يوميات فتاة السرطان

chapter23♤

ورده:بالمناسبه البارحه اتصلت مها
سما:مها منو؟!
رفل:هه صديقة اميره و ورده
اميره:شلونهه!؟
ورد:تكول مرتاحه وياه ..بس شكلهه مو هيج ابدا
يعني ابد صرنه منشوفهه لا بالنوادي لا بالكافتريات ..هذا خطيبهه خانكهه .
اميره:هذا اختيارهه
ورد:صح ...
هدی:اممم شنو رأيكم نروح للزوراء اليوم؟
رفل:يس يس يس
سما:اني ما عندي مانع
ورده:شوفوا اميره اذا تروح اروح
هدی:ياعيني ياعيني
اميره:بنات ياريت بس مابيه حيل تعبانه
ورد:خلص لعد ما اروح ..اني ابقی وي اميره اخاف عليهه وحدهه صحتهه تعبانه .
اميره:لج ورد لتخليني اروح غصبا عني
وبعد جدال وي البنات قررنا نطلع نغير جو ..اني فاهمه ورده هي حيل متعاطفه ويايه ، بس بالاخير اني ما اريد اصير عاله .
تمر الايام الاخيره في الجامعه ببطیء شديد، كأنها تعطينا فرص اخيره لتوديع ايامنا وشبابنا داخل الكليه ..كانها تطلب منا البقاء .. مرت اربع سنوات بسرعه ولكن ما اطول هذا الشهر ..الشهر الاخير! الفاينل'
اميره لاتزال تتربع علی عرش المرحله ..اجل هي متفوقه للغايه ، كانت تصّب غضبها في الدراسه ..في كل مره تُخذل فيها من قبل انسان 'تزداد ثقتها بكتبها ..وتری المستقبل مشرق اكثر .
اليوم حفل تخرج تلك الصغيره ..الفتاة الي اعتادت علی التّهرب من الدراسه في ايام الابتدائيه ..هاهي الاولی علی دفعتها .! والاخيره في سباق الحظ
والان مع كلمة الطالبه المتفوقه اميره سعيد ..
اميره:السلام عليكم ..اخوتي في الله
اساتذتي الكرام والسيد عميد كلية الهندسه جامعة بغداد..المحترمين
بدايةً اود ان اهنئكم واهنئ نفسي علی انجازكم هذا ..ولكن اوجه كامل شكري وتقديري لمدرستي الثانويه "مدرسة المتنبی "..ولعائلتي الكريمه ..شكرا لكم ! انتم املي في الحياة ودافعي للتفوق علی نفسي ..

هناك ما يجول في خاطري ..واردت البوح به ، ابقوه سرا بيننا-ضحك الطلاب-بصراحه انا اود ان احتفل بنجاحي هذا مع صديقاتي العزيزات واود ان اقدم احدی جوائز الشكر لصديقتي المخلصه ورد ..اعتذر ورد ..انا اسفه لانني لم انتمي اليكي الا في السنة الاخيره..وكذلك هدی ورفل وسما انتم الافضل .لا ازال اتذكر ايامي في الابتدائيه عندما كنت امحو جدول الدراسه واملئه بالرياضه والشواغر ..كيلا تنتبه امي لاهمالي الدراسي..لا زلت اتذكر عندما كنت اذهب للحمام في بداية الدرس واعود في بداية الدرس التالي ..انا بالفعل مصدومه من تفوقي هذا ..لكن الاراده تصنع المعجزات .
ربما ايامي قّست علي احيانا ..لكنها علمتني ان التزم بالحياة ..واخيرا شكرا لكي كليتي العظيمه ..وسوف ابذل جهدي لكي اعود لادرس فيها الی جانب اساتذتي الكرام
والسلام عليكم ..
ارتفعت اصوات التصفيق والتصفير ..ثم علت اصوات الموسيقی ..وصعدت اميره المنصه مع صديقاته وزملائها ..صوره جماعيه ..جوائز تقديريه ثم قبعات تتطاير في اجواء القاعه ..احست اميره بالمسؤوليه ولاول مره ..
ورده:يلا نروح نحتفل بنات
هدی:اي يلا اني حاجزه بالنادي من ال7
اميره:بنات والله مچان اكو داعي
ورده:لج شلون ماكو داعي شلتنه طلعت منهه عبقريه ..وبعدين همات احنه دنحتفل بنجاحنه ..للتذكير فقط ولا وحده بينه طلعت دور ثاني ..يييييي
بعد حوالي اسبوعين ..بسبب تفوقها تتلقی اميره دعوه -منحه -للسفر الی اي دوله اجنبيه للعمل هناك..
كعدت الصبح..فتحت الايميل ولكيت فرصة عمل مقدمه الي من الدوله للسفر للخارج..طبعا نزلت اصرخ واعيط ..اعرف البنات حيفرحولي ..اتصلت بيهم وبلغتهم واخذت رأيهم وكوولهم ايدوني وشجعوني .الغريبه انو ماما بلشت تتصرف بغرابه بعد ما حصلت ع المنحه ! عموما اني اليوم دا اتحضر حتی اروح لحفلة خطوبة رفل والعقد همات..
وبعد كم يوم حتتزوج ورده ممصدكه ابد انو ورد ارتبطت واستقرت وكونت نفسهه 'بنظري هذا انجاز ميقل عن انجازي .
حضرت ثوب قصير اسود وحذاء-هاي هيلز-احمر ومكياج هادئ..لبست شالي وصايه ومنتظره حمودي يوصلني لبيت رفل.
ماما:اممم رايحه الحفله
اميره:بلي ..
ماما:بالله كوليلي هذي رفل اتعينت لو لاء
اميره:اكيد لاء مصارلنه شهر من اتخرجنه-بالعراق محد يحصل تعيين بسهوله غير خريجي الطب ..لانو اعمار ماكو والدمار يزداد والمستشفيات تسحب اطباء وميكفي ..الله يعين العالم بس-
ماما:وزوجهه شنو يشتغل
اميره:ماما طبيب خريج جديد
ماما:عرفت اتدبر امورهه ..وهاي هي جكمه
اميره:حرام..ماما رفل حلوه والاهم مؤدبه وتستاهل الخير
ماما:شو سوكتي ..لا بجمالج ولا بأدبج ولا بثقافتج ودينجرن وحده وره الثانيه. .عموما ارجعي علی وكت عندي حجي وياج.

رجعت من الحفله ..تجنن ، رفل طالعه كولش حلوه وزوجهه حلو ..باركنالهه واتونسنه كومات ، بعد عندي هواي حفلات ، هدی وورده ..ومها هه-نسيتهه ..بس حبيت انكد عليكم-هم اختاروا الزواج واني اختاريت الدراسه! عموما اني هسه تفكيري كوله بالسفر ، محتاره ..اني من زمان ردت اكمل ماستر..يعني اذا طلعت للخارج محكمل الدراسه ، رح اشتغل واتعين! اني ما اريد هيج ..اريد اخذ دكتوراه واصير مثل زها حديد اصمم بنايات بالامارات بالسويد بتركيا ..مو اقيد نفسي .

قاطعتني امي :ماما اميره نايمه؟
اميره :اتفضلي يوم..منايمه
امي:ليش لهسه منايمه
اميره:دافكر
امي:بشنو
اميره:بنفسي بدراستي بالسفر
امي:والزواج؟ وعمرج ؟
700words
طبعا حيل اشكركم ع الدعم..فرحانه بيكم حيل حبيباتي
شنو رأيكم والدة تميره حتخليهه بحالهه؟