يوميات فتاة السرطان

chapter14♤

مر الشهر ..واليوم حفلة خطوبة مها بنادي الصيد .ماما ابد مقتنعت بالسبب مالتي واصرت انو تروح للحفله
امي:ميري حبيبي وين الشال الماوي مالتج
اميره:بالكنتور يوم..اكووول ليش متعوفين هالحفله الزفت وترحين ويايه نفرفر بالمولات ..نخلي حمودي يوصلنه شكلتي؟!
امي:لا ميصير ام البنيه خوش انسانه واذا هي مو زينه وياج ..فهذا مو سبب انو اكطع بالناس هيج الله ميرضی بحجيج هذا ، بعدين اني متأكده انتي الي غلطانه
اميره:بكيفج امي بكيفج روحي تونسي ولتسميلي عليهه ولا تسويني ميته عليهه تره لعبانه نفسي منهه، اوعديني !
ماما:لج ايييي فهمت الي يسمعج يكول شامرين نفسنه ع الناس احنه
بعد ساعتين
ترجع امي ووجهه ميتفسر ..اكيد عرفت اكيد شافته ، معقوله حافظه شكله من الصوره الي بالفيس؟!
اميره:الله يساعدج ماما تونستي ؟!
الام:هاي جزاتي؟!
هاي جزات ثقتي بيج ..تخليني اروح واسمع حجي من الي تسوه والي متسوه ؟!
اميره:ماما اني حاولت امنعج ..حاولت كومه بس انتي رفضتي شنو اسوي مثلا
امي:-تبجي-ليش يومه ليش ..شمسويه للعالم انتي شنو جريمتج ...ليش حظج نايم تضلين دوم هيج .
اميره -تبجي ولازمه ايد امهه وراكعه يم رجليناتهه-:هذا الطيب ماما ما اله بالدنيا نصيب يضل دوم مكروه ..والله جنت اعتبرهه اختي ، الحمد لله علی كل حال
ماما:شلون تاخذه منج
اميره:لا ماما لا
مها ما اخذته هو جان مستغفلني وميحبني من يوم شاف مها عجبته وبقی ويايه الی ان ينسق وي مها ويتأكد منهه
من جنت اكوللكم الولد ماعنده مشاعر الي متصدكون .
ماما:خلص حبيبتي عوفي باجر يخطبج سيده ..ولو اني ردت هالخير الج
اميره:احنه ناس شبعانين ..وبوجودكم انتي وبابا الله يخليكم مرح نحتاج شي والف واحد يتمنی نسبكم..ويجي غيره عنده فلوس او ما عنده المهم يحبني ويقدرني .
يلا روحي غيري وارتاحي تروحلج فدوه كول وحده سمعتج حجايه ..
تتنهد اميره ..لا تعلم علی من تكذب هل تواسي امها ام نفسها ، ماذنب والدتها لتقع ضحيه لغلطه ارتكبتها اميره! اجل مها كانت غلطه ..لم تكن الخيار الصائب كصديقه ، لطالما كانت اميره متأكده ان مها هي نصفها الاخر لكن لم تلق نظره علی جانب الغيره مطلقا! كانت مطمأنه من ناحية الغيره مذ ان تعرفا علی بعض كانا يحبان الخير لبعضهما في الدراسه والامور الاخری لكن لم يخطر لبال اميره مطلقا ان رجلا قد يحطم ثقة الفتاتين ببعض .
ورد تتصل علی اميره لتجفف اميره دموعها بكم القميص وتجيب.
اهلا وردايه
ورد:هلوووو حبي شبيج لتكوليلي تبجين ؟!
اميره:اي جنت اشوف فيلم وبجيت
ورد:شنو هالفلم بالله
اميره:تايتانك
ورد:اذا تايتنك حقج..اكول اليوم رح اطلع وي صديقاتي تجين تغيرين جو؟ وتتعرفين علی كم وحده
اميره:اوكي اجي شعدي
ورد:يلا ربع ساعه واجيج بسيارتي ..اكول اني ما رحت لعقد مها
لخاطرج
اميره:لا ورد ليش جان رحتي وكفتي وياهه وتونستي
ورده:خل تولي يوكفلهه عزرائيل
اميره:هههه لا لج حرام يلا روحي ابدل وانتظرج .
ورد:يلا يلا باي
اميره:باي
مرت الشهور كالعاده بسرعه ! وها هو الدوام علی الابواب هناك بعض الاسأله تخطر علی بالكم.
°كيف اصبحت العلاقه بين ورد واميره؟
•علی افضل حال الفتاتين وقعتا لبعض كثيرا..اكتسبت ورده اغلب عادات اميره وتقمصت افضلها ..قلت علاقاتها كثيرا، التزمت بالحجاب والصلاه ، قلت مرات خروجها من المنزل،لاعلاقات علی النت، قويت علاقتها بعمار والفضل يعود لأميره التي كانت تدعمها وتنصحها بالتمسك به ! اميره ايضا اكتسبت العديد من الاصدقاء بفضل ورده واصبحت اقوی بكثير واكثر مسؤوليه وجرأه.
°كيف هي علاقة مها بأسعد؟
•مها اختارت ان تجامل اسعد في كل الحالات اسعد لم يتغير مطلقا لكنه ليس متزمت كما اعتاد ان يكون مع اميره وهذا لا يعني انهما عاشا حياة سعيده بل علی العكس فهو صعب المراس ويحب ان ينتقد مها علی اتفه الاسباب 'وتبقی مها متمسكة به عله غير اسلوبه معها.-تستاهل-
°حمووودييي؟
•تم قبوله في كلية الطب جامعة بغداد وهو متحمس للغايه من كان يتوقع ان احمد بكل هذه المثابره ..والفضل يعود لأهله وبالاخص اميره.
°ورد وعمار؟
•علاقتهم ممتازه ، ازدادت ثقة عمار بورود لعشرات الاضعاف واصبح يطمأن عليها لانها ترافق فتاة محترمه مثل اميره علی العكس من علاقاتها السابقات،كما انه عند وعده في خطبتها بعد التخرج.
°اميرتنا كيف اصبحت؟
•قررت ان تلتفت لدراستها من جديد ..لا يهم الان السبب وراء ترك اسعد لها ان كان شكلها او مستواها الا انها ايقنت انها جميله ومؤدبه ولا احد يستطيع ان يثبت العكس.لم يتقدم احد لخطبتها بعد اسعد ابدا سوی ابن جارتهم محمد والذي رفضته اميره وبسرعه دون حتی ان تراه بحجة انه كبير هو يكبرها بسبع سنوات ويعمل كموظف في دائره كهرباء حكوميه
البطاقه الشخصيه'
الاسم:محمد كريم
تاريخ الولاده:1989.4.25
الوظيفه:موظف
الهوايه:كرة القدم
كما تعلمون هذا ليس السبب الواقعي خلف ذلك الرفض الشرس كالعاده الابراج تحذر اميره من الارتباط بالرجل الثور
700words
ادعموني ..واسوي ابديت ثاني اليوم