يوميات فتاة السرطان

chapter21♤

اميره:وشنو اسوي هسه؟
رِهام:تنقذين نفسج وتنقذين مستقبلج من هالمَطّب الخطر ..اعرف انو سلام اخويه بس انتي اختي همات ، هو رجال يكدر يتخطی نور بس انتي اذا تعلقتي بي محتكدرين تنسينه ..وبعدين اني متاكده ميه بالميه رح يرجع لنور ، نور محتعوفه هاي مخبله بيه تحبه بجنون مستعده تجي تذبحج! بس هو حاليا مكايللهه ع الخطه لانو يعرف محتوافق انو يشبك بنيه ويبهذل حالهه هيج.
اميره:اكولج شي ..اني بصراحه جنت حاسه من زمان عنده حبيبه وهالزواج اجه بناءاً علی قبول والدي ووالدتي الموضوع خارج عن سيطرتي اساساً ، شاب بعمره وبمكانته مستحيل ميحب .بس ابد متوقعت هيج حابكهه متوقعت هيج حقير ، اي اسمحيلي اكول حقير !حقير لانو متهمه مشاعري لدرجة انو ميكوم من يمهه من يتصل بيه ، يستهزأ بيه كدامهه هه سمعته اليوم الظهر بس اقنعت نفسي انو اتخيل صوت بنيه يمه !
رِهام:هو مكايللهه عنج ..احتمال كايللهه وحده من ذني الي يلاحقنه .
اميره:هه يلاحكنه ..اني اشكرج انو وعيتيني..بس الي لقاء وي سلام .
رِهام:هو ميدري اني الي فركشت كولشي ..ف...
اميره:وليهمج محجيب سيرتج ..
رِهام:مجرد رفضج اله بطريقه رسميه ..تخلي ابويه يقتنع بنور اتمنی تسوين هيج اني اعرف ما الي حق اطلب منج هيج طلب ..بس اعرف اخلاقج اعلی من اخلاق سلام ..
اميره:يصير خير ..لازم اروح
رِهام:اوصلج؟
اميره:لا سالمه اني اخابر سايقي
خرجت اميره وهي ترتدي نظاراتهه الشمسه. ..هل السبب تلك الشمس الحارقه ؟ اممم ذاك القلب المشتعل ؟ لأول مره احست انها مُستغله ..مُستغفله ومُحتقره ..لم تجد نفسها سوی جالسه علی احدی المصاطب العامه تمسح باقايا دموعها علی خديها الورديه ..هل تستحق هذا الخذلان المتواصل؟ ابدً لم تحبه او تستلطفه لكنها كانت فخوره به..بشكله ..اسلوبه ..عمله..اناقته..ولكن هو ليس لها وانتهی
ورد:الوووو
اميره -استجمعت قوتي وصوتي واحجي -:ا لوو وو ورد-شهقه-
ورد:شبيج؟! صار شي اتعاركتي وي امج
؟؟-عبالهه اميره بالبيت-
اميره:ا رريدج..تعاليلي -شهقه -اني بالمتنزه الي يم الكليه -تشهق بقوه وتبجي-
ورد:خلص خلص جايه حبي ابقي ويايه ع الخط كافي بجي فدوه لكلبج.
بعد عشرة دقائق تصل ورد واخيراً لتجد اميره منهاره وفي الشارع!
ورد:اميره..عمري شبيج؟! كومي ويايه احنه بالشارع .
اميره-اباوع من بعيد واشوف عمار مستغرب -:اجيتي وي عمار-شهقه-؟!
ورد:لتستحين منه هو مثل اخوج كومي حيوّصلنه للبيت
وصلت لبيت ورد... سبحت وغيرت ملابسي ..هدأت تقريبا ، ضعيفه اعرف اني ضعيفه بهيج مواقف بس الي خلاني انهار فكرة انو سلام وابوه استغفلوا ابويه هذا بحد ذاته كارثه ..لا وفوكاهه معتبر نفسه صديق ابويه ..
ورد:ها عيني شلون صرتي -بيدهه كلاص عصير-
اميره:تعبتي نفسج
ورد:لج احنه خوااات فدوه لقلبج اموووواح
اميره:هههه صح اخوات
ورد:ها عيني ما ناويه تكوليلي شكو
كُلت كووول الي عندي لورده حسيت هم وانزاح من صدري..بجيت هوايه وعيطت هوايه ، انفعلت ولِمت ابويه وامي بالذات ولِمت نفسي كومه..
ورد:انتي متحبينه بس مقهوره لانو استغلج مو او بالاصح راد يستغلج؟
اميره:امم
ورد:لعد لتعوفيه هيج ..كسري راسه بالاول
اميره:ما اريد خطيه نور
ورد:لا ابو نور لا ابو سلام ..يا اختي فخار يكسر بعضوا ..انتي انجرحتي معناهه لازم تذبحيه
اميره:لج عوفي سوالف التركي
ورد:شوفي معناهه رفضي بس بطريقه تحسسه هو صغير وزعطوط ..تخلي يفكر بنفسه وبشخصيته مره ثانيه.يعني بالمختصر هزي كيانه
اميره:لج شهِز ..هذا عفريت ..شخصيه وهيبه يدوّخ بلد
ورد:ميخالف اسمعي حجايتي صدكي كُدامج يبين ممهتم بس وراج حيتأذه صدكي
اميره:اوكي يلا جهزيلي غرفة الضيوف لانو كولت لماما انام يمج الليله
ورد:وليش الضيوف تعالي نامي بغرفتي ..يمي

في اليوم التالي ..يتصل سلام باميره طالباً موعد ...تتصرف كالمعتاد وتوافق ..لم يشعر بأي تغيير وهذا ما ارادته الفتاتين .تذهب اميره للمنزل في الخامسه صباحا بحجة تغيير ملابسها ، بالرغم من الحاح ورد لكي ترتدي اميره بعضاً من ثيابها 'تتحجج اميره بالقياس وتصل للبيت اخيرا بمساعدة ورد وعمار..تتحدث مع والدتها حول الموضوع وتطلب منها ان تُبقِ الامر سرا هي بالنهايه لا تريد لأبيها الاذی مطلقا! طبعا الوالده تصدم في بادیء الامر ولكن سرعان ما تقف الی جانب ابنتها المدلله 'التفاصيل. .لاتفاصيل، اميره تتحدث بإيجاز دون ذكر اياً مما حصل لها.. ورّدَة فعلها وبقائها مكسوره في الشارع! حتماً فضّلت ان تبقِ الامر سراً بينها وبين العشرات من الماره في تلك اللحظات من ذاك اليوم المشؤوم .
في نفس المطعم القريب علی الجامعه والساعه الان 11:00 استراحة الغداء ..هي اصّرت علی مقابلتهه هنا..ارادت ان تحطم قلبه كما تحطّم قلبها في هذا المطعم وعلی نفس الطاوله
سلام-يسحب الطاوله لاميره-:اتفضلي
اميره-هه جنتل حضرتك-:شكرا
سلام:شتحبين تاكلين
اميره-اكل وجهك-:عصير برتقال واعرف هذا شرب بس اني ما اشتهي اكل شي
سلام:واحد اورنج جوس وواحد كافيه ساده
سلام:اكيد دتتسائلين عن سبب وجودنه هنا
اميره:بصراحه لاء
700words

ممكن تتفاعلوا