البطاقه الشخصيه'
الاسم:عادل محمد
تاريخ الميلاد:1990.9.2
الهوايه:تربية الحيوانات-من البيج عنده كومه حيوانات -
الوظيفه:صاحب معرض للسيارات وخريج طب تقني غير معين
اميره:دافتح البيج وحسيت بيج فبطلت المهم لكيته هاذياه
ماما:عزه يخبل
اميره :مووووو يكطع؟؟-طالبتهه من امي الطلطه-
سهرت تلك الليله مع والدتي حتی صلاة الفجر لم نترك شارده ولا وارده الا وتحققنا منها ..يمكنني القول انني اعرفه جيدا الان ..تخرج من اعدادية المقداد للبنين والتحق بمعهد تقني طبي يبلغ من العمر مايقارب الخمس وعشرين سنه .. يملك احد اكبر معارض السيارات في بغداد ..الوالد طيار ومن الواضح انه قليل المكوث في المنزل وكذا الحال بالنسبه للوالده الا انها منشغله بالبوتيك الخاص بها في مول المنصور،
يحب الحيوانات والمطالعه .. ومن الواضح انه يحب التمنطق وتقديم المساعده وحل المشاكل ، مغرور ويكره الوقحين كل هذه المواصفات تؤكد انه من مواليد برج العذراء ..جميل
بقي ان اعرف مدی توافق البرجين ..مباشرة بعد ان ذهبت امي بدأت بالتخطيط وفتحت الكووكل اخذت ابحث عن امكانية توافق برج السرطان والعذراء..كانت النتيجه كالآتي:
العذراء ..يبحث عن الكمال ونادرا ما يخطأ خصوصا تجاه السرطان الذي يكرر اخطاءه دائما..كما ان السرطان يری العذراء ضعيف لانه لا يستطيع فهمه..-علی حظي المصخم وين نايم-نوع العلاقه جيده ..
الساعه الان 9:00صباحا
ماما:اميري اكوعديي ماماتي يلا شعندج سهرانه البارحه
اميره:اوووف منج ع اساس متدرين
ماما:يلا كومي حبيبي فوتتي اول محاضره
اميره:كايمه ..ماما اني قررت ما اريده عادل
ماما:ليش اسم الله الولد ابن اوادم مبين واني كلت لابوج وكال حيسأل عنه
اميره:لاء يوم ما اريده ما ارتاحيتله البارحه ..اشو يحجي هواي اكلني بلا ملح البارحه
ماما:ايدي علی راسج بس هو هذا السبب؟؟!!!
اميره:اي بس هو
اطلعي داغير ملابسي اريد الحك ع الدوام
ماما:والريوك؟
اميره:اكل هناك
وصلت الی الجامعه الساعه الان 9:45 صباحا
كانت الكب كيك خاصتي تنتظرني ..ليست نوع من الطعام بل قطعه من روحي هي صديقتي الوفيه -الحقيره البايخه العوبه الخبيثه النكوتيه-مها
البطاقه الشخصيه'
الاسم:مها اسامه
تاريخ الميلاد:1993.6.30
الهوايه:الغناء-صوتهه عذب-لاتؤمن مطلقا بالابراج
الوظيفه:طالبة كلية هندسه مرحله ثالثه
اميره:هلوووو كب كيك
مها:هلوووو براوني-لانو سمره تسميني براوني°-°
اميره:اوووف درجة الحراره يمكن 50
مها :اتعودنه..اشتاقيتلج
اميره:مو بكدي ..
مها:البارحه وينج
اميره:موجوده بس صارت ويايه شغله كلبتني كلاب..
مها:تخبين عليه ع الكب كيك مالتج ..احجيلي احجيلي
اميره:لج البارحه اجاني اتصال من ورد طالبه تشوفني ضروري بالكافي الي يم الكليه....................................
مها:وانتي شنو قررتي بعد هاللغوه
اميره:برجه ميلائمني لذلك متردده
مها:بربج هسه من اسحلج من رجليج لحد باب بيتكم احد يلومني..لج بابا حرام الابراج بعدين "كذب المنجمون ولو صدقوا"
اميره:الفلك علم واهل البيت واصفينه بعدين اني ما اؤمن بي اني بس اطلع وكافي دين عوزج بس سبحه ام الاغاني ..
مها:صح اغني بس قليل وما اوكف حياتي علمود اغنيه مو مثلج رافضه واحد ميتعوض حسب كلامج والسبب الابراج ..لج والله تبوررييييين ومحد ياخذج كبر لفج
اميره:دسوكتي سوكتي ما ابور شناقصني عين اذن حتی ابور
مها :بكيفج بس الي دتسوي حرام
في طريقي للمنزل وانا انتظر عمو ابو علي كنت اتحدث مع سيف احد زملائي الی ان لمحت عادل من جديد ..كان علی ما يبدو يريد التحدث معي اشرت له واومأ فتقدمت نحوه.
اميره:السلام عليكم -مسويه نفسي حموت من الخجل والثقل وصايا الوالده هاي-
عادل:هلو ..اكولج عود منو هذا .!!؟؟
اميره:زميل -وانته شكو كول الي بينه بيج وحته مسويتلك طلب صداقه -
عادل:اها اخر مره اشوفج وياه
اميره:بس هو لو اي مخلوق ذكري -شون سؤال-
عادل:كولهم حتی لو عتوي ما اريدج تمشين وياه
اميره:ليش -هذا خبل!!-
عادل :هيج بكيفي مو تردين اخطبج سوي الي اريده..بعدين عاجبج وضعج كول يوميه ويه واحد غريب علبو زملاءي ابوج ممنبهج تمشين ويه الغرب والله يا الله .
اميره:-لاااا لهنا وبس-اولا اني ممتوسله بيك حتی تخطبني انته الي لازم باب الجامعه علمودي ..وبعدين ابويه معودني ع الثقه وهذولي بشر مثقفين ودارسين ويفهمون الاصول عن اذنك.
ركبت السياره وذهبت الی المنزل كنت ابكي طول الطريق...
الساعه الان 4:30 مساءا
وصلت المنزل اخبرت والدتي كالعاده كانت تبرر بالغيره والنخوه وهذه الاشياء التافهه الاخری ..الغريب بالامر ان فور دخولي للمنزل تلقيت رساله من رقم مجهول قارنته بالكرت كان رقم عادل لقد كان يملك رقمي من الاساس لكنه ادعی البراءه ..مكتوب فيها
السلام عليكم اني ما اعرف ليش هيج سويت اليوم وتكلمت وياج بهالاسلوب اني اسف بس يمكن هالشي من صالحي لانو اكتشفت انو احنه منناسب بعض اني اعتذر مره ثانيه وياريت تقدرين انو الزواج قسمه ونصيب وتقدرين غيرتي عليج بساعتهه جنت مندفع شوي الحمد لله علی كل حال وربي يوفقج ويوفقني اختي.
بهالبساطه صرت اخته ..700 words
أنت تقرأ
يوميات فتاة السرطان
Romanceهل سبق وان اصبت بالهوس ؟؟ عندما تؤمن بالشيء بشكل مفرط ان لم تفعل..فانت تكذب "قصة فتاة قاست الكثير ..في طريقها لتجد الفارس المنشود! تتبعت الابراج فقادتها الی نهايه مسدوده كيف ستواجه والدتها ..مجتمعها الذي يرفض فكرة الزواج المتأخر"تابعوها للاخير #n...
