يوميات فتاة السرطان

chapter18♤

مر اسبوع كامل ..لم تستطع العائله السيطره علی الوقت ..كان كل يوم حافل بالحركه والتسوق المتعه واللحظات الحميمه العائليه ولاننسی الصور ، الكثير والكثير من الصور .انتهی الوقت وعادت العائله الی العراق ولكن هذه المره لوحدهم ..
تذهب اميره مباشرة بعد فتح الباب لتتفقد جولي -سمكتها المدلله-مؤكد كان وقتا عصيبا علی جولي من دون اميره .
ثم تتعاون الام وبنتها لتنظيف المنزل واعداد العشاء ... لم يتبقی سوی ثلاثة ايام علی الدوام.
في اليوم التالي ..
دا اساعد ماما بالطبخ واسمع صوت ابويه ..وهو يطلب من امي تجي لعنده للمكتب !
بعد حوالي ساعه يأست من امي ودخلت غرفتي حتی اريح جسمي شوي ...
اسمعت صوت الباب دينفتح ..
اميره:هلو ماما
ماما:هلا حبيبي تعالي اكولج شي
اميره:شكو-عدلت جلستي -
ماما:اممممم شخبار البنات؟
اميره:زينات -اممم امي عدهه مصيبه عبالهه عمري 12 سنه -ايناس ادخلي بالموضوع حبي ..
امي:صح ..اسمعي تتذكرين الولد الشاب الي يدرس هندسه واخذ ماستر ورح يشتغل ضابط وي ابوه
اميره-اهااااا امي تكدر تختصر هالحجي بكلمة (سلام)بس هذي امي اني افهمهه ..تريد تذكرني بأنجازاته العظيمه يا ساتر تعالوا نكمل جذب وياهه-:لاء
امي:شبيج هذا الحلو الي راح ويانه بالطياره ابن ابو عزام ..يربي شسمه !!! يمكن اسلام او سليم اوو
اميره:سلام ماما سلام شبي
امي:شكله يريد يخطبج ..اليوم والده حجه وي ابوج
اميره:وشنو المطلوب
امي:تقابلينه خلال هالاسبوع
اميره:بهالبساطه! وين اقابله؟ وليش اقابله؟ وشمعنه هسه قبلتي اقابله وبهالسهوله؟ مو غريبه يعني!
امي:تقابلينه بالكليه او ترحين علی يوم وي ابوج للشغل..حتی تتعرفون علی بعض اكثر ووافقنه لانو هذا غير
اميره:لانو عنده فلوس
امي:لاء تدرين احنه الله ممكنه ..وممحتاجين
اميره:اسفه
امي:بس ابوج خجلان منهم الرجال والده ..صديق ابوج حيل صارلهم سوه من ايام الجيش ، والولد مؤدب وطموح وشخصيه يعني انتي شفتيه ميحتاج نعيد بهالموضوع .
اميره:خلاص اقابله تردون؟ رح اقابله بس اكولج من هسه الولد مطايقني
امي:شلون مطايقج ويريد يخطبج؟
اميره:اي مو شرط يجوز ابوه جابره مثل جبره ع الوظيفه الجديده..بعدين مو كولتي ابوه حجه وي بابا ..ليش مو هو الي حاجه ابويه! وانتي تكولين شخصيته قويه وميحتاج يلف ويدور
امي:وين تردين توصلين
اميره:واحد من اثنين
اما إنو ميريدني واحتمال ميدري ابوه حجه وي ابويه
او هو فاشوش وشوفة حال ع الفاضي ويسوي نفسه رجال بس بالحجي ومن يصير الجد ينهزم
امي:كافي تحللين حرام عليج موتيني
اميره:خلص امي خلص رح اقابل ه السلام هذا واشوف وي يريد يوصل .
بعد يومين
اميره حقا حقا متعبه ..لم يبقی للدوام سوی يوم واحد ! ارادت ان تستغل هذا اليوم بالراحه او النوم ، لكن هي حتما مجبره علی مقابلة ذاك السلام المتعجرف .
غيرت ملابسي وحضرت نفسي رح اروح للشغل لبابا وهناك اقابل سلام وابوه ،اني ما اعرف شنو السبب الي يخلي سلام يحبني وبهالسرعه هاي اكيد اكو شي خطير .
وصلت للمركز ..ودخلت لمكتب بابا مباشرة اني دائما اجي لهنايه حتی الموظفين والشرطه حافظين شكلي ، سلمت علی بابا ولكيت سلام ووالده موجودين بالفعل ، سلمت بخجل وكعدت يم ابويه .
بعد نص ساعه من الدردشه وي ابو عزام -سلام ساكت-قررت ارجع للبيت لانو هي هاي الخطه ! خطة ماما وبابا حتی يخلوني وي سلام .
اميره:يلا اروح اني ارتاح تسمحولي
ابو عزام:بعد وكت
اميره:لا عمو ياريت ابقی كلامك مينمل منه-جذب-بس باجر دوامي لازم احضر نفسي
ابو عزام:لعد كوم سلام وصلهه
اميره:عمو ماكو داعي اخذ تاكسي او انتظر عمو عمر -تتذكرونه؟!-
ابويه:بابا خلي سلام يوصلج بلا عناد
اميره:اوكي
سلام:يلا مع السلامه ..امشي اميره
صعدت السياره وياه ..والله يخوف شخصيه ! ارجف من اباوعله صافنه بوجهه وهو ديفتحلي الباب ..
اميره:اه ..شكرا
ملكيت نفسي غير كاعده يمه وهو يسوق ..واني صافنه علی عضلاته الي رح تمزق القميص ..قميصه ضيك والدليل هو مبين متضايق حيل .
سلام:شبعتي!؟
اميره:هممم؟!
سلام:كافي مركزه بيه تره مداعرف اسوق
اميره:اسفه-شكد فشله -
وبعد كم دقيقه
سلام:رح اخذج مكان نكعد بي
اميره:ماكو داعي لو توصلني للبيت اروح انام تعبانه
سلام:لعد شكو اجيتي ؟ جبروج مثلا؟ ههه
اميره:لاء بس محبيت اخلي ابويه بموقف محلو وما اجي
سلام:اممم شاطره
بس تعرفين شنو رح اخذج لفد متنزه احسن من المطعم او المقهی.
اميره:وديني للبيت ماكو داعي
سلام:اميره خلينه نسويهه ..اني اعرف انو هذا الي يريده ابويه فياريت ما تصعبيهه عليه !
اميره:اسفه سوي الي يعجبك ..
دخلنه المطعم..
سلام:مكلتيلي ليش اجينه المطعم مو ع اساس اخذج متنزه؟
اميره:ما انتبهت ..جنت افكر بغير شي
سلام:شتحبين تاكلين
اميره:عصير ليمون
سلام:اكل مو شرب
اميره:ما اشتهي
سلام ديحاجي الويتر:اثنين عصير ليمون .
سلام:شبيج
اميره:ما اعرف احس تعبانه
سلام:شوفي نخلص الموضوع بسرعه ..الزواج بعد التخرج ، الخطوبه بعد شهر ، احبج تحبيني مو مهم ، نتعود بعد الزواج هذا الي كاله ابويه .
اميره:لحظه سلام فدوه وديني البيت
سلام:خير بيج شي؟700words

•تفاعلوا انزل بارت بالليل
بالمناسبه البارت هديه للبنوتهjanna wisam