يوميات فتاة السرطان

chapter17♤

اميره:مساء السعد ..بابا وين؟! وين وين
ماما:بالشغل بالشغل بالشغل ..شعندج اليوم فرحانه
اميره:اسكتي ايناس طايره من الفرحه~
ماما:الله يخلي ايامج افراح ..بس مكلتيلي ليش
اميره:نجحت يوم نجحت-تصارخ-
ماما:ايييييي مبروك مبروك-تعيط-
اميره:تقديري جيد جدا-تهمس-
ماما:كلووووووش-بس تكول كللوش-
جان ينفتح الباب
حمودي:لك هاي شنوووو لكيتولي عروس ؟!
ماما:اختك نجحت وتقديرهه A
احمد:اييييييي صلوات صلوات كللللووووش ،
بس تعالي هنا ..جيد جدا شنو؟ بكول تاريخ تواجدج بكلية الهندسه جامعة بغداد ما اتخطيتي المتوسط !
امي:كالوا الرابع سهل
اميره:يمعودين يا سهل ..الرابع اصعب مرحله بالهندسه، كل ما بالموضوع انو اني درست السنه .
امي:لك حمووودي شصار علی نتائجك
احمد:امور جيبيلي مي ..نجحت ماما نجحت
امي :وتقديرك ؟!
احمد:ماكو تقدير ..مينطونه هذا النظام لحد نهاية السنه يلا احصل تقدير.
اميره:تفضل-اي اي اعرف جبتله مي ومستغربين انتوا بس فرحانه ومستعده احلب بقره-
احمد:اييييي يوم عرسج واضربج بالحذاء
امي:ممصدكتك حمدان
اميره:ماما هو هذا نظام كليتهم مينطون تقدير بالمد . قفلي ع الموضوع المهم نجح ..اساسا احمد حالته خاصه المفروض متضغطون عليه.
امي:حالة شنو بالله؟!
اميره:انكماش في المثانه البوليه ..الواد داه عليه مارد بيتبرز في المكان ..
احمد:جايج يااا خبله
وكالعاده بلشنه النط والركض والضرب والام بس تحاول تهدئنه قبل ليجي سعادة الضابط .
......................................................................
وبلشت عطلة المد ..
اليوم الخامس ..
ابويه:حجزتلكم تذكره لتركيا نروح اسبوع ونرجع
احمد:واخيررررا رح تخلص العطله
ابويه:الخطوط الجويه العراقيه تعبانه وحجز ماكو اليوم يلا انفتح
اميره:يمعودين حتی لو يوم نروح ونرجع ثاني يوم اهم شي نشم هوا نقي
ماما:كومي اميره نجهز الشنط
ابويه:اي باباتي ..تره باجر الصبح نطلع .
في اليوم التالي الساعه الان 7:00صباحا
من داخل المطار
خليني احجيلكم حالتنه ..اني لابسه قميص ابيض وبي شوية رسوم ..تنوره ميدي منفوشه وبيهه شيالات لونهه اسود وشال ماروني وجنطه كابوي ..ماما لابسه قميص طويل وبنطرون جارلس كابوي ..حمودي لابس بنطرون بيج وقميص ابيض ويلك اسود ..ابويه لابس قاط كحلي .منتظرين الطياره صار فوك الساعه وماكو شي لحد هسه .
لحظه لحظه هذا منو ؟ احجيكم بعدين خل اشوف هذا منو .
رجال كبير بالعمر اكبر من بابا ووياه شاب ..لابس قاط مثل ابوه ..شلون عرفت ابوه؟ لانو الشبه قاتل بس الشاب احلی من الكبير.
¿¿:السلام عليييييكم
عزه نزيت
ابويه:وعليكم السلااااام ورحمة الله اهلاااااا ابو عزام
ابو عزام:شلونج مدام
امي:شلونك اخويه ابو عزام
ابو عزام:هههه اليوم بالمطار ؟؟!
ابويه:اي والله اخذ العائله اونسهم ردت
ابو عزام:لتركيا مو ؟
ابويه:صحيح
ابو عزام:اني همات رايح لتركيا ماخذ سلام اريد اعلمه الصنعه ههههههههههه
سلام شكله مو طايق الدنيا
ابويه:لتكولي هذا سلام ..ماشاء الله ماشاء الله صاير رجال
اخر مره شفته جان عمره سنتين ..
ابو عزام:من يوم ما راح عزام واني مخلي املي بسلام ..ماخليت احد يحس بيه وهو يكبر حتی تجي هاللحظه واطلعه للدنيا ..رجال مثل اخوه الله يرحمه..لو شتكولين ياحلوه
اميره:احم اكيد عمو-يحجي ويايه لو وي امي-
ابويه:الباش مهندسه اميره
سلام:اتشرفنه
ابويه:والطبيب احمد
ابو عزام:ماشاء الله .الله يحرسهم
من داخل كافتريا بالمطار
احمد بيا مرحله؟ مناوي تجيبه للشغل؟
ابويه:مرحله اولی..بصراحه لاء
اني من نوع طموح بس الوالد الله يرحمه لحقني بالعسكريه ودمر طموحاتي والا اني جنت اتمنی اصير طبيب
ابو عزام:بس هسه انته ضابط الك اسمك ومكانتك يعني متقل عن الطبيب بشي
ابويه:صح بس اني اضطريت اصير قاسي ..يعني من قمة الرحمه-يقصد الطب-الی قمة القساوه ..لانو الضابط ميصير ضابط اذا ما جان اله وزنه وصوته.
ابو عزام:صحيح صحيح
سلام:اميره يا مرحله؟
اميره:رابعه اني -يربي يخوف -
وحضرتك؟
سلام:اني خلصت هندسه واخذت ماستر ..جنت ناوي ع الدكتوراه بس الوالد يريد يسويني ضابط هه-يستهزأ. عزه كاره نفسه هالولد -
سلام:سألتج لانو من سمعت هندسه انتعشت ..الهندسه تمشي بدمي .
احمد ساكت
ابو عزام:يلا عيني شكلهه وصلت الطياره ..اخذوا راحتكم
ابويه:لا ليش ..نروح سوه
امي:اي ماماتي سلام تعال ويانه وانته ابو عزام همات..هي نفس الطياره
سلام:ياريت خاله بس خاف نسوي زحمه
ابويه:رحمه يابه رحمه يلا احمد كوم
دخلنا الطياره ..احمد وسلام كاعدين جنب بعض، بالجهه المقابله اني وماما ..كدامنه ابويه وابو سلام .
طول الطريق احمد وسلام يسولفون شكلهم استلطفوا بعض. اني نايمه علی متن ماما ..وابويه وابو عزام محيسكتون بعد شهرين ..بس يسولفون ع الشغل .
وصلوا تركيا واخيرا..الجنه بحق ..المطار اجمل بعشرات المرات من مطار بغداد الدولي ..لم تزر تركيا منذ ثلاث سنوات..اعتادت ان تزورها مع والديها سنويا هي والعديد من الدول الاخری ..لكن ما ان دخلت الجامعه حتی قلت سفرات العائله ككل .
ودعنه ابو عزام وابنه ..انطانه عنوان بيته بتركيا. اي صح عنده بيت بتركيا ..ابويه رح يحجزلنه بنفس الفندق الي متعودين نقيم بي كول منجي لهنا ..وانطی العنوان لأبو عزام .
بعد ساعه تقريبا ..
دخلنا السويت مالتنه ..واخيرا مكان حلووو ونظيييف حتی ارتاح
700words
الروايه كاتبه منهه 25 جزء ..بس مستعده احذفهه
حافزي الوحيد..البنوته ritagriad :(
تفاعلوا سوو كومنتس وحسوي ابديت بالليل