يوميات فتاة السرطان

chapter13♤

من جانت تهزله راسهه وتوافق علی بياخته ..من جان ينصح بيه وهي تصير بجانبه ضدي اني؟! من تتبهذل احوال والكه ورد بجانبي وصديقتي بجانب الي بهذلني ..
مها:اميره فدوه كافي
اميره:ليييش تحسين بالذنب .؟! حسي بي ..شوفي اكولج شي اني مو غشيمه مو مشكله عندي انو تنخطبيله او تتزوجينه بس مشكلتي انو جنتي تدرين بيه ميحبني وممشيتهه عليه انتي وياه ..لذلك ومع كول الاسف اني ما اتشرف بيج كصديقه بعد! يمكن اعذره لانو غريب بس ما اعذرج ابدا الي بيناتنه انتهی! واني ما اكدر امنعج من الي حبيتيه واتمنالج الخير الي جنتي خايفه اشاركج بيه او اخذه منج ..بس ابتعدي عني رجاءا
تخرج اميره ..تركب السياره تتجاهل اسألة احمد ...وتنهمك بالبكاء الی ان تصل الی غرفتها حيث لا احد يستطيع الدخول لتطلق سراح دموعها الحاره ..تبكي بحرقه تتصل ورد عدة مرات ثم تعود لتتصل بأيناس ، ورده قلقلت كثيرا علی اميره خصوصا انها تجاهلتها منذ البارحه لذا هي اتصلت بوالدتها بعد ان يأست ..تخبرها ايناس بحال اميره وكيف انها منذ ان وصلت وحوالي مذ حوالي الثلاث ساعات هي تغلق الغرفه وتبكي بحرقه وانها قلقه عليها.
تسرع ورد بتغيير ملابسها وتأتي الی بيت ابو احمد ..يفتح احمد الباب تصعد ورد الدرج بسرعه متجاهلة كلام احمد المعسول والمبطن بالفكاهه '
ورد:اموره حبيبي فتحي الباب
بعد شوي تفتح اميره الباب
تنصدم ورده بشكل صديقتهه بينما اميره تشبك ورد وتبجي بزياده ..يغلقون الباب وتحجي اميره القصه لورده ، بعد ساعتين يطلعون من الغرفه , اميره شكلهه تعبانه بس هادئه
تروح ورد للبيت وتعوف اميره تفكر بكلام ورده..
اميره-كلام ورد صحيح ..والي سويته صحيح ! لازم ابتعد قدر الامكان عن مها حتی تعيش بسلام , مها تحبه وهو يحبهه ، مها تدري بيه احبه فبقائي وياهم رح يصير عاله .
المصيبه انو مها نفس برجي ..لعد ليش متوافقين ؟! معقوله الابراج كذبه؟؟!!! هو برج الدلو ..ومها برج السرطان ..جان يكولهه حبيبتي وتكوله حبيبي ..طلب انو يروح وما عارضت ..اذا ممتوافقين ليش توافق يخطبهه ؟! معناهه العلاقه بينهم جيده ! معقوله جنت اتوهم انو ماكو توافق ..معقوله الابراج لعبت بعقلي ؟ لا لا مينعقل هالكلام ! يربي استر عليه من الخبال تره بيني وبين الجنون شعره
مرت الايام وانتهت السنه ..مها حاولت ولمرات عده ان تصلح ما انكسر بينها وبين اميره.لكن كان ذلك خطأها ، لقد استغفلت صديقتها ! مهما كان مقدار ضغط اسعد عليها ماكان يجب ان توافق كان هناك الكثير من الحلول ..اصبح خبر انفصال الصديقتين علی كل لسان ! اعني من يصدق ان كب كيك وبراوني اصبحا عجه ؟!! كالمتوقع نجحت مها ..اميره وورده من الدور الاول ..كان شهر الامتحانات هو اخر ذكری بين هذا الثلاثي الجميل '
اسعد تخرج واخيرا ..كما وعد مها ستكون الخطبه بعد شهر !
الساعه الان 9:00 مساءا
في بيت اميره
اميره:يوووم ..اريد اصبغ اطراف شعري
احمد:لاء
اميره:انته شكو
احمد:اني الدكتور احمد
اميره-بالمناسبه حمودي نجح ومعدله 97.75فاجأنه كولنه بهالمعدل ..اراهن بايك الأسأله، بس هو امانة الله درس كومه بسسسس يبقی حمودي الغبي -
:اسم الله بعدنه القبولات مطلعن
احمد:هسه تشوفين
الام:وشنو اللون
اميره:بنك (pink)
احمد:يفيد يفيد ..اتقدمي لدور الشمر
اميره:باااااباااااااا
الاب:حمودي كوم ما كو اكل
احمد:هففففف يلا اروح اطلب ديليفري
الاب:اطلبلي وياك
عائله تعبانه
الام:سمعتو بالخبر
الاب:خبر شنو ..
احمد:اي سعر الغاز ارتفع
الام:انزول عليك شلون تطفر جنك ضفدعه ..منو جاب سيرة الغاز ابن الدبه
احمد:لااااا عيب ماما تغلطين علی نفسج
الام:كوم مناااااااا
الاب:هدووووووء
الام:اي ..سمعت انو مها نخطبت
اميره-غصت-:رح تنخطب ماما رح تنخطب
الام:مو فرق المهم حصلتلهه واحد
اميره-هايه شبيهه امي شنو عبالهه هي سياره ولازم احصلهه-:الله يسترهه
الام:ويسترج..لج مو خايفه ميبقالج بس التعبانين
اميره-ههههههههههه ضحكت صدوك هسه اني بيا حال -:يوم لتخافين ههههههه احصل احصل جديد مو مستعمل
الام:ضلي ضلي هيج الی ان تعنسين
اميره:افضل انو اعنس ولا اتزوج واحد ماكو توافق بيني وبينه
الام:ضلي هيج الابراج لاعبه بمخج ..تردين تكوليلي مها الي اتزوجته هذا من برج الحوت مثلا ؟!
اميره:هههههه يوم البنيه بعدهه ممخطوبه ..-والله لو تدري بيه هو نفسه اسعد جان تشنقني ..وعموما ما رح اخليهه تروح العرس هي تعرف انو احنه انفصلنه لانو مها تريد تتفرغ لخطيبهه بس متعرف السبب الاساسي-
الاب:ايناس ..مدام راسي يشتم الهوا محد يجبر اموره علی الزواج
الام:براحتك حضرلك كلب وبقيهه عدك قرن اني شكو احجي اصلا ..زعلت ايناس كالعاده بعد هالنقاش الفاشل الي ليقدم وليأخر .
بالمناسبه علاقتي بورده كوووولش قوت ...بالرغم اني جنت ابتعد عنهه واشوفهه مو خوش انسانه بس طلع العكس ..صحيح اخذت فتره الی ان نسيت عاداتي ويه مها بس عموما ما عانيت هوايه لانو هي عافتني قبل لتكولي الخبر بشهر يعني اتعودت علی بعدهه عني ..وخطوبتهه قربت الله يوفقهه
700words
بنات عبرت 10 اجزاء وماكو اي تفاعل ..شي محبط