𝐁𝐞 𝐘𝐨𝐮𝐫 𝐎𝐰𝐧 𝐌𝐮𝐬𝐞( 𝐊𝐨 𝐊𝐨'𝐬 𝐋𝐢𝐭𝐭𝐥𝐞 𝐏𝐚𝐫𝐤ᴶⁱᵐⁱⁿ)

Part-18

𝐁𝐞 𝐘𝐨𝐮𝐫 𝐎𝐰𝐧 𝐌𝐮𝐬𝐞( 𝐊𝐨 𝐊𝐨'𝐬 𝐋𝐢𝐭𝐭𝐥𝐞 𝐏𝐚𝐫𝐤ᴶⁱᵐⁱⁿ)
﹌﹌﹌﹌﹌﹌﹌﹌﹌﹌﹌﹌﹌﹌﹌﹌﹌﹌
ဒီမနက်ဂျီမင်းအိပ်ရာနိုးထဲကအိမ်တော်ကMickey mouseအရုပ်လေးက ဂျီမင်းရဲ့ဆေးရုံကုတင်ထက်၌ရောက်ရှိနေခဲ့သည်။ဒီအရုပ်လေးကအိမ်မှာညတိုင်းဖက်အိပ်နေကြအရုပ်လေးဖြစ်ပြီး ဂျီမင်းအကြိုက်ဆုံးထဲကတစ်ခုဆိုလဲမမှားပါ။မဟုတ်မှ ကိုကိုများဂျီမင်းအတွက်ဒီအရုပ်လေးကိုလာထားပေးသွားတာများလား။
ထိုအတွေးကိုတွေးမိရုံဖြင့် ဂျီမင်း၏မျက်နှာလေးဟာ ချက်ချင်းရွှင်ပျသွားသည်။

"ဒီအရုပ်လေးကို ဘယ်သူယူလာပေးတာလဲဟင်မေမေ မဟုတ်မှကိုကိုလား"

သိချင်နေသောအဖြေကိုချက်ချင်းသိရဖို့အတွက်ဂျီမင်းစားဖို့ပန်းသီးကိုအခွံခွာပေးနေသောဘေး
နားကမေမေ့ကိုမဝံ့မရဲလေးလှမ်းမေးလိုက်သည်။ဂျီမင်းမေးခွန်းအား မေမေကချက်ချင်းအဖြေမပေးဘဲတစ်ခုခုအားစဉ်းစားသလိုလုပ်ကာအတန်ကြာမှ...

"အော် အဲ့အရုပ်လေးလား။အဲ့တာမေမေယူလာပေးတာလေ။မင်လေးအကြိုက်ဆုံးအရုပ်လေး
ဟုတ်တယ်မလား"

မေမေ့စကားဟာလိုချင်သောအဖြေမဟုတ်၍ ဂျီမင်းရဲ့မျက်နှာလေးဟာချက်ချင်းပျက်ကျသွားတော့သည်။ဘာလို့လဲ။ဘာလို့ညာနေရတာလဲ။
ဒီအရုပ်ကို ကိုကိုယူလာပေးတယ်ဆိုတာဂျီမင်းစိတ်ကအလိုလိုခံစားသိနေတယ်။အဲ့တာကိုမေမေကဂျီမင်းကိုဘာလို့ညာနေရတာလဲ။ကိုကိုယူလာပေးတယ်လို့ပြောလိုက်ရင်ဘာဖြစ်သွားမှာမို့လို့လဲ။စိတ်ထဲက အလိုမကျမှုတွေကြောင့် ဂျီမင်းမျက်နှာလေးဟာ မဲ့သထက်မဲ့လာပြီး...

"ဂျီမင်းအကြိုက်ဆုံးဆိုတာမေမေဘယ်လိုသိတာလဲ။ဒီအရုပ်လေးကိုဂျီမင်းကြိုက်တာ ကိုကိုတစ်ယောက်ထဲပဲသိတာ။မေမေဂျီမင်းကိုညာတယ်"

"......."

"အဟင့်! ဂျီမင်းကိုအကုန်လုံးကဝိုင်းညာနေကြတယ်။ကိုကိုကလည်း ဂျီမင်းကိုအခုထိလာမတွေ့ဘူး။မျက်နှာချင်းလဲမဆိုင်ဘူး။ကိုကိုကဂျီမင်းကိုမချစ်တော့ဘူး"

ဂျီမင်းရဲ့မျက်နှာလေးဟာ ဝမ်းနည်းမှုတွေပြည့်နှက်နေရင်းနဲ့ပင်သူ၏မေ‌မေ့ကိုပြန်မေးခွန်းထုတ်လိုက်ပြီး မျက်နှာလေးကိုခေါင်းအုံးကြားထဲတိုးဝင်ကာစတင်ရှိုက်ငိုလေတော့သည်။
အသံဗြဲလေးဖြင့်အဆက်မပြတ်အော်ငို
နေသောမင်လေးကြောင့် ပန်းသီးခွာနေလက်စအားလက်ထဲကာချ၍သားဖြစ်သူအားအမြန်ဖျောင်းဖျဖို့သူမကြိုးစားရတော့သည်။