𝐁𝐞 𝐘𝐨𝐮𝐫 𝐎𝐰𝐧 𝐌𝐮𝐬𝐞( 𝐊𝐨 𝐊𝐨'𝐬 𝐋𝐢𝐭𝐭𝐥𝐞 𝐏𝐚𝐫𝐤ᴶⁱᵐⁱⁿ)

Part -29

𝐁𝐞 𝐘𝐨𝐮𝐫 𝐎𝐰𝐧 𝐌𝐮𝐬𝐞( 𝐊𝐨 𝐊𝐨'𝐬 𝐋𝐢𝐭𝐭𝐥𝐞 𝐏𝐚𝐫𝐤ᴶⁱᵐⁱⁿ)
﹌﹌﹌﹌﹌﹌﹌﹌﹌﹌﹌﹌﹌﹌﹌﹌﹌﹌﹌﹌﹌

ညသန်းခေါင်ယံအချိန်... ကမ္ဘာတစ်ဝှမ်းလုံးက ပရိသတ်တွေ အိပ်မောကျနေချိန် သို့မဟုတ် အလုပ်ရှုပ်နေချိန်တွင် တစ်ကမ္ဘာလုံးကို လှုပ်ခတ်သွားစေမည့် Notification တစ်ခု တက်လာခဲ့သည်။ ၎င်းမှာ တခြားမဟုတ်၊ အေးစက်တည်ငြိမ်ပြီး လျှို့ဝှက်ချက်များလှသည့် Agust D ၏ တရားဝင် လူမှုကွန်ရက်စာမျက်နှာမှ ဖြစ်သည်။

သူတင်လိုက်သည်က ဓာတ်ပုံတစ်ပုံတည်း။ သို့သော် ထိုဓာတ်ပုံသည် စကားလုံးပေါင်း ထောင်ချီထက် ပို၍ လေးနက်နေ၏။ စတူဒီယို၏ မှိန်ပျပျမီးရောင်အောက်တွင် ယွန်းဂီ၏ ဖြူလွှလွှ လက်ချောင်းများက နူးညံ့ပြီး သွယ်လျသော လက်ချောင်းလေးတစ်စုံကို တင်းတင်းကြပ်ကြပ် ဆုပ်ကိုင်ထားသည်။ ထိုလက်နှစ်ဖက်စလုံး၏ လက်သူကြွယ်တွင် ရိုးရှင်းသော်လည်း တောက်ပနေသော Couple လက်စွပ်လေးများက နေရာယူထားသည်။
စာသားလေးကတော့ တိုတိုနှင့် လိုရင်းပင်...

"Finally, the melody I've been searching for. My Solace, My Destiny. 🎼"
(နောက်ဆုံးတော့... ငါရှာဖွေနေခဲ့တဲ့ သံစဉ်လေးကို တွေ့ပြီ။ ငါ့ရဲ့ စိတ်အေးချမ်းရာလေး၊ ငါ့ရဲ့ ကံကြမ္မာလေး။)

"အားးးး! ကိုကို! ကြည့်ပါဦး! ယွန်းဂီရှီးက 'My Solace' တဲ့! ထယ်ယောင်းလေးက သူ့အတွက် စိတ်အေးချမ်းရာလေးတဲ့လား... အသည်းယားလိုက်တာ"

ဂျီမင်းက ကုတင်ပေါ်မှာ ဖုန်းကိုင်ရင်း ကိုကို့ကို လှမ်းအော်ပြောတော့သည်။ ဂျောင်ဂုကပတ်ခ်ကလေးရဲ့ ခေါင်းလေးကို ပွတ်သပ်ပေးရင်း ပြုံးလိုက်ကာ...

"ယွန်းဂီက ဂီတသမားဆိုတော့ သူ့အတွက် စိတ်အေးချမ်းမှုပေးတဲ့သူက အဖိုးတန်ဆုံးပဲလေ။ ပတ်ခ်ကလေးကလည်း ကိုကို့အတွက် 'My Only One' ပဲမဟုတ်လား"

"အွန်း ဟုတ်တယ်"

ဂျီမင်းတစ်ယောက် ကိုကိုရဲ့ ရင်ခွင်ထဲမှာ ခိုဝင်ပြီး Agust D ရဲ့ Post အောက်က Comment တွေကို ဖတ်ကာ ပြုံးစိစိ ဖြစ်နေတုန်း သူ့ဖုန်းလေးက တုန်ခါလာသည်။ ကြည့်လိုက်တော့ "Tae Tae 🐯" ဆိုတဲ့ နာမည်လေး။

"ဟော... ကိုကို ကြည့်ဦး။ ထယ်ဖုန်းဆက်လာပြီ"

ဂျီမင်းက ကိုကို့ကို မျက်စိတစ်ချက် မှိတ်ပြလိုက်ပြီး ဖုန်းကို Speaker ဖွင့်ကာ ကိုင်လိုက်သည်။