يوميات فتاة السرطان

chapter3♤

الحاله النفسيه:° عندي استعداد اصير عشماوي
كم رغبت في الرد بشده لكن- لكن امي واكفه ببلعومي-
اميره:يوم خل ارزله
ماما:لا حبيبي ابوج ممربيج هيج بعدين هذا ماصارله يومين وهيج يشك لعد شلون اذا اتزوجتو ..انسي القصه .
في تلك الليله لم استطع النوم كنت ابكي وابكي فكرت في كلامه كثيرا هل انا سلعه هل يجب ان اكون بمواصفات عاليه ودقيقه حتی يتزوجني ..هو حقا متخلف مع كم الاموال التي عنده هو بنظري لايستحقني ،
ذهبت الی الجامعه مبكرا بدأت بدايه جديده وقررت ان اطوي صفحة عادل ❌
الساعه الان 10:30 صباحا موعد اول ريست بعد محاضره طويله ومرهقه ..في النادي الان
رح ارصدلكم الحاله اني كاعده وحدي علی طاوله لشخصين -مالت كبل رح ابجي -المهم منتظره كب كيك تجي اشو اتأخرت وفوني مبي شحن يعني ما اكدر التهي عن المناظر الي كدامي ! اكو بنات وشباب مسوين جلسات ودياكلون سويه هذولي علاقتهم طيبه مبينين مرحله اولی دراستهم سهله ومحاضراتهم قصيره فاغلب الوقت بالنادي يتونسون بالعافيه عليهم..واكو بعض الكائنات الغريبه اقصد كبلز بعضهم لابسين نفس التي شرت -الرحمه-وبعضهم مطايقين بعض مدري شبيهم واخيرا وصلت مها وخلصتني من حالة المراقبه هاي.
مها:هااااااي براوني اشو اليوم علی وكت
اميره:هلو كب كيك اي ملانه وحدي شسوي وقررت انسه عادل ومصيبته ويايه شلون فشلني العطلات هذا
مها:صح صارلج اسبوع بس همينه مو كولش متأخره همزين التفتي لنفسج انسي فاشل هذا لازم البيبان ويحجي بالشرف
اميره:وورد من يومهه بعد ما شفتهه
مها:خابرتهه من يومين دتكول خجلانه منج ومنه .
اميره:لا بربهه صاحبة واجب وليش تخجل منه
مها:تكول انتي وهواسه ومطلعته من بالج من الاول وجان لازم تنطي فرصه اكبر وانتي خليتيهه بموقف محلو وي الولد
اميره :هسه هذا الي عرفته من الفيس بوك تاخذله خاطر واني صديقتهه من الاعداديه طوز بيه مو ..اكولج عوفي ورد اني اعرف اراضيهه اني ما اريد ولد يفرقني عنجن ابد
مها:الله يديمنا لبعض وهي تحبج لوما تحبج ما اتوسطتله بس هي تفكيرهه مادي الله يصلحهه
انتهت محاضراتي واخيرا ..عدت الی المنزل كالعاده منهكه
الساعه الان 5:12 مساءا
اميره:مساء ال جيبولي غدا ومخده
ماما:مساء ال بدلي ملابسج وتلكيهن عندج
اميره :شكرا انوس
ماما:مااا مااااا ماما مو انوس فدوه لربج
بعد مرور شهر انا الان علی ابواب امتحانات كورس اول ..
الحاله النفسيه:°# شعور مطلقه وماخذين ابنهه
الامتحان الاول..
يا الله اصبحنا واصبح الملك لله ..-نصو صوتكم اني بالقاعه-منتظره الاسئله ..يااااااارباااااااه سيف ديأشر الاسئله تذبح بعدهه مواصلتلي ..هاااااي اجتي هلا بيهه
لا لا زين زين تنحل تنحل
.
.
.
عزه العزاني متنحل شنو الحل يربي حلحله اريد الحلول !
المهم خلصت وتكدرون تكولون مجاوبه اكيد الاسأله صعبه بس سويت الي عليه ..
الامتحان الثاني..
بسم الله بسم الله طبعا امي ترستلي بطني مي زمزم ..وقرانين واحد بالجنطه وواحد بمكان ثاني ......واقري المعوذات متدري اني نسيت اسمي اذا اريد اكتب اسمي لازم اقره الليبل الي ع الستيج ..وداعتكم الخوف يسوي العجب
الاسئله يا الله هذا محمد ديلطم شبي ..وصللللت !
شو قليله ..
.
.
.
ولكم وكعت ايدي من الكتابه حتنفصم اديناتي ..اجابتهه مطوله
لا زين جاوبت اني سجاجه ف جاوبت كولشي بس تعبت من الكتابه
الامتحان الثالث ..
يا الله يا منجي ابراهيم من كربه انجني يارب ..غلسو ..يا-----
¿¿:العفو شنو دتكولين
اميره:دعاء
¿¿:شلون صاير
اميره :يا الله يا منجي ابراهيم من كربه انجني يارب
¿¿:يا الله يا منجي...........
اميره:مرحله رابعه ومحافظ ادعيه شلون نجحت .؟
¿¿:ههه اي صحيح اني ما اكول ادعيه بس اليوم امتحاني صعب حيل..
عززززززه ابتسم شلون غمازه تحفه ..-علی فكره دنهمس لانو حننطرد-
¿¿:تشرفت اميره
قريت اسمه اسعد جبار
اميره:الي الشرف اخ اسعد
بس والله راحت الخوفه واجتي الاسئله
اول مره اجاوب بهيج راحه جنت كول ما ارفع راسي الكاه ديباوعلي وعلی دفتري
خلصت رح انطي الورقه .طلعت، طلع ورايه
اسعد:اميره
التفتت
اميره شلون جاوبتي
اميره:الحمد لله اول مره اجاوب هيج يمكن لانو التهيت وما خفت
اسعد:الحمد لله خليج دوم لتخافين
ابتسام +غمازه=انسحلت
بس مبينتله
الامتحان الرابع
اسعد يمي
سلمت لاول مره عادة البسهم ذولي الي وياه بالقاعه الامتحانيه
اسعد:اليوم الامتحان صعب
اميره:اي حتی اني
اسعد:لعد اقريلي الدعاء مالتج
اميره:هه ردد ورايه بسرعه وبصوت ناصي لا ننطرد
قرينه الدعاء ولكيت الاسئله تباوعلي
بلشت احل بس مو كولش جاوبت لانو البارحه ادرس ساعه واتذكر غمازته واصفن علیهه ساعتين.
المهم طلعنه سوه هالمره ..
وسألني عن الامتحان همينات
اميره:اي مجاوبه كولش-جذابه-
اسعد:بعد بس امتحانين هانت
اميره:وانتو كم امتحان
اسعد رفع اصابعه واشرلي 3 سلم وراح
الامتحان الخامس
كعدت واسعد ماكو
انطو الدفتر واسعد ماكو
الاسئله حتتوزع واسعد ماكو
المهم وره شويه اجه اسعد ديلهث
اسعد:استاذ اسف صار ويايه حادث
700words