يوميات فتاة السرطان

chapter24♤

اميره:الزواج لاحكه عليه
امي:لج شلاحكه ..كوليلي انتي مقتنعه بهالحجي لو تقشمريني ..لج بابا عمرج حيصير 25 والعرسان وكفوا ماكو بعد ..شعبالج شهادتج تفيدج؟! هه ضلي ضلي ادرسي وادرسي وخلي العمر يعّدي وفوتي بالتلاثين حتی اخرتهه تتزوجين واحد لو عمره 60 سنه ورجلينه بالكبر..لو زعطوط طمعان بفلوسج..
اميره:امييي رجاءا..الحياة مو هيج !
ليش ما ادرس والتقي بواحد مثقف واحبه ويتزوجني
امي:هههههه تدرسين وبعدين تلكينه وبعدين تحبينه وبعدين يتزوجج ..حلو خوش خطه! شكد بالله تاخذ خطتج..يومين! تلاثه! شهر! ماتحجين-رفعت صوتهه حيل-
اميره:امي نقاشنه هذا دوووم هيج عقيم ورح يبقی عقيم..مجنتي هيج ..شبدلج؟!بربج يعني بس تردين تخلصين مني ومو مهم الطريقه، اني حالفه ما اتناقش وياج بالرغم دوم كلامي هو الي يطلع صح..تتذكرين شسويتي بيه علمود اسعد وخليتيني انذل وبعدين طلع ميحبني اساسا...لا ليش اسعد ، هذا سلام ...شكد لحيتي وبالاخير طلعت سخافته ..فياريت تضلين بره الموضوع امي .
امي:ماشي اميره نشوف منو حيفرض رأيه بالاخير
تخرج والدة اميره وتدعها غارقه بالافكار السوداء..هل من المعقول ان ينتهي الحال بلا منزل او اطفال ..بلا عائله ، وحيده..هي لاتقوی علی الوحده ..صديقاتها ، والديها واخيها لن يبقی احد منهم ..لن تبقی محاطه بهم مدی العمر ..لكل منهم حياته الخاصه! لكنها علمت وايقنت انها لن تتخلی ابد عن حلمها..في ان تصبح مصممه معماريه مشهوره..او ناجحه علی الاقل .
بعد ساعتين..اميره تحبس نفسها في الغرفه .
تتصل بالفتيات عبر "skype"وتطرح مشكلتها علی الجميع.
هدی:اميره حلمج اهم شي..هسه احنه محنتعّين ..ورح نلتزم ..الباشا من هسه يتأمر عليه! احس نفسي اتورطت.
رفل:لا هدی شنو اتورطتي..هذي سنة الحياة اميره ..اليوم او باجر رح تتزوجين، لازم تتزوجين ..اني ما اكول اتزوجي بسرعه ..بس لتنسين نفسج والدراسه تاخذج من شبابج .
ورده:اني اكول انو عوفي قصة المنحه ..محتفيدج ..يعني العراق يصدر عباقره ويرحون يشتغلون بدول الخارج ..ظلم!
اميره:لعد شنو اسوي
ورده:قدمي دراسات عليا للخارج..هناك يقدروج كطالبه ..مو كعامله .
اميره:اني من زمان مفكره بالدراسات ..بس ردت هنا ادرس
سما:هنا معناهه تضيعين نفسج..اساسا الشهاده هنا ما الهه طعم ..اني أأيد فكرة ورد ..
اميره:بكول الاحوال اهلي معارضين فكرة السفر
سما:اذا ع السفر اني اجي وياج ..شو حديقه وراسي فاضي
اميره:اوكي افاتح ابويه بالموضوع
حمودي:امور ابويه يريدج جوه-يصيح من وره الباب-
اميره:يلا جايه احمد
نزلت ولكيت الاهل مجتمعين والظاهر اعرف سبب الاجتماع
اميره:مساء الخير
الوالد:مساء النور باباتي الشطوره تعالي يمي -يطبطب ع القنفه -
امي:هلا-شكلهه مطايقتني -
رحت بست راس الماما وبعدين راسه لبابا ..وكعدت بصف ابويه مثل ما طلب .
وره شويه اجه احمد وكعد بصف امي .
ابويه:اليوم التلفزيون مبي شي
احمد:اي ابويه تره التلفزيون من زمان مبي شي
ابويه:لعد كوم طفي ابو سعيد ..خلي ندردش شويه
......
اميره:صدوك بابا احمد ديكول انته طالبني
خوب ماكو شي؟
ابويه:صح مو طالبج..بس امج كالت عندج خطط دراسيه ؟!
اميره:اي بابا صحيح ..
ابويه:ليش ناويه تقبلين بعقد الدوله؟
اميره:نوعا ما ...ولو مو هذا طموحي بس شنو اسوي..هاي فرصه حلوه
ابويه:وشنو طموحج؟
اميره:اكمل ماستر ودكتوراه هنا او بالخارج مو فرق ..اريد اصير مصممه احترافيه ..اصمم عمارات وابراج وفنادق وسيارات هيج اشياء بابا .
ابويه:حلو ..طموح حلو ، بس بابا مو شايفه هالشي حياخذ وقت وجهد؟
اميره:اكيد بابا ..بس انته الي علمتنه انو نتمسك بطموحاتنه واحلامنه..والا اني مجنت احلم بمعدل يدخلني كلية تربيه..بس انته خليتني ادرس تتذكر بالسادس؟ ولو ضاغط عليه اكثر جان صرت طبيبه.
ابويه:بابا ..كلامج علی عيني وراسي..بس لو هالكلام بادر من احمد جان كُلتله اطلع سبع حصوات وراك..علی شنو اخاف اصلا! بس انتي بنيه ..البنيه تحتاج تستقر ، تكون عائله، تربي جيل ..لتفكرين بانانيه يا عيني ..
كوليلي شنو خطتج ..خلينه نركز
اميره:اني اكولك..اني قررت اخذ ماستر بدوله اجنبيه..مياخذ وقت كولهه سنه ونص سنتين وتلكوني يمكم..بعدهه افكر اما اكمل دكتوراه هنا او ابقی بالخارج ومنه اخذ جنسيه! احاول اخذ جنسيه حتی لو اسوي لجوء سياسي ..انته مو ضابط ؟ مو حاربوك قبل ..مو اتعرضت للاضطهاد..اكيد حيقبلوني كلاجئه سياسيه باعتباري بنتك..اللجوء يحتاج ست سنوات حتی احصل الجنسيه ..وبهالوقت اكون كملت دراستي ..-تقاطعي امي..بعد كول هالوقت من صمتها. .اني مستغربه شلون ساكته لهسه-
امي:حلووووووو ترجعيلي وعمرج صاير 30 ..كووولش حلو ..صاحباتج عدهن كومة جهال وانتي ترجعيلي صايره دكتوره وشنو يعني ؟ وبعدين؟ اميره انتي مصختيهه والصوج ابوج..دللج زياده عن اللزوم -تعوف المكان وتطلع..تسوي فضل لانو اني من صدوك اريد احجي بجديه وي ابويه ..ادري بي رح يوكف بصفي-:بابا حرام عليهه تحطمني هيج..هذا حلمي..اني جنت مهمله وما ادرس ..وادور عرسان وشنو استافديت..ادمنت ع الابراج وصرت ما اطلع قبل لا اقراهه .. words 7ooبدت حرب الام وبنتهه