يوميات فتاة السرطان

chapter28♤

احنه مو بالعراق -يقاطعها..يعلم انها سوف تستغرب فعلته وتتحجج بالناس-
اميره تدّنِك وتتكلم بهدوء:لعد اذا مو عيب علمود الناس ، خليهه عيب علمودي !
يتأفأف:يعني اني الي طلعت ما اعرف بالذوق ؟!
اميره تسكت -افحمني القوري-
يكمل:ممكن اعرف ليش حضرتج لابستني ...هه والله وضع واو
يعني اني هسه هيج يصير بيه علمود الحب ، كالوهه-يبتسم-
اميره تبتسم :شكالوا بلله
يرجع يعصب بس شكله لطييييييف:عوفيهم ميهمج بيهم..مدام بعمرج ممجربه تهلوسين بأحد..فالحجي مو يمج
تنصدم اميره وتختفي الابتسامه :انييي اسفه
رضا يضحك بقهر:ههههههههه ..صدوك شي حلو
يعني هسه نكدر نكووووول..رفضتيني
اميره تريد تتكلم بس يقاطعهه:اي لو لاء..ما اريد اي حرف لاآخ اميره تجاوب بسرعه وبدون تفكير:لاء
يهز راسه بتّفهم ويسوق للبيت بينما اميره دتحاول تستوعب الي صار ..ليش رفضته؟ هي جانت تحبه..بس حب مراهقه وانتهی لمن سافروا لاوكرانيا قبل سنين ، بس هو قلبه نقي وطاهر !
يمكن هو هذا السبب الي خلاها مترتبط باحد ابدا..يمكن رضا قدرها ولازم تقتنع بيه..هو اجمل من كل الي اتقدمولهه
وشهادته ممتازه..عمله مضمون وعايش باجمل دوله زارتهه اميره ، بس -الحلو ميكملش-
سما تتعجب:رفضتيه!!!!
اميره بدون تعابير بصوتهه:اي
سما:لج لييييش؟
اميره:احنه اتفقنه هيج
سما:لا مَتفقنه ترفضيه..
اتفقنه ناخذ وقت نفكر
اميره:احرجني راد جواب سريع
سما:حقه لانو اخذتي اسبوع بدونه ف اعتبرج مفكره وعندج جواب
اميره:بس اني احبه
سما:اميره لتخليني افِشر
انتي البارحه تكولين لو اخر شخص علی وجه الكره الارضيه ما اتزوجه واسوي لجوء للمريخ
اميره:اي صح ..بس هسه ما اريد ابقی ع الكره الارضيه اساسا اريد انزل
سما :اميره ادُك علی وجي بلكي ترتاحين
اميره:لا لج من صدوك ..حاسه قلبي يأذيني
سما:حبيبي هذا لانو رفضتيه .. تحسين بالذنب لانو كسرتي قلبه
اميره:واني كسرت قلبه؟
سما:ع الاغلب اي..بس هسه ينساج مثل ما نسه خطيبته
عندي الج حل..اتظاهري كأنما مَمهتمه وماكو شي بينكم
ولاتنقهرين كدامه حتی ميفكر بيج اكثر لانو خطيه .
قررت اسمع كلام سما واشوف شنو حيصير .

منذ ذلك اليوم..اختفی رضا تماما من المنزل! فلَنقُل انه اختفی عن انظار اميره فقط..دائما ما يفصلهم جدار او غرفه ، تسمع صوته الرجولي..بل وحتی خُطی اقدامه ، لكنها لا تجرؤ علی الاقتراب ..هي تعتقد ان رضا كالاسد الجريح وهي تلك الشوكه التي غُرِست في قلبه واي خطوة منها تؤلمه ! لذا تفضل الانتظار..تنتظر عند شرفتها التي لازالت بيضاء
كغرفتها التي طُليت بالبياض في انتظار الالوان
الجدران الناصعه تعطي للغرفه بُعدا ومساحه
لكن اميره تخشی المساحات .. ربما لارتباطها بالوحده
ما ان تراه من بعيد ..حتی تجري عند باب الغرفه الضيق علها تسمع صوته المرهق الذي اصبح اغنيه لاذنيها
كتلك التي تهمسها الام في اذن وليدها حتی يغفو

اميره بدون صبر:ميحجي ويايه
سما:لج قابل تردينه ينسی بهالسهوله هايه
اميره:اريد ابجي
سما:ابجي وارتاحي اني ادري البجي يريحج
غلقت الفون ..ورحت رحله بدموعي واوهامي
اتخيل كل لحظه عاشها من دوني ..اتخيل لمن شافني بالمطار اكيد قلبه جان يدُك بسرعه !
يندك الباب
اميره بصوت مخنوق:لحظه
تفتح الباب بعد ما نشفت دموعهه
تلاكي ان :هلوو اموره شكو دتبجين ؟
اميره:اممم اتذكرت ماما وبابا
ان:لتضوجين اليوم رح ترحيلهم
اميره تستهزأ:هه اروحلهم !
ان:لااا شكلج كولش ارتاحيتي هنا بحيث نسيتي انو صارلج شهرين يمنه بدون اجازه ..لذلك من حقج تاخذين 3 ايام عطله بالعراق .
اميره متعرف شتكول:يعني اروح؟ اكدر؟
ان:بلي
شلونهه البلي ؟
اميره تضحك:حلوه
ان:لتاخذين ملابس وياج ولا اي شي ووالدتج اتصلت دتكول ليش متجاوبين.. اليوم انتو محاجين لهسه واني مستغربه
اميره:جنت احجي ويه سما تنتظر امي شويه
-لو تجون للواقع امي متفيد بشي اساسا متعرف برضا مو؟!-

في اليوم التالي
اخذت جنطه صغيره خليت بيهه شوية ملابس ومكياجات وادويه
طلعت سلّمت علی خالو الي عاتبني لانو ميشوفوني هواي
اميره:خالو والله دراسه
وداد:عوفهه علي البنيه الله يساعدهه
ان -الوحيده الي ودعتني-:شوفي مو تبقين هناك ادري بيج طفله..وبالنسبه لرضا-تهمس باذني-محد يعرف غيري بالموضوع وبس ترجعين النه كلام.
سامي وهي ع القنفه:رجعي بسلامه
اميره:الله يسلمج
رندا تشبك اميره وهي نازله:لتتأخرين تره البيت يصير محلو
صعدت بالسياره رضا ديوصلني للمطار ..رضا حتی للكليه بطّل يوصلني صارت رندا وخالو علي هم الي يتكفلون بهالموضوع ..
وضعي هسه يضحك ..السياره كولش هدوء
ابتسمت ودرت وجي ..هو ميبتسم يخوف
حاولت افتح اي موضوع اي سيره بس شكله زعلان حيل
قررت امزح وياه:رضا شنو رأيك اذا اتزوجت واحد من العراق اكدر اجيبه هنا؟
رضا:واني شكو
-من يزعل يصير طفل-:لعد اني انخطبت و
شنو-يقاطعهه-
تضحك حيل:ههههههههههه مو انته تكول اني شكو ليش هيج ضجت
رضا:انزلي وصلنه
نزلت واني اراقب كل حركاته..شكله مثالي
وصلت للمطار ساعدني واخذ الشنطه ..وكف مقابيلي وكال:
اتمنی تغيرين رأيج وترجعين بسرعه
-لك شنو اغير رأيي اني احبك ..:مع السلامه رضا
اشرلي وكال:ديري بالج علی نفسج
صعدت الطياره ..ابداً مفرحانه ليش ما اعرف !
بالرغم اني مشتاقه لاهلي حيل ..احمد بابا وحتی ماما
وصلت بغداد استقبلوني احمد وبابا
الي صار خلال هالايام انو ماما اتسوقت كولشي اريده وما اريده..انام بحضنهه بالليل ومتخليني اعوفهه نص ساعه ! كأنما مطمأنه انو حتزوجنياه..صديقاتي زاروني للبيت واكثر وحده احتاجيتهه "سما "حجيتلهه كولشي بالتفصيل
جنه كاعدين اني والبنات
هدی:اميره بعدج مؤمنه بهالخرافاات
اميره:ترعبني فكرة انو هو برج الحمل
ورد:بينكم توافق..عوفي الابراج
انتي من تسولفين وياه ..تحسين كلبج يدُك؟ يعارضج بافكارج لو يوافقج؟
اميره:هذا الي مجنني انو ابد ميعارضني ..خاف يمَثّل
سما:ههههههههههه قويه كولش
رفل:نصيحه من خواتج..هذا الولد يحبج فاحترمي نفسج وحبّيه
طلعوا البنات ..دخلت ورا ما ودعتهن
لكيت الوالده واكفه بباب غرفتي
امي:اميره ..ليش رافضه رضا ؟ وليش ماكُلتيلي؟
اميره:ماما مو عيب تتصنتين عليه وعلی جماعتي
امي:ومو عيب تضمين علی امج؟
شوفي اني محجبرج علی شي..رح اكوله يعوفج بالرغم هو استأذني حتی يصارحج واني كُلتله ينتظر بس شكله مَكدر..
انتي شلون ترفضيه..وعلمود الابراج! لج انتي شنو ..
اتصوري تحبين بشر هاي اذا عندج قلب تحبين بيه! وبالاخير يرفضج لانو انولدتي بشهر السابع ..مو ظلم هذا؟
بس شكله سلام دمرج وحتدمرين رضا ! اميره اني حَكُله يعوفج تدرين ليش..لانو انتي متستاهليه.

ابتعدت امي عن طريقي..دخلت الغرفه واقفلتها ! اصبحت كلمات امي تتكرر في ذهني، انا السبب في عذاب رضا ولامر تافه لطالما اوقع بي..في كل مره كنت اعتمد علی الفلك وانهزم من اتخاذ القرار فألوذ بالابراج..توقعات، توافقات وكلام فارغ لم اجد منه سوی التعقيد ..لذا الان انا قررت ان اعطي رضا فرصه ..
تنتهي الثلاث ايام واليوم رضا ينتظر اميره العاشقه في المطار ..هذه المره تهرول اميره نحوه بينما هو يقف هناك دون حتی ان يشعر بقدومها..
اميره تفاجأه:هلووو
رضا يبتسم ويخلي فونه بجيبه:هلا اميره يلا للسياره عندي شغل
اميره:هاي شنو متشيل جنطتي؟ زعلت
رضا يبتسم بصعوبه وياخذ الشنطه منهه
1000words اخرت البارت لانو كارهه الروايه وانتي تعرفين السبب