يوميات فتاة السرطان

chapter4♤

الاستاذ:هاي ليش لا حول ولاقوة الا بالله اتفضل ابني ان شاء الله متنعاد ..
اسعد:اشكرك استاذ ..
اقترب الاستاذ يمه انطاه الدفتر وهمسله اسعد هاي لانو اعرف الوالد بس لتحرجني بعد
اسعد:ان شاء الله متتكرر استاذ اكرر اعتذاري
كنت منهمكه بالاجابه حاولت ان لا افكر ب اسعد ولو للحظه حتی اكمل ..خرج اسعد بعد ان يأس لم يتبقی للاختبار سوی عشر دقائق تعمدت البقاء لانني اردت ان اخرج خلفه لأطمأن عليه ..
وبالفعل لحقت به بسرعه
اميره:اسعد ..اسعد
اسعد:خيتي اميره أأمري
اميره :-خيتي كبر لف عيونك السود الكوحلي ذني -اكول ردت اطمأن عليك سلامات خوفتني عليك -ادري دامسلت بس الولد يدوخ-
اسعد:الحمد لله تمام حادث بسيط جنت خايف ما الحك بس مانسيت دعائج ضليت طووول الطريق اردده ..شكرا اميره
اميره:-اويلي فاصل اغماء ونواصل-ههههه زين دعائي فادك الحمد لله انته بخير هسه اترخص بعد يومين عندي اخر امتحان اسعد:براحتج ادرسي زين مع السلامه
امؤره:مع السلامه
كالعاده عدت الی المنزل و الفراشات تخرج من جوفي احسست انني اولد من جديد ..لماذا ربما لانني -عوبه واوكع بالحب بسرعه-
الامتحان السادس
درست بجد لانه طلب مني ذلك
اسعد:ها بشري شونهه المعنويات
اميره:zero
اسعد:لاااا اهدأي متحتاج هالتوتر اكولج شي
اميره:شنو
اسعد:اني معنوياتي 3-
حاولنا كتم ضحكاتنا
وصلت الوليمه يا رب..اكيد ختمنه الدعاء عشرين الف مره من الخوف ..وبلشت اعارك وي الاوراق اعصر بمخي واطلع معلومات المهم خلصت ..طلعنه سويه هالمره
اميره:شلونك اليوم بالامتحان
اسعد:تمااااام ..المهم خلصت شوفي مو شرط نطلع الاوائل المثل يكول انطي الخبز لخبازه
اميره:هههه صحيح علی الله ننجح بس
اني هسه لازم اروح ياريت تدير بالك باجر بالاجابه مو تتهاون لانو اخر امتحان..
اسعد:ما الج جيه بعد اميره
اميره:إن شاء الله احاول اجي عندي شغل هنا بالكليه واذا مصارت ع النتائج نتشاوف -لو بيدي اجي كول يوم كول يوم-
اسعد:لا اكيد لازم نتشاوف اني عندي اشياء اريد اكولجياهه
اميره:-يكولي اشياء عزه العزاني -إن شاء الله يلا هسه اروح
اسعد :بهالسرعه
اميره:اي تعبانه مع السلامه
اسعد :في امان الله
بعد فتره بدأت عطلة الكورس الاول لا توجد نتائج الی الان لم انسی اسعد ..كان علی بالي
اليوم الثاني من العطله الساعه الان 9:00 مساءا
يربي ملانه ..امممم هسه اسعد شديسوي همزين نجح بس معناهه هو شاطر وحيتخرج وما اشوفه سنة الخ ..هاي شنو طلب صداقه ؟ ما الي خلك يا بطران هذا عفت اللابتوب وكمت دامشط شعري ..اندفع الباب همزين قافلته
اميره:احمد شتريد
البطاقه الشخصيه:'
الاسم :احمد سعيد
تاريخ الميلاد:1998.10.15
الهوايه:السباحه.كرة القدم.ركوب الخيل.يزعجني.كولشي مجرب
الوظيفه:طالب خامس علمي
احمد:لج تعالي عندي شي الج جوه انزلي
ها شلون عرفته حمودي هذا ؟؟! تسألوني شلون
بسيطه لانو محد يدفر الباب غيره
فتحتله الباب
اميره:خير شكو
احمد :خير يصيبج تعالي اريدج
نزلت ويه احمد داشوف شبي يكعر شيريد لكيت الاخ داعمهه للسياره مالت بابا ويريد اسويله حل
احمد:فدوه كوليله انتي دعمتيهه فدوه لربج لابوج لامج ايناس
ابوس رجلج اموره
اميره:لا بلله تريده يذبحني داعملك تاهو وجاي تريد تذبهه براسي بعدين اني شنو ذنبي وحد يعني ميعاقبني وآني بطلت اخذهه منه من يوم ما وعدني يجيبلي وحده من اتخرج
احمد:حبي حياتي كبدي طحالي الله يخليج حضرة الضابط اذا عرف اني ادعمتهه رح يمنعني من المصروف واحتمال الدوام بينما اذا انتي ما راح يحاجيج لانو بنيته الوحيده هسه الواه اني بنيته الوحيده فدوه لقلبج اموره اسوي اي شي بس لا يبطلني واتفشل كدام جماعتي
اميره:هسه هذا الهامك ...بعدين شكلت تسوي شنو
احمد:اي شي
اميره :نكتب عقد لانو هاي مسألة حياة او موت مو بعيده ابوك يسجنني
احمد:نكتب نكتب -ديحجي بسرعه وخوف هههههههه-
كملنه العقد انو لازم يصيرلي خادم مدة شهر يسوي الي اريده وميحاسبني ابد لا علی لبسي ولا علی تأخيري وتصرفاتي المهم وافق بطلوع الروح
اجه باباتي
اميره:باااااااباااااااا حبيبي -دابجي جذب-
واحمد ورايه..يمشي :بابا بتك مسويتلهه مصيبه
ابويه:خير ان شاء الله بابا شمسويه
اميره:بابا انييييييي...........
داعمه السياره -هذا احمد ال××× ديحجي كبر لفك احمد -خزرته جان يصيح
رفقا بالقوارير ابويه العزيز ..
المهم رزلني بابا رزاله ع الماشي لانو عيب اني بته
دخلت للغرفه اجتي ورايه خدامتي وشايله كلاص عصير-اي شبيكم خدامتي حمديه-
يلا عوفيهن هنا وطلعي حمديه-كلتله وحسيت حيشيلني براشدي-
احمد:لا اميره فدوه مو هيج. ..شفتي ابويه لو اني مسويهه جان شنقني ولف جثتي بسجاده قديمه وذبني بدجله
اميره:اي وهو منو مسويهه مو انته يلا اطلع
طلع احمد وصارت عيني ع اللاب توب فتحت البيج لكيت 3 طلبات صداقه اثنين غريب والثالث غريب بعدين فجأه طلع عرف لاااااا بربكم هذا اسعد لو غيره ؟؟؟!!!!!
اوافق لو لاء ..اوافق لو لاء
اكيد خابرت الكبكيك مالتي
700words