يوميات فتاة السرطان

chapter29♤

رحت وياه للسياره ..كان يمشي بعييد عني ! من هنا واكدر اشوفه متألم، ليش يمشي بسرعه!؟ مدا الحك اشوفه قبل لنروح للبيت لانو اعرف رح ارجع ما اشوفه مثل الايام قبل سفري ..
صعدت بالسياره ومَفتحلي الباب..كعدت يمه متعمده .
اميره تحاول تفتح موضوع:جوعانه
رضا يرد ببرود:نوصل للبيت واتعشي
اميره بدلع:ما ما ما اتحمل اريد هسه نتعشا
رضا يرفض:لاء اميره لاء نوصل للبيت وماما مبقيتلج اكل
اميره:والله اذا مَتنزلني اكل ..ابجي
رضا يتأفأف:لعد انتظري اوديج ريست
اميره بانتصار:يييييييي احب..الاكل
رضا يبتسم بقهر:وهو يحبج همات
نزلنه للمطعم طلبت اكل بالحديقه الي بره ..ردت مساحه النه شويه وجو هادیء..
طلبت برغر ورضا ديفتحلي الباكيت والعصير ،واني صافنه علی عروق إديناته وعضلاته!
رضا ينطيهه البرغر:تفضلي ..
اميره تاكل وتحجي بصعوبه:ممممم
رضا يباوع لكُدام:استعجلي
اميره :براحتي
رضا :اوكي براحتج
اميره بعد دقايق تكوم:يلا نروح
رضا يكوم بانزعاج:ضيعتي نص ساعه من وقتي
اميره :قبل مَجنت تكول هيج .
يتجاهلهه ويصعد السياره
تصعد وتتكلم بسرعه:رضا شبيك
رضا يتجاهلهه ويشغل السياره
اميره تنزل قبل لا يحرك السياره
رضا :اميره اصعدي
اميره تعاند:ما ما
رضا بلا صبر وبعصبيه:اصعدي كُلتلج اميره كافي تضييع وقت
وقتي هواي ضاع كافي 12 سنه ضاعت
اميره ترفع صوتهه:شوف ما اصعد الی ان تكولي شبيك
ينزل رضا يلزمهه من ايدهه بقسوه ويصعدهه بالخلف يصعد وياهه ويسد الباب ..يحجي بلا صبر:احجي شتردين تكولين
اميره تتردد بعدين تتكلم:ليش اتغيرت عليه..احنه مو اتفقنه افكر واغير رأيي واجيك
مو بس هيج انته حارمني منك صار شهر ..ليش تنهزم مني؟ يعني لو احبك لو اكرهك ميصير حل وسط؟
رضا بسرعه يرد:لا ميصير اميره
اميره تتنهد:لعد..لعد اني احبك
رضا يبتسم للفراغ:هاي شنو حتی اصير حباب وياج مثلا تكوليلي هيج؟
تدمع عينهه:وربي احبك..شبيك
يضحك بصوت عالي :هسه هذا الي رِدتي تكولينه ؟ يلا عيني ماقصرتي وآسيتيني عدل
اميره تبجي وبصعوبه تتكلم:لك شبيك انته..دا اكولك احبك والله احبك ..لا تعرف شنو'اعشقك
كم يوم صارلي يمك وعلقتني بيك ..اساسا جيتك لبغداد رجعت نبض قلبي ..الك
اني صحيح كان عندي مشاعر تجاهك ..بس
من سافرتوا اني نسيتك اقتنعت انو مشاعر مراهقه!
رضا:لتلعبين بعقلي..امج خابرتني وتكول اميره مَتريدك
اذا عمتي جابرتج علی هالشي اني ما اريد تنجبر الانسانه "الي اعز من نفسي" عليّه! اميره انتي ممُجبره ابدا
اني مشاعري خطأ من البدايه ملازم اتعلق...تقاطعه اميره
لا فدوه اتعلق بيه..اني احبك
لتعوفني ، اجيت هنايه مَحسيت بغربه عبالي السبب خالو او البنات او خاله وداد ..بمجرد انو ابتعدت عني حسيت بوحده
هسه اكتشفت انو انته الي سديت فراغ اهلي ..انته قَدري
صار الكلام صعب علی اميره من كثرة الدموع:اعرف انو اتعذبت هوايه بسببي ..بس انطيني فرصه اغير افكاري
رفضتك مو لانو انته رضا..لا علمود شي تافه
اني خفت منستقر سويه ..خفت احبك وتصير بيناتنه مشاكل
مَردت احب احد ..جنت منتظره الي يحبني حتی ما اتأذه لمن يعوفني..اني عرفت شنو معنی انو تهتم لشخص لدرجة انو تسمع صوت انفاسه يم غرفتك ..شلون تتأذه لمن تحس بيه ديراقبك ويطمن عليك كول ليله وبالمقابل انته متنطيه امل .