حياتي جانت بلا معنی..تفاهه بكول معنی الكلمه! الحمد لله لحكت نفسي قبل لا اضيع واتفوقت ..اني رح اعوف المنحه الي اجتي ..واسوي لجوء سياسي ..اذا صار معناهه حياتي بلشت من جديد ! واذا انرفضت اوعدكم رح اتزوج وادفن شهادتي وطموحي ..بالاخير رح ابقی بلا تعين لسنين -يقاطعني ابويه-
بابا:لا بنيتي ..اني وياج..خلص رح اطلعج تدرسين علی نفقتي الخاصه، ماكو داعي للجوء والبهذله ..وحتی منحة الدوله منريدهه ! بس ضلت عدنه مشكلة السفر والدوله ومنو يسافر وياج..روحي هسه ونسولف غير وقت
بوقتهه حسيت حياتي انتعشت مره ثانيه..حسيت هالشخص اعظم انسان بحياتي ، هو الي خلاني اقدر نفسي، مواهبي، احلامي وطموحاتي ..محد شجعني كده..خلص كلامه وملكَيت نفسي غير شابكَته بكول قوتي ..كأنما خايفه يغير رأيه ..
صعدت غرفتي طايره من الفرحه ..وكالعاده شاركتهه وي حبيباتي ..الكول فرحولي ..حسسوني بانجازي .واخيرا حسيت انو انتصرت علی اسعد
انتصرت علی سلام
والاهم انتصرت علی نفسي ..
نمت هذيج الليله والفرحه تمشي بجسمي..اتخيل نفسي بمكتبي وسيكرتيرتي تفتح الباب وتنطيني ملفات العمل ..واو حياة ثانيه..اتمنی هسه ابلش بالدراسه.
بعد ثلاثة ايام
ابويه وامي ابد ميفتحون الموضوع واني قلقانه ..يندك الباب
اميره:تفضل -صحيح احمد كبر ..وصار يدوك الباب ههه-
احمد:هلا اميره ..اممم اجيت اكولج ابويه يريدج
اميره:اممم هسه جايه..احمد-قاطعته قبل ليطلع-
احمد:امم
اميره:عندك حجي..كوله
احمد:اها ..اكول اميره لتتخلين عن طموحاتج الله يخليج ..
اني خايف عليج ، اقصد كلام ماما نوعا ما صح! بالاخير محد يدوم للثاني ، اتمنی تلكين الي يستحقج واطمأن عليج
اميره-اول مره اشوف احمد هيج متوتر ..وكلامه عاطفي ..وهياتني ابجي -:احمد..
احمد:خلص لتكولين شي ..روحي غسلي وجج قبل لا ابجي هههههه
هزيتله راسي ..مسحت دموعي ودخلت الحمام بسرعه،
نزلت لكيت الاهل مجتمعين ..
امي-هالمره هي الي بلشت كلام..اشتاقيت لصوتهه ..ممحاجيتني صارلهه تلث ايام-:اسمعي اميره..انتي قررتي ..واني قررت
اعرف انو موقفي مو اقوی من موقفج ، لانو ابوج بصفج وهو الي خربج عليه انتي واخوج..بس اريد اكولج شي
اني ام ومن حقي اشوف بنتي مرتاحه ببيت زوجهه، اجهزلهه حفلتهه، واربي اطفالهه ..انتي مصره ع السفر بدون متفكرين بيه ولا بابوج ..واني خليت شرط
اميره:وشنو الشرط يوم؟
امي:متسافرين لاي دوله..ترحين لاوكرانيا ..
اميره:شمعنه
ابويه:هذيج الفتره امي اتصلت بخالج علي ..وحجتله علی قصتج..واقترح انو تنتقلين لاوكرانيا
امي:خالج يحجي لمصلحتج..واني وابوج ندور مصلحتج ..هناك باوكرانيا اكدر اطمأن عليج يم بيت خالج..اقلها اعرف بنتي شنو دتسوي ..شتاكل..شلون تخلص يومهه..احس احد ديساندهه
اميره:بس مو حاسه انو هالشي بي زحمه علی بيت خالو ؟!
امي:لا ابدا ..خالتج وداد طول ذيج الايام جانت تتصل وتسألنه شوكت نكولج، هم متحمسين والبنات ينتظرونج علی جمر .
راسي مليان افكار ،شنو امي شدتكول..انتقل حتی اعيش وي رضا؟! هههههه لا مستحيل
امي اكيد دتخطط اتزوجنياه، يربي ما اكدر اتزوجه هذا برج الحمل يعني اسوء كوابيسي ..
ابويه عافنه وطلع من الغرفه ..اتصور حينام ..واحمد اجاه اتصال..بقيت شارده شوي افكر بكلام امي
امي -تقطع تفكيري-:اسمعي اميره ..الي عندي كُلته..-هاي شدتسوي ..تهددني؟!!!-اني ممستعده اصير ام العانس ..ابد
اما توافقين ع السفر يم خالج ..او انسي شي اسمه مستقبل. واقسم بالله اذا بقيتي هنا لا ازوجج لواحد اخليج تندمين طول عمرج ع الشباب الي فوتتيهم ..
تنهي كلامهه وتلحك ببابا ..بس ترجعلي كأنما نست شي
:واذا كلامي هذا وصل منه حرف لابوج ..اخليج تندمين علی غرورج هذا
تخلص طعن بيه وتروح..اي كلامهه مثل السكاكين الي اخذت طريقهه مباشرة لكلبي..صدوك هاي امي؟
حيل اتغيرت ..وشنو تهددني حتی ما اكول لابويه؟ شعبالهه عمري 18 سنه مثلا..اني فاهمتهم ..واعرف انو ابويه مثل اي اب بالدنيا يريد يأمن علی بنته ..يسلمهه للي يستاهلهه ..خصوصا ابويه اني مدللته الصغيره
وامي ..اعرف كوله الي دتسويه ردة فعل ..للي دتشوفه بحفلات صديقاتي ! صديقاتي الي استقروا -حسب وجة نظرهم-واني رح ابقی وحيده ..
بعد تفكير ومشاورات وي الصديقات ..مر اسبوع اتصلت بي وي خالتي وداد هواي وخالو علي كان دائما يحاجيني ..يطلب مني اسافرلهم ..يطمنوني ويحسسوني انو مرح يصير فرق بين عائلتي وبينهم..وبالاخير قررت اسافر .
قررت اتشجع
واجرب!
ح اسافر بعد اسبوع !
بعد ثلاثة ايام تتحضر اميره لحضور حفلة زفاف صديقة عمرها ..ورده ..بعد قرار اميره المفاجئ بالموافقه علی السفر ..
عادت الوالده لطبيعتها الحنونه..عادت كأيناس صديقة اميره..تحضر الحقائب.تتسوق .تشتري الادويه.هي احسّت انها تفقد ابنتها تدريجياً ..ولكن اقنعت نفسها بان هذا افضل ..في اخر المطاف اميره لن تتخلي عن فكرة السفر للدراسه..وبقائها مع علي هوّن عليها قليلا ..اميره اصبحت الفتاة المدلله ، هي اساسا مدلله لكنها اصبحت محط اهتمام الجميع ..حتی احمد
امي:هلا اموووور شنو هالجمال
اميره:ههههه شكرا يوم
700words
مفاجأه.. بصراحه دوامي حيبلش بعد كم يوم
وحسيت لازم انهي القصه بسرعه ..اتمنى تتفاعلوا !
أنت تقرأ
يوميات فتاة السرطان
Любовные романыهل سبق وان اصبت بالهوس ؟؟ عندما تؤمن بالشيء بشكل مفرط ان لم تفعل..فانت تكذب "قصة فتاة قاست الكثير ..في طريقها لتجد الفارس المنشود! تتبعت الابراج فقادتها الی نهايه مسدوده كيف ستواجه والدتها ..مجتمعها الذي يرفض فكرة الزواج المتأخر"تابعوها للاخير #n...
