يوميات فتاة السرطان

chapter20♤

لكن سرعان ما تتضح الامور ، العلاقه ليست مستحيله حيث يمكن ان يتفقا او يفترقا. يرجع ذلك للتضحيه والتنازل لكن اجمالاًَ العلاقه مؤقته.
حلووووو هو هذا الي ناقصني افففف ..خلي انام احسن .
تستيقظ اميره كالعاده علی صوت المنبه اللعين..تتجه للحمام لإنهاء روتينها الصباحي ..ثم الی الغرفه مجدداً ، هنا يصل اشعار الابراج الصباحي كما اعتادت اميره منذ فتره علی قرائته"حياتك العاطفيه لاتسير علی ما يرام والتقصير من طرفك! لذا لا تلوم المقابل علی اتخاذ خطوات مضاده"تتنهد تأخذ الهاتف وترميه بالحقيبه ثمَّ ...الی الجامعه.
بنص الشله واللّمه الحلوه- لازم تحسدوني عليهه- ..ويتصل خطيبي المستقبلي سلام!
اميره:بنات من رخصتكم ..
البنات:اخذي راحتج ..
اميره:الو
سلام:اوكفي لحظه -ديحجي وي الي يمه-...اه العفو هلو اميره، امم اتصلت حتی اعتذر عن لقائنه اليوم ما اكدر عندي شغل ضروووري.
اميره:اها ....براحتك مو مشكله-ع اساس اني الي رايده اقابله!اي صح اني خايفه من الابراج لذلك فرحت لمن أجّل الموعد-
سلام:يعني ماكو مشكله مو ؟
اميره:سلام اهتم بشغلك ماكو مشكله عندي ،الايام الي جايه هواي..
سلام:صحيح ...يلا مع السلامه
اميره:بيب...
*والله خطيه ههههه
لحظه لحظه ..هاي صوت بنيه؟! معقوله ؟ شكلهه جانت تسمعنه واحنه نحجي..لاااا وفوكاهه تشمّت بيه ..منو هايه .
بعد ساعتين ..تنتهي نصف محاضرات اميره وهي لاتزال حائره بالصوت الذي سمعتهه بالقرب من سلام! حسنا اميره كانت شاردة الذهن بشكل واضح .
سما:هيييييي اميره وين رحتي -تأشر بأيدهه كدام وجه اميره حتی تنتبه، وفعلا اميره رجعت لوعيهه واخيراً-
اميره:همممم
سما:لااااا ..شكو احجي شبيج عندج مصيبه
حجيتلهم الي سمعته وانتهی الموضوع بمانشيت من الكلمات الروتينيه المعتاده الي اسمعهه منهم كول ما افتح سيرة سلام وانو حاسه" هو مجبور عليه" .. (لا..ماكو هيجي شي..تتوهمين..خاف اخته..هو يحبج..ليش انتي تشكين ) واهم جمله طبعا (الابراج لاعبه بعقلج).
قبل لا ارجع للبيت يجيني اتصال من رقم غريب واجاوب من الرنه الثانيه ..
اميره:الو
¿¿:الو السلام عليكم-صوت انثوي رقيق-
اميره:وعليكم السلام
¿¿:حضرتج اميره سعيد ؟!
اميره:بلي وصلتي ..منو حضرتج؟!
¿¿:احم اني رِهام اخته لسلام
اميره:-غريبه سلام ولا مره كلي عنده اخت-اهلا وسهلا رِهام
رهام:اني عايشه بامريكا ومحد يجيب طاري ادري ..بسسس اني صارلي كم يوم ببغداد واريد التقي بيج ضروري اميره.
اميره:اوكي اي وقت تردين اني حاضره رهام
رِهام:اوكي ممكن اليوم؟!
اميره:اوكي تمام شوكت .
رِهام:هسه فارغه اجيج للكليه وسلام ويايه
اميره:لا عوفيه لسلام مشغول تعاليلي لوحدج لو امكن
رِهام:اوكي يعمري فد ربع ساعه اندل الكليه واجيج
اميره:جان دليتج بس بصراحه اذا دليتج تتهين
رِهام:ههههه لا اني اجيب العنوان انتظريني
اميره:اكيد يلا باي
رِهام:باي
بعد نصف ساعه تصل رِهام واخيرااا..
صعدت السياره مالتهه وابتسمتلي قبل لا تاخذني باحضانهه ..
اسفه اتأخرت-رِهام تعتذر-
اميره:طبيعي مصار شي
وصلنه المطعم ..طول الطريق رِهام جانت تستجوبني وتحاول تسحب كلام مني -هيج حسيت-واخيرا رِهام حتحجي الي بعقلهه وتخلصني ..
رِهام:شوفي
اميره: -راوتني صوره لسلام ويمه بنيه بحديقه كاعدين وسلام شابكهه للبنت ..كووولش حلوه اعترف انو هي احلی مني ..بس لحظه هذا سلام شعنده وياهه-
منو هذي-واخيرا نطقت-
رِهام:حبيبة سلام
اميره:السابقه؟!-كلتهه واني اغص بدموعي اتمنی تكول اي-
رِهام:هالصوره اخذتهه قبل لا اجيج بربع ساعه ..هذولي كاعدين بحديقة بيتنه
اميره:هسه مفهمت دتطرديني لو تنبهيني بخيانة اخوج الي
رِهام:هو مخانج هو مجبور يعوفهه ..ياريت تطولين بالج ويايه وتتعاطفين شوي الله يخليج ..سلام يحبهه هاي البنيه اسمهه نور بت خاله يحبهه حيل يعشقهه اتصوري طالب ايدهه للزواج من عمره 16 ..بس مشكلتهه فقيره اساسا عائلة امي كولهه فقيره !
اميره:ههه
رِهام تكمل: ابويه ابد ميقبل لسلام انو يتزوجهه لانو باعتقاده خالو طمعان بفلوس سلام ، بالرغم حاولنه وياه هوايه بس ميفيد ميّبس راسه كولشي ولا هالبنت ..
سلام حاول يبتعد عنهه بعد ما هدده ابويه بس ميفيد كول مره يبتعد يرجعلهه او ترجعله تبجي ، الی ان صار عمر سلام عشرين سنه كام يهدد ابويه بالانتحار اذا فتح وياه موضوع الزواج ..وابويه سكت طووول ذيج الفتره عباله هو عافهه بس هم جانوا يلتقون يوميييياً ..
اميره:كلتيلي -وتمسح دموعهه ..اي اساساً هي بجت من اول ما شافت الصوره-
رِهام:صار عمر سلام 26 سنه وابويه عرض عليه صفقه ..انو يخطبله بنيه اذا معجبته يزوجه نور ..يعني زواج عمل مثل الي يصير بين اصحاب الشركات ! ابويه شافج وعجبتي اضافة انو ابوج صديق ابويه حيل فقرر انو يسّوون زواج العقد ومدته خمس سنوات بعد هالخمس سنوات سلام لو...
قاطعتهه اميره: ناسيهه وباقي ويايه لو مطلكني وراجع لبت خاله .
رِهام:بالضبط ..اني اسفه اميره جان لازم اكولج علی خطتهم ..اني حبيتج من صوتج وما هان عليه ابني سعادة اخويه علی تعاستج.
اميره:ممصدكه ابويه باعني -تحجي بصدمه-
ريهام:والدج ما اله دخل الصفقه بين اخويه وابويه اسفه مره ثانيه.700words
شنو رأيكم بسلام ؟
ردة فعل اميره شنو.. حتسكُت مثل قصة اسعد!
اسفه ع التأخير بس التفاعل ميشجع ..كارهتهه للقصه والله