ماما:تستاهل ورده
اميره تترتب شالهه:اكيد ..ورده تخبل
ماما:يوم الج
اميره:ادعيلي اتوفّق بدراستي يوم
..
بَدت ورد كالاميره في تلك الليله..كانت مذهله
جميع الفتيات تصطف في محاولات للامساك بباقة الورد الخاصه ب ورده..لتقع دون اي محاوله في يد اميره!
الامر حقا غريب ومقلق بالنسبه لأميره ..
ورد تركض باتجاه اميره وتشبكَهه:لتطولين ..
اميره تباوعلهه ومتفاجأه :شنو لا لا ما اتصور
ورد :حترجعين بعد كم شهر من اوكرانيا والحلقه بإيدج اني متأكده
تبتسم اميره بقلق ..تشبكهه ورد ويبجون سويه..
لطالما احسّت ورد بالمسؤوليه تجاه اميره..ربما خوفاً عليها من الحياة ومصاعبها. ولكن هذه الليله احست ورد بالذنب لانها ستنهمك بشخص اخر غيرها ، حتی اميره راودها شعور بالحزن والوحده لكن لم تدع ورد تشعر بالامر.
عادت اميره .. الوحيده الی المنزل ، لتجد الاهل مجتمعين .
اميره:مساء الاسره السعيده
ابويه:تعالي بابا
كَام ودخل للمكتبه .. باوعت لماما واشرّتلي بمعنی الحكَي بابوج..وبالفعل دخلت المكتبه وسديت الباب ورايه ..كعدت مقابيله ..اشرلي اكعد يمه !
وسويت الي طلبه ..
ابويه خلّه ايده علی كتفي وكال:بابا اموره اني اريد اتأكد منج ..
اميره باستغراب:بخصوص شنو بابا؟
ابويه :تعرفين يعني ..انتي صدوك وافقتي ع السفر ؟ لووو
..امج جبرتج؟؟
اتمنيت اكوله بابا ما اريد اروح..اريد ابقی يمك ! اريد اكمل دراستي هنا يمك..احس اكو احد بظهري ..يساندني ! اني بعمري ممبتعده عنكم هلكَد ..:اي بابا اكيد
يرجع يتكلم بقلق :انتي ممتعوده تبقين وحدج..تشترين حاجياتج،ما اتصور انتي مستعده تعوفين امج..واني..وحمودي
اميره تحاول تطّمن والدهه:لتخاف عليه بابا ..خالو يمي والبنات يحبوني هناك..بعدين اني اريد اعتمد علی نفسي وهي كلهه سنتين وارجع ، ماكو داع للقلق -تبتسم-
حضنّي بابا ..حسيت رجعت عشر سنوات وره ..
اتذكرت سلام ومكدرت اسيطر علی دموعي ! الي سواه سلام عمري كله متوقعت اتعرضله..اغرب واحقر شي صار ويايه يمكن لانو الموضوع متعلق بابويه ..كل بنيه ممكن تتفق ويايه بهالموضوع ، ماكو بنيه مؤدبه تحب تشوف ابوهه متأذي او منذل ! استغرب البنات الي يطعنون شرفهم ويطعنون ابوهم
..استغرب شلون تكدر تعيش وتتزوجه..تتزوج هذا الي داس كرامتهه وكرامة ابوهه!!
تمنيت ابقی بحضنه هيج الی ان اموت..
رجعت لغرفتي .. لكيت ماما مكمله كل شنطي وملابسي مرتبتهم بطرق عجيبه !
هذي اخر ايام ويه اهلي !!:(
اليوم اميره واقفه مرة اخری..لقد وقفت كثيرا
عندما اوقعت بها صديقتها..وقفت
عندما طعن بها صديق والدها العزيز .. وقفت
عندما كانت تسمع الكلمات الجارحه من والدتها، صديقاتها، والناس...وقفت
ولا ننسی عندما وقفت لتلتقي خطاب التخرج الخاص بها ..
عندما وقف لها العشرات اجلالاً لمجهودها ..الدراسي
وحين وقفت الصديقات تكريما لمجهودها النفسي وتخطيها للماضي...
والان هي تقف وقفه مختلفه تماما..
لم تمر بمثل هذا الموقق من قبل!
وقفة الوداع!
وربما للابد..
أنت تقرأ
يوميات فتاة السرطان
Roman d'amourهل سبق وان اصبت بالهوس ؟؟ عندما تؤمن بالشيء بشكل مفرط ان لم تفعل..فانت تكذب "قصة فتاة قاست الكثير ..في طريقها لتجد الفارس المنشود! تتبعت الابراج فقادتها الی نهايه مسدوده كيف ستواجه والدتها ..مجتمعها الذي يرفض فكرة الزواج المتأخر"تابعوها للاخير #n...
