Chapter 40
Dalawang linggo pa ang hinintay ni Ellie para payagan siyang masilayan ang anak. At ngayon ay walang pagsidlan ng kaligayahan ang nadarama niya sa katunayan kahapong nalaman niya na puwede na niyang makita ang anak ay hindi na siya nakatulog kagabi.
"Honey,are you ready?" Nakangiting tanong ni Dale Rafael.
Marahang tumango si Ellie bago nagpakawala ng buntong hininga. "I'm excited to see my daughter." Mababakas ang kaba sa kanyang tinig.
"Bakit para kang kinakabahan?" Nag-aalalang inalalayan ni Dale Rafael ang asawa na makalipat sa wheelchair.
"Natatakot ako na baka hindi mo lang sinasabi sa akin ang totoong kalagayan ng anak natin." Sa wakas ay nasabi na rin niya, ito ang ilang araw na gumugulo sa kanyang isipan.
Umupo si Dale Rafael sa harap ni Ellie at ginagap niya ang dalawang kamay nito. "Matapang ang anak natin at sinabi na rin ng mga attending physicians niya na sa mga susunod na araw ay puwede na siyang alisin sa incubator. Kung hindi maayos ang lagay ni Raven Ellinor I wont allow you to visit her dahil alam kong lalo ka lamang masasaktan. At ayoko nang makitang umiiyak ka." Habang nagsasalita siya ay titig na titig siya sa asawa.
"Let's go..." Aya ni Ellie ng hindi na niya matagalan ang mga titig ni Dale Rafael. Kahit ilang linggo na silang nagkaayos ay naiilang pa rin siya rito.
Marahang tumayo si Dale Rafael at pumuwesto sa likuran ni Ellie. Siya mismo ang nag-aasikaso sa asawa kahit may mga nurses na handing umasiste rito sa sobrang dami ng sakit ng loob ang ibinigay niya kay Ellie ay gusto niyang makabawi.
Nang marating nila ang kuwarto ng anak ay hindi napigilan ni Ellie ang mapaluha. Awang-awa siya sa anak. "Dale Rafael, are you sure that she's fine?" Nag-aalalang binalingan niya ang asawa na nasa likuran niya.
"Ang sabi ng doctor na malaki ang ipinakitang improvements ni Raven." Pagbibigay assurance niya rito.
"She's too small." Nahihirapang sabi ni Ellie habang walang kakurap kurap na nakatingin sa anak.
"She's cute...and look at her kamukhang kamukha mo siya." Masiglang turan ni Dale Rafael at marahan niya ring pinunasan ang mga luha ni Ellie.
