يوميات فتاة السرطان

chapter 7♤

طبعا حتكولون انسحلت لا مو هيج بس اني ما اريده يطفر مثل عادل واصير اني السبب ..المهم صارلي نص ساعه ملبوسه .
فجأه يندك الباب اكيد مو حمديه جان رفست الباب وطبت ولا ايناس لانو احس بيهه تتصنت قبل لتدخل ودووم اكمشهه هذا الذوق والاخلاق ابويه السبورت المحترم ..
اميره:تفضل -صوتتي هاااديء-
ابويه:السلام عليكم
اميره بابا عبالي نمتي بس امج تكول تسهرين هيج وقت
اميره:اي بابا صحيح-ما اجذب اني-
ابويه:ليش بابا مو تتعبين ويصير عندج هالات سود تحت عيونج ومتكدرين تركزين بالدراسه-هو صح ضابط بس تره سبورت-
اميره:اعرف بابا بس شسوي عاده مو خوش عادة السهر وتعودت اني
ابويه:سوي الي يريحج ..شوفي اليوم اني بالمركز وجان يجيني ملازم احمد وبيده ولد ..ضليت صافن الولد شكله ابن ناس ومرتب ..ضحكت كلتله احمد شنو هاي هذا الحلو شمسوي ما اتخيل قاتل احد ..جان يكولي لا هذا رادك مخصوص سيدي ..واني حاولت امنعه ودخل طلبت منه يعوفنه ويروح وبالفعل طلع احمد
اشوفه متوتر بس مخايف
سعيد:خير ابني مضيع شي..عندك مشكله تريدلهه حل ..عاجبك صوتي وتريدني أاذن بجامع الخلفوك
عصبت بصراحه لانو نرفزني بس صافن بوجهي
واخيرا حجه
اسعد:لا حشه مو اقصد سيدي اني بس عندي موضوع عائلي
وسولفلي الي بينكم..هو خله شوية شروط واني ميهون عليه تنجبرين علی شي بعمري ما جبرتج علی لبسج او عطورج او مكياجج او او او ..
اميره:بابا اسعد شنو شروطه
ابويه:يريد منج تلبسين الحجاب الشرعي يعني جبه او عبايه
اميره:والتنوره والقميص مو خوش مو ...بابا اني ملابسي عريضه وفضفاضه ..وححابي مرتب وشعري مايطلع ليش يريد يجبرني ع الجبه
ابويه:مادام ابوج عايش وراسه يشتم الهوا محد يجبرج علی شي هو بس ديعرض علينه شروطه واما توافقين او كول واحد بطريقه
.....ماكو مكياج ولا عطور ولا كلام ويه زملائج ويريد الزواج هسه بعد ميتخرج ..يعني بصراحه هو الولد مرتب بس حجيه مخربط يعني ميفكر انو هاي حياة لازم تتقاسموهه احسه متزمت برأيه
اميره:-حجيت ودموعي بلشت تنزل-بابا حتی مسألني اذا احبه او لاء يكولي المرأه محد محتكرهه بس رأيهه ثانوي ..نزلت صوره تلث ارباعهه لاحمد وربعي طالع بعده لهسه زعلان..ديحاسبني واحنه ما بيناتنه اي شي حتی احبك مكايلتله ..
مو هذي طموحاتي بابا طموحي شخص يرعاني ويقدر انو اني بشر ..
ابويه:خلص وليهمج وسبق وكلتلج مدام اني موجود ما رح تنجبرين علی شي ابدا ..-حسيته ديحتضني وحضنه دافي -
الساعه الان 9:00 صباحا لم اذهب للجامعه قررت -اضرب المحاضره الاولی- اليوم قررت ان احل الامر وديا وتنتهي المباره بهدف التعادل لا اريد خسارته كصديق ولا اريد ان افوز واكسر قلبه لذا سوف اكلمه بجديه واوضح له الامر
جنت دانزل ع الدرج وسمعت صوت امي وابويه
امي:اعرف اعرف سعيد بس هذا الثاني حرام الي دتسوي
ابويه:الولد مو مريح متعب يريد كولشي علی مزاجه
امي:شوف سعيد بنتك رح تبور وانته المسؤول لانو هواي انطيتهه حجم بنتك لاعبه الابراج بمخهه والا قبل يومين هي جانت طايره من الفرحه من دزلهه طلب
ابويه:سهله.. عبالهه يناسبهه وطلع العكس
امي:تقصد انو فتحت الابراج هالخرافات هاي وقنعت نفسهه بيهن
ابويه:هو ديفرض عليهه اشياء اني ما فارضهن عليهه قبل وهي واختيارهه لو تقبل وتضحي لو تعوف الموضوع
نزلت بلا كلام فتحت الثلاجه واخذت كورن فليكس وكعدت اكل وامي وابويه سككككته
انفتح باب المطبخ اجه حمودي
صباح الكناري
شلونكم كناري ..شنو سعيد ما حاب تونس ايناس -ويغمزله-
ابويه:احمد..20 تمرين ضغط يلا
احمد:علكيفك سعادة الزابط بشويش علينا
امي:شكووو شبيكم
احمد :متدرين سعيد مسويلج مفاجأه انوس - ورجع يغمز-
امي :ياااا اليوم عيد زواجنه
حبيييبي -هستوهه تعيط وتصيح رح تبور بتك من وراك شعب لوكي شارب مخدرات-
احمد:يلا لبسي وروحو اتونسو.
ابويه:لك وين نروح بالليل مو هسه
احمد :يدفع بيهم لفوك صعدوا صعدوا بدلوا وتعالوا
امي:وين نرووووح
احمد:ما ادري سفوا تيهوا دحموا ديحوا اي شي المهم مترجعون قبل 12 بالليل
سعيد اخذ مرتك واحجزلك سويت بفندق وروحوا اكلوا شربوا بمطعم رقصوا موتوا اني شكو..هفف ×سديت باب الغرفه عليهم ونزلت داحجي ويه امور القرده×
امييره ..اميره.اميره.اميره..
اميره:ها
احمد:وجعا
تعالي اوصلج ويانه
اميره:وين
احمد:داخذ اهلي لفندق..واوديج للكليه واريد اسخت بالسياره
اميره:ومدرستك
احمد:اليوم عطله رسميه
اميره:شنو المناسبه؟
احمد:عيد زواج اهلي
اميره:كبر
رايحه ابدل واجي
احمد:ركض واستعجلي بالكناري اشو طولو شديسوون
غيرنه ملابسنه وبالفعل وصلنه احمد...لكيت مها منتظرتني
اميره:صباح الخير
مها:صباح الانوار شنو اليوم ضايجه شو ماكو كب كيك
اميره:اسفه كب كيك بس متنرفزه
شويه جان اشوف اسعد يسحب كرسي ويكعود
اسعد:السلام عليكم ورحمة الله وبركاته
مها :وعليكم السلام ورحمة الله وبركاته
اسعد:مها ليش زعلانه
مها:اممم ما اعرف يمكن ممتريكه
-اعرف ناصبين عليه لانو مبوزمه وعيوني مورمه من البجي-
700wordsvotessss