يوميات فتاة السرطان

chapter10♤

مر الشهر واني احاول انسی الي صار ويايه..ساعدتني مها وورد ضلينه ندرس سويه ، علی فكره مها من يوم يومهه سنكل وتكره العلاقات ابدا مداخله بعلاقه قبل بس الفرق بيناتنه انو اني يتقدمولي وارفض بعد ما اتقابل وياهم وهي ترفض دايركت حتی بلا متشوفهم ..بينما ورد ولااا يوم تبقی بلا حبيب اخر مره استقرت ويه عمار صارلهم سنه خوش ولد وواعدهه يخطبهه بس تتخرج .المهم راجعنه المواد سويه ببيته ومرات ببيت مها منروح لبيت ورده لانو الخاتون تحب تطلع من البيت حتی تخابر روميو براحتهه 40% من يومهه دراسه و60% تسولف ويه عمار بالمناسبه الفاينل بقاله يوم واحد بس.
البطاقه الشخصيه'
الاسم:عمار كريم
تاريخ الميلاد:1993.5.16
الوظيفه:طالب كلية طب مرحله اخيره
الهوايه:تنس.سله.كرة قدم -عملاق -
الساعه الان 1:00ظهرا
اميره : ظهيرة جهنم
مها : ظهر الحر
اميره :شنو ورده اجتي ؟
ورد:يسسسسس
بعد نص ساعه بلشنه ندرس وكالعاده ورده تخابر
مرت تلث ساعات
اميره:خايفه
مها:اخذي اشربي العصير هذا وهسه تترتب اوضاعج
ورد:واني ..تره اني ميته خوف والله متشوفن محجيت وي عمار بس نص ساعه
مها:كومي اخذي من الثلاجه
خلصنه الماده بس يجماعه احس مدارسه شي
اميره:واني هم والله داموت خوف
ورده:اممممم -وهي دتشرب-
اميره:يلا خابرت حمودي رح يجي ياخذني
ورده:اني خابرت عمورتي
مها:لج متخافين احد يشوفج! وياه لاحول ولا قوة الا بالله
ورد:حبي خليج بنفسج لتخافين عليه
بعدين اني اذ......
اميره تقاطعهم:اخخخخ يومه الحكيلي
ورد ومها :عزه شبيج
اميره:ما اتحمل اصواتجن مزعجات
مها:كبر
لا اسم الله عليج
ورد:اي كبر ليش اسم الله تستاهل عبالي شكو
-بهألاثناء رن الفون مالت مها ..وكالعاده نركص ع الرنه -
مها:احم اميره حبيبي ماكو داعي اوصلج البيت بيتج
اميره:اكيد
ورده:شبيهه
اميره:متشوفين عدهه مكالمه لازم تجاوبهه
ورده:لاء مو هيج القصه..مها متغيره ! كايلتلج شي ؟
اميره:لا والله ما عدهه شي واذا عدهه معقوله تضم عني!
ورده:بس اني متاأكده عدهه شي ..شوفي
البارحه خلصت اتصالي ويه عمار بالحديقه واجيت دا أفوت الحمام ..سمعت اكو احد ردت ادك الباب بس قاطعني صوتهه ، سمعتهه دتكول (فدوه كافي تره تعبت ..خلص خلص بس خل تخلص امتحاناتي ..) وكلام ممفهوم لانو خفت ودخلت للبيت بسرعه .
اميره:شوكت هالحجي
ورده:تقريب بالخمسه العصر لانو اني هيج وقت قفلت الخط ويه حبيبي
بالبدايه عبالي وياهه احد بالحمام ..بس من كالت خلص خلص اتأكدت دتخابر لانو بس صوتهه بالحمام .
اميره:انتي شتكولين
ورده:اني اكول واكعه بمصيبه
اميره:مثل شنو
ورده:الله اعلم زواج عرفي او واحد لازكلهه الله اعلم
اميره:بس هي متظم ....... -قاطعهه حمودي واكف بالباب -
ورده:شلون دخلت
احمد:هلا بالعشق
ورده:احمد ما الي خلكك بعدين اني محجوزه -تتكبر-
احمد:لا بربج يامحظوظ هذا
ورده:اي والله محظوظ داعيتله بيبيته
احمد:خاف داعيه عليه خالته
كبر امداج كبلتي وي نص العراقيين بس اني ..عوبه
ورده:اسكت زعطوط خلص السادس وصير طبيب وافكر
احمد:هه خوب اصير طبيب واتزوج بتج بيبي
ورده:اني مووو جبيره -بصياح -
اميره:اهوووووو كافي شكد تتعاركون
انته شلون دخلت
احمد:الباب مفتوح
بعدين لتلوميني لانو اتعارك وي ام كفشه ..هي تعيل بيه
ورده:احمد رح يجيك شي ميعجبك
اميره:لا داده لا احذية اهل مها يردوهن ..يلا حمديه كدامي
احمد:خرب مو خلصت المده-علی فكره بهذلته بالشهر الي فات طلعت القضی والمضی لانو احنه بيناتنه عقد ..شبعت ونسه يوصلني ياخذني مطاعم يروح ويايه للسوك خبثت علی صاحباته كومه /ورح افتقد هالشهر -
اميره:نسيت لساني أخذ علی هالحجايه
الساعه الان 1:00بعد منتصف الليل
اميره:لج خايفه ورد خايفه
ورده:اني همينه ..اتصوري حتی عمار خايف عليه
شعجب اتصلتي هالوقت؟!
اميره:ما ادري اتصلت بمها ..ومشغول من الخوف احتاجيت احجي وي اي احد فاتصلت بيج -قصف عشوائي متعتمد-
ورد:اممممم -كبر لفج -
في اليوم التالي ..هاقد بدأت الامتحانات النهائيه ، تخوضها اميره هذه المره من دون اسعد ..وقد خابت آمالها عندما اكتشفت انه لن يجلس بقربها كالمره السابقه وجدت نفسها تجلس بجانب فتاتين من المرحله الاولی مما خيب ظنها اكثر ..لم تشتق لأسعد بل افتقدت ايامه معها عندما مرا بالامتحانات معا وكيف كان يحاول تهدأتها ..عموما لقد كبرت اميره كثيرا خلال هذه الاشهر القليله وتقلص خوفها كثيرا..
بعد مرور شهر تقريبا
اميره:واو ممصدكه اخر يوم امتحانات
ورد:اي والله انسحلنه اني كولش ضعفت مملاحظين
اميره:لج انتي سمنانه مو ضعفانه
ورده:مهاوي ساكته
اميره:اكولج صدوك شو كولش سكته
مها:تعبانه اريد اروح انام
اميره:براحتج
ورده:الله وياج
مها:مع السلامه
ورد:مها بيهه شي اراهن انو واكعه بمصيبه
اميره:بعدج خاله سالفة الاتصال ببالج
ورد:اي والف اي ..كولتلج سمعتهه تحجي وي ولد
اميره:شمدريج ولد غريب ..احتمال واحد اقاربهه ..محضره مفاجأه لأحد ..احد يطلبهه فلوس ..
ورد:وداعتج البنيه واكعه
اميره:شلون يعني
ورد:تحب يعني صرتي متفهمين شنو واكعه -رفعتلي حاجبهه الشيطاني-
اميره:مس تحيل ..لانو مها متضم عليه شي
خلص الكلام
الساعه الان 5:00 مساءا
اميره:مساء الهلاك
الوالد:مساء ال الله يساعدج
700words