>> Unicode <<
~~~~~~~~~~~~
" ဧဿန်မြူခိုးရိပ် ! "
" ဗျာ !! "
" ဗျာကိုနောက်ထား လူအရင်လာခဲ့ "
ဖတ်လက်စ ကာတွန်းစာအုပ်လေးကိုချကာ ပါးပါးရှိရာဆီကို ဧဿန်တစ်ယောက် တန်းနေအောင်ပြေးရ၏။ နာမည်အပြည့်စုံကြီးခေါ်ပြီဆို အခြေနေကသိပ်မကောင်းတာကို သူသိလေသည်။
" ဗျာ ပါးပါး.. "
" ဒီအရုပ်တွေကိုကြည့်၊ အဲ့ဒါဘယ်သူဆော့တာလဲ ဟမ် "
" အဟီးဟီး... ပါးပါးကလည်း... သားသားက.. စာဖတ်နေတာကို "
မျက်နှာချိုသွေးလို့ နှုတ်ကသာဆင်ခြေပေးနေပေမဲ့ လက်တွေကတော့ ပွစာကြဲနေတဲ့အရုပ်တွေကို ကောက်သိမ်းပြီးသား။ မသိမ်းလို့လည်းမရ။ ပါးပါးရဲ့လက်ထဲကိုင်ထားတဲ့ Call end မဖြစ်သေးတဲ့ဖုန်းရဲ့ တစ်ဖက်မှာက ဒယ်ဒီလေ..။
" ဒယ်ဒီနဲ့ပြောနေတာမဟုတ်လား ပါးပါး "
" ဟုတ်တယ် "
" သားသားရော !! သားသားရောပြောမယ် "
ဘေးနားက ခုန်ဆွဆွလိုက်နေတဲ့ သူ့ရဲ့လက်ထဲ ပါးပါးက ဖုန်းထည့်ပေး၏။
" ဒယ်ဒီ!! ဂွတ်မောနင်း... "
" မောနင်းသားလေး၊ မနက်စာစားပြီးပြီလား "
" စားပြီးပြီ ဒယ်ဒီ.. မနက်စာစားပြီးတော့မှ သားသားက ခဏလေးဆော့ပြီး စာအုပ်ဖတ်နေတာလေ၊ ပါးပါးက အတင်းခေါ်ပြီး အရုပ်တွေသိမ်းခိုင်းတာ.. သားသားစာဖတ်နေတာကို "
ပြောလည်းပြောရင်း ဘေးက ပါးပါးကိုမော့ကြည့်ရသေး။ ခါးထောက်ပြီး မျက်မှောင်ကြုတ်နေ၍ ဧဿန်မြူခိုးရိပ်တို့ ထပ်ပြီးမျက်နှာချိုသွေးရတာ ဟီးခနဲ။ တစ်ဖက်က ဒယ်ဒီကလည်း ရယ်သာရယ်နေပြီး ထုံးစံအတိုင်း သူ့ဘက်ကမပါခဲ့..။
" ပါးပါးကမခေါ်ခင် ကိုယ်ဆော့ထားတာ ကိုယ်သိမ်းပေါ့ ငါ့သားကလည်း "
" သားသားအခုသိမ်းပြီးပါပြီ၊ ဒယ်ဒီပြန်မလာသေးဘူးလား.. သားသားကလွမ်းနေပြီ "
![𝐁𝐞 𝐌𝐲 𝐀𝐮𝐠𝐮𝐬𝐭 [ 𝐂𝐨𝐦𝐩𝐥𝐞𝐭𝐞𝐝 ]](https://img.wattpad.com/cover/365341925-64-k769884.jpg)