اميره:اساعدج؟
رندا:لا ماكو داعي ..مبكه شي حخلص
اميره:عربيتكم ممتازه بالرغم صارلكم سنين هنايه
رندا:ابويه ميكبل نتكلم انكلش بالبيت ..بس اني عندي حرف الكاف، كاف
اميره تضحك بهدوء:قصدج القاف ..كاف
رندا:بالضبط ههههههههه
طلبت مني خالتي اروح اشوف خالو علي، لانو مَسلمت عليه لحد هسه..دخلت غرفته كانت كولش كبيره وحلوه ..
اميره:السلام عليكم
علي كَام شال سجادة الصلاه بايده :وعليكم السلام هلا بنيتي تعالي يمي ..
اتحركت ووكفت مقابيله ..مد ايده الي،، ردت اصافحه بس جرّني اله وحضّني حيل ..ارتاحيتله اني محتاجه هيج احضان اتذكر بيهه اهلي ..
علي:ما شاء الله تبارك الرحمن كبرانه اميره ..الله يستر عليج
اميره بخجل:شكرا خالو ..
اتقدمت وهو شابكَني وكعدنه علی قنفه اني وياه وبنفس الوضع ..بقينه ندردش سويه حوالي خمس دقايق ..
انجرفت بالكلام وياه..نادرا ما اسكت لمن الآقي شخص مثقف ويفهمني مثل خالو علي ..
دخلت خاله وداد: يعمي هنيالج اموره
اميره تبتسم وعلي يكول:اميره بنيتي اني جنت حاضر بولادتهه حتی اني الي سميتهه ..
اميره تتفاجأ:صدوك..محد كَلي
علي :جنت هستوني مخلص روايه عربيه اسمهه اميرة الاهوار البابليه..ولمن شفتج اول مره اقترحت هالاسم ولحسن الحظ
وافقوا ع الاسم ..رجعت للبيت طاير من الفرحه ..
ابتسمت وحسيت بالامان صراحه.
وداد:ديلا عيني ديلا..كوموا اتغدوا
بعد اربع ايام
الساعه الان 11:00مساءا
اميره في غرفتها تتكلم مع سما عبر الهاتف .. لقد اشتاقت للفتيات، كما يبدو فان سما ما زالت غير مرتبطه
يطرق الباب ..
اميره:حبيبي سماوي روحي هسه وشويه واخابرج
تفضل
رضا يفتح الباب ويجي يمهه ع السرير:مساء الخير
اميره:مساء النور
رضا يطلع ورقه من حافظته :اميره كملت اجراءات دراستج هنايه تفضلي
اميره تبتسم بقوه:صدوك يعني شوكت اكدر اداوم
رضا:ان شاء الله بعد تلث ايام تكدرين تداومين بالكليه ..شوفي حخّلي البنات يطلعون وياج تشترين ملابس واشياء تناسبج اذا محتاجتهن ..
اميره:الكَه هنا ملابس محجبات؟ اني بصراحه جايبه ويايه ملابس بس خاف متلائم الاجواء والموديل هنا
رضا يبتسم:اكيد سامي ورندا محجبات وملابسهم منا يشتروهه يعني اكو ملابس اسلاميه لتخافين
بصراحه اني فخور بيج انو ملتزمه بالحجاب .. اخواتي صحيح محجبات بس مجبورات ابويه واني نضغط عليهم..اما انتي حاس انو هذا اختيارج..اريدج تساعديني نحجّب آن ..شكُلتي؟
اميره:اكيد ..اساعدك
بس انته ليش تحب المحجبات؟
رضا يضحك:شوفي لمن تعيشين بمجتمع مُشّبع بالعُري والسفور..رح تلكين نفسج دتقدرين اهمية الحجاب والاسلام. يعني قضية مبدأ وشلون تحافظ ع المبدأ فهمتي اميره؟
اميره صفنت وهزت راسهه
رضا:يلا اكوم اني نامي باجر وراج طلعه
تصبحين علی خير
اميره تتكلم بهدوء:وانته من اهل الخير
اتصلت بسرعه بسما..
سما:طولتي
اميره:لج اسكتي
جان رضا يحجي ويايه
سما :اييـي...
اميره:اول مره يسولف ويايه بجديه هيج
سما:اعترفلج؟
اميره:لج لا كبر
سألته ليش تحب البنيه محجبه وهيج
وكعد شرحلي
سما:شكال
اميره:كل الي فهمته انو هو اقنعني ..بالرغم اني جان بالي مو يمه ابدا ! لج كلامه ..كلامه قمة الرقي والتحضر
سما:اي وشنو بعد بالله
اميره:طلب مني اساعده نقنع اخته تتحجب
وكلتله اي اساعدك
بس ....سما شو اسلوبه حلو!
سما:ديري بالج ..لج هذا برج الحمل والله تصير حياتكم جحيم
اميره:اي صدوك همزين ذكرتيني ..بس شو متوافقين احس
سما:بكيفج اميره بكيفج
بس هذا برج الحمل ال ح مل
اميره:اي اي ما اريده شنو اني اصوم وافطر علی برج الحمل
سما:عفيه خليج هيج..
أنت تقرأ
يوميات فتاة السرطان
Любовные романыهل سبق وان اصبت بالهوس ؟؟ عندما تؤمن بالشيء بشكل مفرط ان لم تفعل..فانت تكذب "قصة فتاة قاست الكثير ..في طريقها لتجد الفارس المنشود! تتبعت الابراج فقادتها الی نهايه مسدوده كيف ستواجه والدتها ..مجتمعها الذي يرفض فكرة الزواج المتأخر"تابعوها للاخير #n...
