يوميات فتاة السرطان

chapter 1♤

البطاقه الشخصيه'
الاسم :اميره سعيد
تاريخ الميلاد :1993.7.22
الهوايه :الرسم .مهووووسه بمتابعة الابراج
الوظيفه:طالبة كلية هندسه
*المعلومات اعلاه اتت بمحض الصدفه لا تمت للواقع بصله.
الساعه الان الحاديه عشر صباحا
ورده:هلو حبيييي اموره
البطاقه الشخصيه '
الاسم :ورد اسماعيل
تاريخ الميلاد:1993.5.5
الهوايه:العزف علی الكمان ومهوووسه بمواقع التواصل
الوظيفه: طالبة هندسه مرحله 3
اميره :هلو حبيبي اتأخرتي!
ورد:اي والله ازدحام بالبلديات
اميره :الله يعينه بس...المهم شنو كالو رايدتني
ورده:اي عندي الج كنز ذهب ..ذ ه ب
اميره:بربج؟ بس لا لكيتي محل يبيع تخفيضات ع الاحذيه
ورده:لج يا احذيه...بس عندي الج واحد يشتريلج محلات بغداد كولهه..
اميره:كووولي والله؟؟!!!احجيلي احجيلي-هاي شنو استخفيت-
ورده: عادل محمد ..هاج هذا البيج مالته بالورقه كتبته ادخلي وشوفي ..
اميره:ما اصبر احجيلي شتعرفين عنه-لااااا توفقنه-
ورده:شوفي ابو طيار وامه ربة بيت ..عدهم قصووور بالمنصور .
اميره:وهو شيشتغل؟
ورده:خريج تقنيه طبيه..
اميره :لااا بربج ؟؟ لا حبي لا اريده دكتور او مهندس ،وإذا عد ابو فلوس المهم هو..
ورده:كبر لفج تضلين فكر دوم لج الولد مو هامته الشهاده..
مكون نفسه وعنده بيت وسياره ومحلات يعني اساسا ممتعين ولا يريد التعيين امه صح ربة بيت بس نادره عدهه محلات البسه نسائيه ..بعدين شتفيدنه الهندسه حنتخرج ونبل الشهاده ونشرب ميتهه علی كول المصريين دفكري زين حبي وشوفي اهلج .
نسيت موضوع عادل كليا وعدت الی الجامعه لأكمل باقي محاضراتي ..الساعه الان الرابعه والربع مساءا انهيت محاضراتي اخيرا وسأعود الی المنزل ..
خرجت من الكليه وانا اجر بجسمي من التعب كنت انتظر -عمو عمر-سائقي الخاص وفجأه وجدت امامي شاب اسمر وسيم وها هو يتجه نحوي..
؟؟:السلام عليكم
التفت حولي بالفعل لا احد هناك غيري خرجت متأخره
اميره:ووو عليكم السلام-يدي النور يدي النووور-
؟:اعرفج بنفسي عادل محمد يمكن سامعه بهالاسم..
اميره:لاء -جذابه -
منو حضرتك
عادل:معناهه مكلتلج ورد ..شكد عطلات .
اوكي اني بصراحه اريد اتقدملج تفضلي هذي كرتي اتصلي بيه واكو بي البيج مالتي ياريت تدانشين عقلج وتفكرين بالموضوع اريد موافقه مبدأيه منج قبل لا اتكلم وي اهلج..
-هو ديحجي واخذني حاصل فاصل واني بس صافنه بعيونه العسلي كولش انسحلت يربي -
اميره:بسس اني ما الي حجايه الشور بالاخير لأهلي
عادل:مو داكولج اريد شي مبدأي منج حتی اعرف اتصرف .المهم تحبين اوصلج تره الوقت اتأخر
اميره:لا ماكو داعي -اي اي اي -
عمو عمر حيجي -كبر هو يعرف منو عمو عمر -
عادل :اوكي اخذي راحتج لعد مع السلامه
اميره:مع السلامه-هو راح!؟ لييش راح-
هاي شنو السياره ...ياهذا عمو عمر عزه غاسل سيارته شنو
اميره:السلام عليكم
عمر:وعليكم السلام هلا بنيتي
اميره:هاي شنو عمو اشو اتأخرت
عمر:لا وداعتج بس شفتج وي شاب فكلت اخليج علی راحتج منو هذا عمو اقاربج مو؟
اميره:اي عمو حيصير قررريب عليه بس ادعيلي -شكد حشري-
عمو غاسل سيارتك-ادري داغير الموضوع-
عمر:اي عمو اليوم حنروح نعقد لابني عموري يوم زواجج وازفج بسيارتي
اميره:تسلم -سيارتك وراي وراي طبعا بكولشي يدخل سيارته عمو عمر يخاف اعوفه ويخسر الاجره عوزه بس يكول عمو يوم تموتين واشيل تابوتج بسيارتي -
البطاقه الشخصيه'
الاسم:عمر علي
تاريخ الميلاد:ما اعرف قابل سائلته شكلولكم عليه
الهوايه:كرة القدم- خابصني بريال مدريد-
الوظيفه:سايق تاكسي-شغلو مخكم-
وصلت لبيت اخيرا حيث اسكن مع ثلاث اشخاص
البطاقه الشخصيه'
الاسم :سعيد جودت
تاريخ الميلاد:1974.6.2
الهوايه:متابعة كرة القدم عاشق للملكي ريال مدريد
الوظيفه:ضابط شرطه -خفتو مو..اي خافو هذا باباتي-
اميره:السلام عليكم مساء الحذاءي حينكطع من التعب
بابا:وعليكم السلام ومساء الفوتي ارتاحي بابا
.....ماما
لاااااا ويييين امور حبيبي تعالي اتغدي لتنامين شوفي صايره تخوفين ..علی يوم ان شاء الله اخذج ويايه للكندي يدرسون عليج الطلاب الهيكل العظمي
اميره:ها ها ها ها متضحك
البطاقه الشخصيه'
الاسم :ايناس رزاق
تاريخ الميلاد:1977.6.6
الهوايه:-تحشش عليه وتنكد عليه عيشتي -اقصد مطالعة الروايات الدينيه
الوظيفه:مدرسة تربيه اسلامية
تناولت غدشائي-غدا وعشا سويه-ثم صعدت الی غرفتي فتحت اللابتوب خاصتي ودخلت علی بيج عادل خاصتي-زلة لسان غلسو-احسست ان هناك من يراقبني فتحت الباب ببطأ وقمت بسحبه للداخل ..كانت امي كالعاده
امي:ههههههههه ها اموره حبيبي شو كاعده جنت داشرب مي و...
اميره:علينه انوووس احنه دافنيهن سوه
امي:دسوكتي كوليلي شعندج لهسه كاعده ام المخاديد هيج وكت انتي عادة تعاركين باحلامج
اميره:سمعي يوم ..اليوم اجتي ورده ودتكولي اكو شاب شايفج وديريد يتقدملج
امي:وخير ان شاء الله شبيج خايفه شناقصج ايد رجل خلي يتقدم ونشوفه واذا عجبنه يصير نصيب اذا لاء كول واحد بطريقه.
اميره:اي اعرف بس اليوم اجاني وره الدوام وسولف ويايه
امي:شكلج O_O
اميره:انطاني كرت وكال دانشي عقلج اريد جواب مبدأي حتی اتقدم ..الكرت بي رقم والبيج مالت الفيس بوك ومكان عمله وبيته حتی نسأل عنه
امي :اهااا لعد ادخلي ع البيج يلا امي دنشوف
.
.
.
.
.
.
.
BUY:700words