يوميات فتاة السرطان

chapter5♤

اميره:الووو مها
مها:هلا حبي شكو
اميره:لج هذا اسعد ادزلي طلب صداقه ع البيج
مها:اي وشبيج خايفه..وافقي لو اكول انتظري شوي باجر وافقي.
اميره:اوكي يلا ولي
اغلقت الخط حتی قبل ان اسمعها لقد كنت متحمسه للغايه وسعيده، ربما لكونه تذكرني
في تلك الليله لم اوافق لكنني بقيت في حسابه مده لسيت بالقصيره اظن انني كنت اخشی ان يتراجع ويلغي الطلب فوجدتها فرصه مناسبه لأطلع علی ملفه الخاص..
البطاقه الشخصيه:'
الاسم:اسعد جبار
تاريخ الميلاد:1992.1.24
الهوايه:السفر والتصوير
الوظيفه:طالب كلية هندسه مرحله رابعه
همممم شكله برج الدلو ..
قاطع افكاري صوت الباب ديندك ..
حمديه روووووحي لتزعجيني -همست واني واكفه وره الباب لتنسون الساعه الان 11:30 مساءا واني مسويه عمله باعتبار فمدا اعيط -
؟؟:لج افتحي اني امج
فتحت الباب :هلا انوس
ماما:تعالي يمي ..من صدوك الي سويتي ؟!
اميره:وشنو هو؟!
ماما :اميره انتي لو احمد دعمهه
اميره:-عزه اسعد نساني وكاعده اضحك واسولف وي امي-اي ماما اني -وسويت نفسي ندمانه-
ماما:منه العوض وعليه العوض قابل شكولج ..بس اني متأكده احمد داعمهه كلبي ديحسسني احمد اله ايد بالموضوع
اميره:عتقوا للولد -دادافع عنه انصدمتو مو حتی اني مصدومه من نفسي بس مو يكولون الحب يعمي البني ادم-تعالي يوم اريدج بشي..
ماما:ياساتر ..شكو
اميره واني دأراويهه صورت اسعد :شلونه؟
ماما:حات
-امي دوم هيج يمكن ابويه مو تارس عينهه هععع او لانو بعدهه صغيره فتحشش عليه-هسه كون سعودي يدري بيج
ماما:دسوكتي بلا لغوه شوفي غمازته ..لجججج منو هذا؟
حجيتلهه القصه كامله
وقررت اتحری عنه ..بس ماعندي احد يساعدني غير ورده
لااازم اصالح ورده واعتذر شعبالكم اني بنيه صاحبة واجب تره.
ماما:ورده ما الج غيرهه اكيد تعرف اهله او تعرفه ..
-ورد اهلهه معروفين ببغداد وهي عدهه علاقات اجتماعيه هوايه لذلك اعتمد عليهه -
اميره:وحتی اذا متعرفه اخلي سيف يجيبلي اخباره
-سيف اخوهه اسمي "جفجير الولايه"لانو مووو مبقي واحد ميعرفه علی فكره يحبني بس هو بالسادس يعني اصغر مني فميفيد اروح اخذلي جاهل اربي شنو؟؟!!-
اميره:الوووووو ورده حبيبتي_____________________
لج لا يعمري والله اسفه ادري موقفج صعب____________
ادري احرجتج بس هو حرجني اكثر بالشارع____________
اي عيني اهم شي رضاج تره همه يرحون ويجون بس انتن شيعوضجن -صبغ اصلي-________________________
والله ردت منج خدمه..عندي صديقتي متقدملهه ولد ونريد اخباره______اي عندي البيج اقصد عدنه البيج مالته _____
اها اوكي حدزه الج يلا عيني تسلملي عيونج واصابيعج الي يجيبلي معلومات ..بااااااااااي
وره يومين وافقت علی الطلب ووصلتني اخبار اسعد
طلع متدييييين حيل لا ومتحفظ بعد اي وشكو بيهه حلو اني اريد واحد يفوتني الجنه..الوالد مهندس والوالده معلمه مستواهم المادي جيد جدا وشخصيته حلوه بس ضوجتني ورد دتكول متزمت برأيه متشدد ويحب يحرج البنات علی لبسهم وهيج ..همينه مو مهم هو صحيح محلو الولد يتدخل بهيج امور بس مبيهه شي ديأمر بالمعروف وينهي عن المنكر صح لو مو صح جاوبو صح؟؟؟
عندما نقع في الحب نتخلی عن حرياتنا ..ميولنا ...قناعتنا الخاصه ونردد داخل انفسنا'انا تمام، ميخالف، عادي، اتحمل، شكو بيهه'لكن في اعماق الاعماق نكون غير راضين عن المحبوب لكننا ندعي الرضا فقط من اجله.
لست احبه لكنه اعجبني ..كلمات نرددها عندما نحاول التأني في القرار ..عندما ينجرف القلب بعيييدا بالمشاعر فنحاول الكبح لماذا حتی لا نصطدم بالواقع بقوه وفجأه ،مثل السائق اذا استمر بالقياده بسرعه حتما سيتعرض لحادث لكن لو ابطأ قليلا فان تأثير الصدمه يقل علی جسمه ولو بجزء بسيط..لذا احاول التعامل ببرود مع الموقف ولا انجرف مع التيار!

بعد الموافقه علی طلب الصداقه بلش اسعد يسولف ويايه بهدوء ورقه وكلامنه جان سطحي بس بنفس الوقت يتدخل بمنشورات اصدقائي ويحجي بطائفيه وينتقد لبس وصور صديقاتي اني غلست لانو ما اريد يبتعد عني ..لدرجه انو صديقاتي اشتكو منه وسوله بلوك اني كولتلهم اي سويتله بلوك بس جنت محاضرته ..بعد فتره ..جان ينزعج من البنات ويطلب ابتعد عنهم خصوصا السافرات والغير مسلمات ! للحظه من اللحظات جنت مقرره اعوفهم علموده .
باقي للدوام 3 ايام وصار يومين محاجيه ويه اسعد ان شاء الله خير خاف فلت -لا يربي بس لا يطفر-
دافكر بي ودك فوني طفرت عبالي هو مثل ميصير بالافلام او يصير بيني وبين كب كيكتي-شايفين هاي اللحظات الي تفكرون بيهه بواحد ويتصل او تحجون نفس الحجي سوه تره هالشي صحيح ويسموه تقارب روحي او تخاطر فكري يصير بس بين الموتافقيت فكريا -ههه هذا مو هو هذي ماما دترمش تريد اجي اتغدا .
اتغديت ورجعت للغرفه لكيت اسعد طالب مني موعد برساله
السلام عليكم اختي -وجعه تاخذ اختك-اني اسعد -هو غير حافظه الرقم -عندي طلب-ادلل- ممكن يوم فارغه اريد اشوفج عندي كلام ضروري وميصلح نحجي هنا ياريت ترجعيلي خبر
700wordsfotsfotsfots