يوميات فتاة السرطان

chapter9♤

اميره:يعني ماكو حياة
اسعد:لا مو شرط تره الحياة اكثر من نت ومكياج ولبس وطلعه ..بيهه اشياء ثانيه
اميره:اسعد اني اعرف انو الحياة بيهه اشياء اكثر من هيج بس هالاشياء هي ضايفه للحياة طعم ..انت تتدخل بكول اموري الصغيره والجبيره ، تزعج صديقاتي، تحاسبني وتحاسبهم ليش تكره نفسك-شده عالراء-
اسعد:مجتمع يحتاج اصلاح
اميره:ومنو كلك الاصلاح يعني التمنطق والانتقاد بعدين الي دتسوي اوفر ودينزل مكانتك بين الناس صدكني رح يجي يوم تفهم انو التعصب يزيد الطين بله ..فياريت تفكر بهالامور قبل لتبقی وحدك وتلكه نفسك بلا اصدقاء .
اسعد:اشكرج ع النصيحه هسه شرايده
اميره:كولي أ حبج -اعرف استهترت بس مو اقصد شي منحرف تره اريد بس اتأكد وانطي فرصه قبل لا آخذ قراري-
اسعد:شنو المناسبه-شبيهه هاي تخبلت شنو لعد يومين تكولي بوسن ...استغفر الله-
اميره:-كبر لف امك يا بارد-ماكو مناسبه لازم اكو مناسبه حتی اسمعهه تره انته كايلياهه بس مره وبشكل غير مباشر
اسعد:اريد انام مع السلامه
اميره:اسعد لحظه...
اني ..ما اصلحلك -عبالكم اكوله احبك هه لا بعد ماكو حب.. اني اتسرعت -
اسعد:ليش يهوديه انتي حتی متصلحيلي؟
اميره:لاء احنه منرهم لبعض ..اني ما احبك اكتشفت هالشي قبل فتره -علی فكره تره هو ميدري اتابع الابراج جان هسه موتني-
اسعد:وشلون اكتشفتي يامكتشفه ..لانو شرطت عليج الجبه ؟
اميره:يمكن ..او يمكن لانو ما حسستني مره انو انته حبيبي ..ولا مره كلبي دك بجنون بس من جنه بالقاعه سويه ! اتصور يعني من يوم ما صرنه نتقابل بالكليه -الكورس الثاني يعني-وآني تعاملي وياك بارد لانو انته كلبك ثلج
اسعد -سككككته-
-اميره نزلت عليه-
صارلنه فتره قصيره سوه وهيج باردين لعد بعد 20 سنه شيصير؟ صدكني اللبس مو مهم عندي بكد ما التفاهم مهم ..اني اسفه
اسعد:هه علی شنو تعتذرين ؟ اساسا اني جنت حاس بيج منعزله عني ! بس سؤال انتي متأكده من قرارج هذا!؟
اميره:اي ميه بالميه
اسعد:لعد الله يوفقج اختي وتلكين الاحسن الي يكدر يسعدج
اميره:-هه اختي ! امرؤ القيس-اشكرك تسلم
اسعد:مع السلامه
اميره:الله وياك
ودمعه نزلت وهي دتودعه بالرغم من انو هم سوه بالكليه..
الساعه الان 1:00 مساءا
اميره هدأت قليلا بعد ان اتصلت بمها ودار حديث بينهما حول الموضوع ..هي لم تحبه مطلقا لكنه حاولت مسيارته ومسايرة والدتها لتثبت ان الابراج ليس لها دخل في خيارها ..لكن فشلت بالفعل
يلا مها يلا داسمع صوت يمكن اهلي اجوي ..باي
اسمع صوت هلاهل ...
احمد:كللوووووش -ميهلهل بس يكول كلللوش-
اميره:شبيك شبيك خير
احمد:وصلوا الكناري
اميره:كبر
احمد:شبي وجج مورم
اميره:اسعد عافني مدري عفته ما اعرف
احمد: كللللووووش كللللللووووووش
اميره:لك اسكوت شهرتنه الساعه وحده بالليل
دخلوا الاهل وحمودي يصيح الف الصلاه والسلام عليك ياحبيب الله محمد..شكلهم كولش متونسين واني فرحانتلهم ..ضروري المتزوجين ياخذون ريست بين فتره والخ علمود يحيون حبهم اكثر..
بابا :كافي يول شهرتنه شكد عيب
احمد:سعودي شبيك...؟؟!! خل نتونس مثلكم -ويغمرز-
ابويه:امور حبيبي شبيج
امي:صدوك شو سكته
احمد:طلكهه خطيبهه
-هو لا خطيبي ولا طلكني -
اميره:حمت حمديه
ضحكوا
المفاجأه انو ماما جانت بارده وفرحانه وردة فعلها ما اتصورتهه هيج ابدا..
ايناس:مبروك حبيبتي ..خل يولي شكد غثه مينطاق كبر
ابويه:والله اني بصراحه محبيته بوقتهه -من اجه للمركز-
احمد:اني من اسمه كرهته..-لعد لو تدري اعترض علی صورتنه بالانستا شتكول يا احمد-
اميره:يعني برأيكم زين هيج ابتعدنه-اهلي بنظرهم انو هو عافني وديواسوني-
كولهم سوه:اي اي عين الصواب ..هو خسران
صعدت غرفتي ونمت ..
باليوم الثاني
الساعه الان 8:14صباحا
لاكاني وما سلم بالرغم هو الي جاي واني واكفه -لبسني -
اتجاهلته ..-خليت عطور اليوم واتمكيجت بس شي خفيييف حتی العطر مو قوي ! يمكن لانو اثر عليه شوي ..-
اليوم موعدي وي مها ..ساعه9 ومنتظرتهه داراجع شوي عندي كوز صعب..ماكو مشكله
طبعا قبل لا اطلع شفت توقعات الابراج لليوم..الابراج زينه اذا نفسيتي مرتاحه، اجتي مها ورا نص ساعه
مها:مورننك براوني
اميره:مورننك كب كيك
-دتباوع علی بنيه -
منو هاي حبيبي؟
مها:لا ولاشي منو هي
اميره:الي دتباوعيلهه
مها:هيج
اميره:احجي اني ما اضم عليج شي ..لتضمين -طبعا الصديقات ميجرن عدل الا بالتهديد -تره ما احجيلج شيصير ويايه بعد ..
مها:سمعتهه تحجي واني دامشي وهي تمشي بصفي وي صديقتها
اميره:عن منو
مها ساكته
اميره:عني؟! شتكول
مها:عوفيهن ما بقن غير السحك يحجن بالشرف
كمت ورحت للحمام بسرعه
.
بجي
.
بجي
.
بجي
.
اجتي مها ..ادري بيج دتبجين بس ما ادري بيج ضعيفه
طلعت الهه عدلت مكياجي بعد ما غسلت وجهي ..
مها:اميره تره ميسون هنه دوووووم يحجن مو جديده يعني
اميره:بجيت لانو مختنكه وبس ..تدرين بيه اني ما اهتم لهالاشكال
مها:عفيه ببنيتي
طلعت ..حضرت محاضراتي الممله..بعد شهر للفانيل بسسس
الحمد لله مسيطره ع المواد مع كل الي صار وياي مكدر يأثر بهمتي الدراسيه
700words