اميره:دخت
محسيت بشي بعد فتحت عيني لكيتني بالسياره وي ولد غريب..عزه منو هذا؟! ها هذا سلام ..شصار بيه اني
سلام:كعدتي؟!
اميره:امممم شنو صارلي
سلام:جنه نسولف ووكعتي اخذتج للمستشفی انطوج مغذي طلع عندج هبوط بالضغط وفقر دم شنو متاكلين انتي ؟!
اميره:تعبانه من السفر واليوم اجيت مجبوره
-عزه شحجيت اني-
سلام:امم بالمناسبه امج اتصلت وجاوبتهه
وصلنه البيت ..
دخل سلام ويايه وصلني لغرفتي وامي خطيه حيل ضاجت وانرعبت من شافتني ..
سلام:يلا اميره اروح اني واجيج باجر للكليه
اميره:شكرا تعبتك
اسمع صوت فون ..
وفجأه يجاوب سلام ويتغير وجهه تماما
سلام:امممم اهلا ..مو هسه...مشغول ...بعدين اتصل بيج/بيك اقصد ..اوكي...اني همينه
يخلص ويغلق الفون يباوعلي بنظرة احتقار ويروح .
بقيت افكر بكلامه شنو هذا صدوك ديحجي الخطوبه بعد شهر! يس ميخالف اقبل اقلها اتخلص من حجي امي وملحتهه علی طاري امي
ماما:هااا شلونهه امورتي
اميره:تعبانه
ماما:فشلتينه وي الولد عود فرحان بيج وماخذج مطعم
اميره:من البدايه مردت اروح وانتي لحيتي لو نسيتي ؟ بعدين ممبين فرحان بيه ابد .
ماما:اكول شنو..نامي نامي احسن
ومجذبت خبر غطيت بسااابع نومه ..
الساعه الان 7:00 مساءا
عزه لهسه خلوني نايمه ..اتصلت بورده والبنات متحمسه انو اشوفهم واسولفلهم كولشي ..
في اليوم التالي الساعه الان 8:00صباحا
التقت اميره صديقاتها وما احلی اللقاء ..كل فتاة تمر بهذه اللقاءات الشاعريه المليئه بالدفء عندما ترمي جميع ثقلك في تلك اللحظات فقط لتفرغ يديك وتستقبل الاحباء في احضانك ! احساس رائع
اميره:اي صح بس للعلم اني اخاف منه
ورده:هههههههههه هنيالج اني عمار هو يخاف مني
هدی:اريد اشوفه
اميره:اليوم حيجي
استقبلت ماسج ..
هلو اميره وين انتي اني بالكليه
#سلام فاضل
اميره :ابن الحلال بذكره
هدی:عنده رقمج
اميره:الظاهر هيج.منين جابه!
ورد:رومانسي-تحجيهه وي شوية دراما-
طلعتله بسرعه ..
نزل من سيارته الفخمه
سلام:سلام اميره
اميره:هلو سلام شلونك
دا اشوفه يباوع ورايه ، درت وجهي لكيت البنوتات متجمعين يم الباب الداخلي ويضحكون ..يباوعون النه وسلام حابس ابتسامته.
اميره:هههه ذولي صديقاتي
سلام:مبين ..يلا تعالي -واتوجه للسياره واني امشي وراه -
اميره:وين ؟
سلام:مقهی ..اريد احجي وياج
وصلنه للمقهی وحصلنه طاوله بالجناح العائلي
سلام:تشربين شي ؟
اميره:عصير برتقال تعرف علمود فقر الدم
سلام:اثنين اورنج جوس
سلام:شوفي ابوج وابويه يردون نتعارف يلا نتعارف ونخلص
اميره-نخلص شنو ؟! صدوك ديحجي ؟!-:اي اني اميره سعيد مواليد 93 برج السرطان احب اللون الاسود واطمح اصير مهندسه تصميم مشهوره مثل" زها حديد"..
سلام:اوكي اوكي جري نفس وكملي ..
اميره-حرجني ابن القوري-:ههه خلصت
سلام:اني...
البطاقه الشخصيه'
الاسم:سلام فاضل
تاريخ الميلاد:1990.7.28
الوظيفه:تعرفوهه هوسه
الهوايه:مطالعة الروايات الاجنبيه بالذاااااات-هو هيج كال-
اميره:احم بس ممكن اعرف ليش مستعجل ع الخطوبه ؟
سلام:ليش ابوج مكلج ..لو ابويه م كال لوالدج ؟-صوته لعوب-
اميره:كلولي شنو
سلام:اني رح اسافر وي ابويه لتركيا وانتي تبقين هنا
اميره:وشكد تبقی هناك؟
سلام:فد اربع سنوات او تلاثه اضبط امور شركة ابويه
اميره:شنو شركة ابوك ..ليش انتو مكلتوا هيج من جنه بالمطار
سلام:صح كلنه عدنه شغل ومكلنه شنو نوعه، شتتصورين مثلا نكوللكم بهالسرعه هاي ! مجان بابا خال بباله انو نرتبط
اميره:بس هيج هواي شنو اربع سنوات
سلام:شركة ابويه ورثهه عن جدي بس الشركه تعرضت للاغلاق بسبب الديون وتوقفت من سنين ..ابويه جان يلح علی اخويه عزام انو يدير الشركه ، بس عزام جان عنده طموح يصير ضابط مثل الوالد ، ضل يشتغل الی ان اجتي قضيه صعبه ..سفاح خوف الناس ! ضل عزام وراه واتحدی ابويه انو يلزمه ولزمه !
اميره:وشنو صار بعدين ..
اخذ العصير من الويتر وانطانياه
سلام:مصار شي ..ضل عزام كول يوم يستجوبه ويحقق وياه بنفسه ..حس انو القضيه قضيته الخاصه .الی ان بيوم من الايام اجه الوالد الصبح فتح السجن لكه عزام متمدد ع الكاع ..
اميره:مات؟!
سلام:سمووا .
اميره:منو هم؟
سلام:جماعه اتفقوا وي المجرم ع الاغلب لانو بيومهه من اجه ابويه جان القاتل منهزم من السجن.
من يومهه ابويه قرر يكبرني ويحميني ويبعدني عن هالطريق ..وهسه يعتقد انو الوقت مناسب حتی الزم الشركه .
اميره:ليش يريد يزوجك بنفس الوقت؟
سلام:هيج ..هو يريد وخلص لازم انفذ .
اميره-ممصدكه-:ممكن اسألك سؤال'
سلام:امممم
اميره:انته تحب بنيه اقصد ..عندك علاقه قبل ؟!
سلام:كملي العصير حتی ارجعج للكليه
طول الطريق سلام ساكت ..اراهن انو هو مجبر ع الزواج هذا الساعه الان5:00مساءا
وصلت البيت حجيت لماما ع الموعد اليوم وفرحتلي حيل بس استغربت بالمعلومات عن الشركه وعن الشغل لانو طلعت مسامعه هالحجي من ابويه قبل .
امممممم واخيرا وحدي بالغرفه ..اذا هو مواليده 7.28 مثل ماكال اذا هو برج الاسد ..تعالو نشوف التوافق ..
شبيكم! حبابين بس هالمره ..حتی اخذ حذري .اعرف اعرف اني مجنونه بسسسس هالسلام مخبي حرب ..لازم اخذ احتياطاتي .
الابراج يحبايبي تكول :
نجم الاسد اقوی من نجم السرطان -خل يطير-قد يبدوان متكاملان في بادئ الامر لكن ..700words
بارت ييييييي تفاعلوا بليز
أنت تقرأ
يوميات فتاة السرطان
Romanceهل سبق وان اصبت بالهوس ؟؟ عندما تؤمن بالشيء بشكل مفرط ان لم تفعل..فانت تكذب "قصة فتاة قاست الكثير ..في طريقها لتجد الفارس المنشود! تتبعت الابراج فقادتها الی نهايه مسدوده كيف ستواجه والدتها ..مجتمعها الذي يرفض فكرة الزواج المتأخر"تابعوها للاخير #n...
