." Dagdag pa nito.
"That's alright, pupuntahan ko na lang siya mamaya para makapagpaliwanag. I'm sure na maiintindihan niya ako."
Napapailing si Dale Gavin habang pinagmamasdan ang nakatatandang kapatid. Hindi niya hahayaan na magaya siya rito, wala sa bokabularyo niya ang mainlove dahil para sa kanya ay sagabal lang ito sa pagpapalago ng kanyang mga negosyo. Ang gusto lang niya ay magkaroon ng anak para may paglalaanan siya ng kanyang mga pinaghihirapan.
"Kuya, bakit hindi mo tawagan ang hospital para ipaalam kay ate Ellie ang dahilan ng hindi mo pagsipot. Baka naman hinihintay ka nun." Singit ni Dale Andrew.
Natampal ni Dale Rafael ang noo, dahil sa pagkakataranta kanina ay nawala na sa isip niya na pwede nga naman niyang tawagan ang hospital para makausap si Ellie. "Baka nakauwi na si Ellie, halos isang oras na akong late sa usapan namin. Ako na ang bahalang magpapaliwanag sa kanya. Ang gusto kong malaman, kung ano ang nangyari kay mama?"
"Ang sabi ni papa narinig na lang niya ang mama na sumisigaw habang may kausap sa telepono. After that nahirapan na raw makahinga ang mama." Kuwento ni Dale Gavin habang kinakalikot nito ang tangang cellphone.
Naningkit sa galit si Dale Rafael, nasisiguro niya na may kaugnayan ang nagpadala ng regalo at ang taong kausap ng kanyang mama sa telepono. "Nakausap ba ninyo ang mga imbestigador?"
"Yes, bigyan daw natin sila ng ilang araw. Sa ngayon kailangan nating mag-ingat while waiting for the result of the investigation." Pagpapaalala ni Dale Gavin sa mga kapatid.
Napatayo ang magkakapatid ng malingunan na papalapit sa kinauupuan nila ang ama.
