يوميات فتاة السرطان

chapter6♤

اممممم قريت الرساله ..اكيد انطيت لماما خبر ماما استغربت الموضوع بالبدايه بس بعدين وافقت بس بشرط مها تروح ويايه..طلبت من مها بس اهلهه مقبلوا وحقهم ، أيست وقررت اكوله ينسه الموضوع الی ان فتحت البيج لكيت خبر نتائجنه حتنزل عكبه بالكليه ومطلوب الحضور حتی استلمهه لذلك قررنه اني وماما انو نأجل لقاءنه لعكبه منه اجيب النتيجه ومنه اني بأمان لانو اول وتالي اني رايحه للكليه ..دزيتله خبر
واجتيييييييييييي العكبه
لبست ملابس حيل حيل مرتبه يعني اتخبلت لحد ما اقتنعت بلبسه ..وعطور سبحت بالعطور
الساعه الان 9:00 صبحا
انا بأنتظار اسعد ..
مها مها فدوه حلوه اني
مها :تخبلين براوني اموووواح يلا اجه فايتنغ
عزه عزه داعرك..عرك عرك احس المكياج ساح من العرك وجهي اصفر؟ اصفر؟ عزه خليت ريكسونا لو لاء ...خاف عطري مطيب ..
السلام عليكم-عزه شكد صوته رجالي-
مها:وعليكم السلام
اميره:وو ع ليكم السلام-عزه وين لساني -
اسعد:اميره ما عرفتيني علی صديقتج
اميره:اها إي اي هايه كب كيك اقصد مها -عزه العزاني -
اسعد:اهلا وسهلا اتشرفت
مها:اليه الشرف اخويه
اسعد:امممم شنو حصلتوا نتائجكم بشروني
اميره-سكته-
مها:ناجحين اثنينه وانته؟
اسعد:اكيد ناجح
مها:يلا ياجماعه اني اروح اشوف ورده انتظريني مو تطلعين حبي ..-هاي شكو وين راحت عزه لج لاء-
بس راحت مها..نطق اسعد
هفففف صاحبتج جانت خانكتني
علی فكره عطرج قوي ..هييييي اميره
اميره:ها؟
اسعد:اشو صافنه
اميره:لا ولاشي
اسعد:بصراحه اني ردتج بموضوع مهم ..
اميره :خير ان شاء الله اسعد بس ياريت شوي بسرعه اخاف من كعدتي هاي ما اريد انطول وحدنه
اسعد:اها شوفي بصراحه انتي عاجبتني وحبيتج في الله وداريد اخطبج . ياريت لووو تشوفين اهلج
اميره :-متت متت متت خلص دازلك من كم العرك الي دينزل من جسمي اريد شي يثبتني ع الكرسي-لحظه اسعد علي كيفك ويايه
اسعد:شوفي انتي شخصيتج عاجبتني بس اكو اشياء حغيرهه بيج لتهتمين اهم شي رأي اهلج هسه
اميره:ورأيي؟
اسعد:شي ثانوي الاسلام ميحتكر المرأه بس تجي وره الرجال اني عندي معلومات كافيه عنج وعرفت بيج بت اصل واني رح احاول اروح لوالدج واحدد موعد نتقابل اني وياه واذا صار نصيب تجي الوالده الكريمه .
اميره:بسس....
اسعد:شنو
اميره:ولا شي
حاسه نزل من عيني فجأه ليش ما اعرف ..عموما مكملت كلامي لانو مها اجتي ونقذتني من هالاحراج.ضل بس يسأل كدامهه عن اشياء هوايه اصلي اااني لو لاء /شكد اخلي مكياج/القراصه/الستر ..لا ومها مندمجه وياااه يمكن لانو هي ملتزمه شوي اكثر مني ! بس اني همات محجبه وصوم وصلاه حسيته ابويه مو حبيبي.
رجعت المنزل واخيرا
الساعه الان 1:00ظهرا
مساء المصدومه
ماما:مساء ال ليش
بابا:ظهر ال هي هاي الدنيا
اتغديت ونمت كعدت وره ست ساعات شفت ماسج من اسعد كاتبلي السلام عليكم ورحمة الله اميره اليوم قابلت والدج وان شاء الله كم يوم وتجي الوالده بس منا ويجي ما اريد عطور قويه...
هذا شديحجي ...ليش ممعبرني مسائلني عن رأي احبه او لاء يليقلي او لاء ليش هيج احس انو اهتمامي بي قل ..لا وبعد الابراج متتنبأ بخير ..قررت اشوف التوافق بيناتنه طبعا حتتفاجأون ليش مشفتهن قبل لانو مها طلبت مني الزم نفسي واعيش بدون هالخرافات بسس المشكله احس انو اكو شي خطأ باسعد....التوافق كالاتي
العلاقه بينهما لن تنجح فالتفاهم محدود ومشروط وتحتاج العلاقه الی التضحيه من الطرفين ..وستنهار اذا كانت من طرف واحد..السرطان يغرم بالدلو لكنه يفضل العيش في بيئته الصاخبه بالاحلام والخيالات والماضي-الله يبشركم بالخيييير-
دزيتله اوكي ..وبس
الساعه الان 12:00 صباحا
اجتي مسج ع الواتس من اسعد طبعا هاي اول مره هيج ديسوي ..
اسعد:السلام عليكم ورحمة الله اميره
اميره:وعليكم السلام اسعد هلو
اسعد:بصراحه مصختيهه اميره
اميره:شلون يعني
اسعد:متدرين مثلا
رح اكولج ليش اليوم انتي بالانستا ناشره صورتج انتي واخوج شلون تسوين هيج اميره ميصير
اميره:صح بس اني جنت ضامه نفسي بكتف اخويه-اني ناعمه وحمودي ضخم جنت مخفيه تماما ورا ظهره - وبعدين الحساب مالتي بيهه بس صديقاتي واقاربي وانته وبرايفت همينه.
اسعد:واذا مغطيه وجهك ميصير حرام يتفرجون علی جسمج بعدين شكلنه علی سالفة المكياج يا اختي والله خرقتيهه وتعبتيني
اميره:اسعد اني جنت مغطيه تلث ارباعي باحمد هاي واحد اثنين احمد الي هو يحقله يحاسبني هو نفسه قبل انشرهه للصوره تلاثه مكياجي خفيف وعطوري الك يعني ليش متحس بيه
اسعد:اميره انتي تفهمين عربي لو احجي كردي عطور ماكو وعندي شروط بعد اسألي والدج عنهن وخلي يكون بعلمج لو صورتج ع الحساب لو اني بحياتج وانتي اختاري
اميره:اسعد خل نتفاهم الله يخليك تره دتكبرهه وهي صغيره
...بعدك موجود مو ...اسعد رد عليه
الواتس فاضحك تره مأشر ازرق معناهه دتقره الي كتبته الك..
شوف اني قررت انو اسمع كلامك واقلل مكياج خلص بس تعال
700wordsfotsplease