يوميات فتاة السرطان

chapter8♤

جنت سرحانه وفجأه رفعت راسي لكيت مركز بيه
مها:جماعه اني رايحه ..الظاهر ورده عدهه مشكله
اميره:اجي وياج؟-خايفه وبس اريد اطلع..-
مها:لا براوني ماكو داعي اني اشوفهه
راحت صديقتي ال....وعافتني..
باوعت علی اسعد ورا ثواني -يربي طلعت هالموسيقی براسي هاي من هلكد ما اتابع محقق كونان ..ليش داحس نفسي ران.؟! اتذكري اميره تره انتي جايه تعتذرين و تخلصين نفسج من هالبلوه ،اسعد صافن بيه ..لا كمية العرك الي دتنزل ممكن تحل مشكلة الجفاف بالصومال-
اميره:احمم
اسعد:صافن بيج اعرف ..تدرين ليش
اميره:-هزيت راسي بمعنی لاء..-
اسعد:شكلج بلا مكياج احلی بهووواااااي
اميره:اسعد بخصوص هالقصه...
قاطعني
اسعد:ماكو عطور ...هسه اكدر اكعود وياج بدون حرام
اميره:-لايربي ديسيطر عليه وجي حينفجر ليش هيج يسوي تره هذا سم بعسل يعني يجبرني ويتغزل بيه بعد شلون اكوله لاء-بالمناسبه الي سويته البارحه محلو
اسعد:وشنو الي سويته -رفع حاجبه وابتسم-
اميره:انو عفتني احجي وحدي ولوما منفذه كلامك ما اجيت انته اليوم تره كولشي بالتفاهم
اسعد:ماكو داعي للتفاهم مصلتج تهمني..واني فرحان لانو مسحتي الصوره-ديستفزني-
اميره:امم
اسعد:-اقترب مني -يوم اشوفج لابسه الجبه اميرتي
اميره:ها
اسعد:شنو عمو سعيد ماكلج!-رجع ظهره ع الكرسي-
اميره:كلي ...بسسسس اسعد شبي لبسي والله فضفاض وتنورات الله يخليك لتضغط عليه
اسعد:احنه شمتفقين ...ليش ابوج وافق بالاساس-عصب-
اميره:ابويه كلك اخذ رأيهه وما وافق
اسعد:شوفي اميره الي اريده يتنفذ او الي بينه ينتهي
اميره:ليش ....ليش هيج دتسوي؟ -هاي شنو دابجي؟!-
اسعد:اميره..كافي فضحتينه تره ديباوعون
منذ ان تقدم لي عادل وانا اسمع كلام جارح من الطالبات لطالما كنت محط انظار الجميع..وها انا الان ابكي بسببه
سمعتي اصبحت في الاراضي ..لا اود الانفصال سأمت
ولكن هو لا يلائمني بحق ..ابكي اتمنی ان اسمع كلمات
غزل منه او يواسيني ويفتح باب النقاش ولو لمره..

اسعد:اميره..كافي ..الله يخليج الي يشوفنه شيكول
اميره خلص اذا معاجبج الي داطلبه منج تكدرين ترفضين
-باوعتله بنظرة استغراب-
اي..تكدرين، ممكن ترفضيني اني مغاصبج !
اميره:-حجيت واني اشهق-اس عد ود وديني للبيت
اسعد:براحتج بس مسحي دموعج
-مسحت دموعي واخذت جنطتي ونسيت مها راحت من بالي اسعد جرحني حيل من كلي - تكدرين ترفضيني-ميفتهم هذا..
ميدري احبه ..ليش يعاملني هيج
صعدت بالسياره واسعد وصلني لاول مره مجان هامني كلام الناس ولا اهلي جنت مختنكه وما اكدر اخذ تاكسي..طلعت بره اتصلت بعمو ابو عمر ..بس مجاوبني ،ومقبل اطلع اله رجله علی رجلي لذلك ديوصلني .
نزلت من السياره..اشرلي بمعنی اوكفي
وجي مورم من البجي ..وشكلي تعبان صح كوله هذا بسببه بس بعدني ما اريده يشوفني محلوه لان يعجبني
وكفت
نزل-
اسعد:اميره اني اسف
-ضليت صافنه بالكاع وهو يباوعلي ..داحسه يباوعلي-
اميره..اميره -سمعته ديعيط ورفعت راسي-
اسعد:سمعتيني ..داكولج اسف ، ياريت الموضوع يضل بيناتنه تره اني ما اقصد..ومثل مكلتلج ما اجبرج ع الزواج انت....
قاطعته
اميره:تعبانه اريد ادخل انام اسفه اسعد
الساعه الان 11:00 صباحا
-عفته بظهري ودخلت البيت جنت ناويه اروح اشبك ماما وابجي ..لكيت البيت هادیء علی غير العاده!! اتذكرت اهلي ميرجعون قبل 12 اليوم عدهم سهره ..بس لكيتهه خوش فرصه حتی ابجي نزعت حجابي وغسلت وجهي وبلشت دموعي تنزل من يمهه تنزل بحراره ..انطيته فرص هوايه معقوله الابراج اثرت عليه ! والله ميلائمني. ميولنه مختلف ..تصرفاتنه الاشياء الي نحبهه ..احبه وما اكدر اكوله احبك اتنرفز من اكعود يمه ومن يروح اريد يرجع ..يربي والله العظيم هالمره هو السبب هذا البني ادم اتغير مو نفسه الي جان ويايه بالامتحانات..
وره ساعه قررت انو اعتذر واعوفه ..لا خطوبه ولا بطيخ الزواج مو لعبه مو يومين واصبر نفسي! هذا عمر جديد..اما نار واما جنه ، اني ممستعده اعيش بجحيم
اتصلت بمها واخذت رأيهه، بقينه نتناقش ساعات وبجيت هوايه ..مها ضلت بس تردد-سوي إلي يريحج.القرار قرارج.انتي تقررين.الولد بعدج ممعاشرته.-يعني هي بصفه بس اني اخذت قراري وخلص صحيح هو عاجبني بس حيعذبني، حشري مو بس ويايه لا وي كول صديقاتي يحاسبهم ويحاسبني
اتصلت بي
الساعه الان 7:00مساءا
قررت الاتصال باسعد..حان الان موعد الحقيقه .
لن اجعله يأثر بحبه علي مهما كان حجمه بقلبي ...انا اختار الحريه اختار الحياة.المظاهر ليست كل شيء كل فتاة تحلم برجل لا بناقد متسلط ولهذا السبب تركت عادل اذا لماذا انا الان اعطي فرص لاسعد ..هل لانه اظهر وجهه الطيب لي وقت الامتحانات؟! يا لغبائي
بعد ثلاث رنات اجاب اسعد
اميره:هلو
اسعد:وعليكم السلام ورحمة الله وبركاته
اميره:اسعد اني فكرت بكلماتك الاخيره قبل لتوصلني وقبل لا ادخل البيت
اسعد:اممم داسمع شقررتي
اميره:ذكرني بشروطك
اسعد:ماكو مكياج .ماكو فيس بوك ولا اي برنامج تواصل اجتماعي.جبه و عبايه.وتعوفين زملائج -بصوت ساخر -وزميلاتج الكافرات
اميره:يعني ماكو حياة
700wordsvotes