𝐁𝐞 𝐘𝐨𝐮𝐫 𝐎𝐰𝐧 𝐌𝐮𝐬𝐞( 𝐊𝐨 𝐊𝐨'𝐬 𝐋𝐢𝐭𝐭𝐥𝐞 𝐏𝐚𝐫𝐤ᴶⁱᵐⁱⁿ)

Part -28

𝐁𝐞 𝐘𝐨𝐮𝐫 𝐎𝐰𝐧 𝐌𝐮𝐬𝐞( 𝐊𝐨 𝐊𝐨'𝐬 𝐋𝐢𝐭𝐭𝐥𝐞 𝐏𝐚𝐫𝐤ᴶⁱᵐⁱⁿ)
﹌﹌﹌﹌﹌﹌﹌﹌﹌﹌﹌﹌﹌﹌﹌﹌﹌﹌﹌﹌﹌Jeon Group ရဲ့ရိုက်ကူးရေးစတူဒီယိုတစ်ခုလုံး ရှုပ်ယှက်ခတ်နေသော်လည်း မီးရောင်အောက်က လူနှစ်ယောက်ဆီမှာတော့ အားလုံးရဲ့ အကြည့်တွေက စုပြုံရောက်ရှိနေသည်။ ဂျီမင်းက Jeon Group ရဲ့ အသစ်ထွက်ရှိမယ့် Luxury ဝတ်စုံကို ဝတ်ဆင်ထားပြီး ဘေးနားက Agust D ကလည်း ခန့်ညားထည်ဝါလှသော Alpha တစ်ယောက်ရဲ့ အရှိန်အဝါနဲ့အတူ ပခုံးချင်းယှဉ်ကာ ပိုစတာအတွက် ပို့စ်အမျိုးမျိုး ပေးနေကြသည်။

"အိုကေ... အဲ့ဒီအတိုင်းလေး ခဏလေးနော်! အရမ်းမိုက်တယ်!"

ဓာတ်ပုံဆရာရဲ့ ချီးကျူးသံတွေကြားမှာ ဂျီမင်းက ကျွမ်းကျင်တဲ့ မော်ဒယ်လ်တစ်ယောက်လိုပင်။ ထိုအချိန်မှာပင် စတူဒီယိုထဲသို့ ထယ်ယောင်း ရောက်လာခဲ့သည်။ ထယ်ယောင်းက ရိုက်ကွင်းကို အနှောင့်အယှက် မဖြစ်စေရန် ဂျီမင်းရဲ့ နားနေခန်းနားက ခုံလေးမှာ အေးအေးလူလူ ထိုင်စောင့်နေမိသည်။

ခဏအကြာတွင် ရိုက်ကူးရေး ခေတ္တနားလိုက်သဖြင့် ဂျီမင်းနဲ့ ယွန်းဂီတို့ ထယ်ယောင်းရှိရာဆီသို့ လျှောက်လာကြသည်။ ထယ်ယောင်းက သူ့ရှေ့တည့်တည့်ကို ရောက်လာတဲ့ သူ့ Idol ကြီးကြောင့် ချက်ချင်းပင် မတ်တပ်ထရပ်ကာ လက်ကလေးတွေကို ပွတ်သပ်ရင်း ရှိန်နေမိ၏။

"ရောက်နေပြီလား ထယ်ယောင်း... ငါတို့ ရိုက်တာ မိုက်တယ်မလား"

ဂျီမင်းကထယ့်ကိုမေးပြီး ဘေးက မင်ယွန်းဂီ (ခေါ်) Agust D ဆီကြည့်လိုက်တော့ မင်ယွန်းဂီရဲ့ အကြည့်တွေက ဂျီမင်းဆီမှာ မရှိဘဲ ဘေးနားက ထယ်ယောင်းဆီမှာသာ အမြဲတမ်း ရပ်တန့်နေသည်ကို ဂျီမင်းစတင်သတိထားမိလိုက်သည်။ ဂျီမင်းကို ကြည့်တဲ့အခါ အလုပ်သဘောအရ ရင်းနှီးတဲ့ အကြည့်မျိုး ဖြစ်သော်လည်း၊ ထယ်ယောင်းကို ကြည့်တဲ့ ယွန်းဂီရဲ့ မျက်ဝန်းတွေကတော့ ပိုပြီး နူးညံ့ကာ တစ်စုံတစ်ခုကို မြတ်နိုးနေသယောင် အဓိပ္ပာယ်တွေ ပါဝင်နေ၏။
ဒါက ကိုကိုဂျီမင်းကိုကြည့်တဲ့အကြည့်နဲ့ဆင်တူနေတယ်။

*အာ... မဟုတ်မှ Agust D က ငါ့သူငယ်ချင်းလေးကို သဘောကျနေတာများလား*