𝐁𝐞 𝐘𝐨𝐮𝐫 𝐎𝐰𝐧 𝐌𝐮𝐬𝐞( 𝐊𝐨 𝐊𝐨'𝐬 𝐋𝐢𝐭𝐭𝐥𝐞 𝐏𝐚𝐫𝐤ᴶⁱᵐⁱⁿ)

Part- 30 (Final)

𝐁𝐞 𝐘𝐨𝐮𝐫 𝐎𝐰𝐧 𝐌𝐮𝐬𝐞( 𝐊𝐨 𝐊𝐨'𝐬 𝐋𝐢𝐭𝐭𝐥𝐞 𝐏𝐚𝐫𝐤ᴶⁱᵐⁱⁿ)
﹌﹌﹌﹌﹌﹌﹌﹌﹌﹌﹌﹌﹌﹌﹌﹌﹌﹌﹌﹌﹌

၅ နှစ်ဆိုတဲ့ အချိန်အတောအတွင်းမှာ ဂျီမင်း ဟာ မော်ဒယ်လ်လောကရဲ့ ထိပ်တန်းကြယ်ပွင့်တစ်ယောက်တင်မကဘဲ၊ ဖက်ရှင်လောကကပါ အလေးထားရတဲ့ 'Icon' တစ်ယောက် ဖြစ်လာခဲ့သည်။ နာမည်ကြီး ရုပ်ရှင်ထုတ်လုပ်ရေးတချို့က ဂျီမင်းကို သရုပ်ဆောင်အဖြစ် ကမ်းလှမ်းခဲ့ကြပေမဲ့ "ကိုကို" က ဂျီမင်းကို တခြားသူတွေနဲ့ ဖက်လဲတကင်း သရုပ်ဆောင်ရမှာကို လုံးဝခွင့်မပြုခဲ့တာကြောင့် ဂျီမင်းက မော်ဒယ်လ်အလုပ်ကိုဘဲစွဲစွဲမြဲမြဲ လုပ်ကိုင်ခဲ့သည်။

ဒီနေ့ကတော့ ဂျီမင်းအတွက် အထူးခြားဆုံးနေ့တစ်နေ့။ ဂျီမင်းရဲ့ ကိုယ်ပိုင် ရေမွှေး Brand ဖြစ်တဲ့ 'Serendipity' ကို နာမည်ကြီး Shopping Mall တစ်ခုမှာ ခမ်းခမ်းနားနား ဖွင့်လှစ်တဲ့နေ့ပေါ့။ စင်ပေါ်မှာ ကြည်လင်
တောက်ပနေတဲ့ ဂျီမင်းက မိုက်ကို ကိုင်
ရင်း ပရိသတ်တွေကို ပြုံးပြနေသည်။

"ဂျီမင်း အခုလိုမျိုးအောင်မြင်မှုတွေရရှိအောင် နောက်ကွယ်ကနေ အစစအရာရာ ပံ့ပိုးကူညီပေးခဲ့တဲ့ ဂျီမင်းရဲ့ အချစ်ဆုံးသူ၊ ဂျီမင်းရဲ့ ကိုကို ကို ဒီနေရာကနေအထူးကျေးဇူးတင်ကြောင်း ပြောချင်ပါတယ်"

ဂျီမင်းရဲ့ ကျေးဇူးတင်စကားအဆုံးမှာ ပရိသတ်တွေကြားထဲကနေ အနက်ရောင် Suit နဲ့ ခန့်ညားလွန်းစွာ
ရပ်ကြည့်‌နေတဲ့ ကိုကိုက ဂုဏ်ယူဝင့်ကြွားစွာဖြင့် ဂျီမင်းကိုပြန်ပြုံးပြနေသည်။ထိုအချိန်မှာဘဲ သမီးလေး ဂျောင်မင်က ဂျီမင်းဆီကို ပန်းစည်းလေးကိုင်ပြီး ပြေးတက်လာသည်။

"ပါးပါး... ဂုဏ်ယူပါတယ်ရှင့်။ ပါးပါးရဲ့ ရေမွှေးက သမီးလိုပဲ အရမ်းမွှေးတာပဲ!"

သမီးလေးရဲ့ စကားတတ်လွန်းပုံကြောင့် ပရိသတ်တွေအားလုံးဆီက "Aww..." ဆိုပြီး သံပြိုင်ထွက်ကာအသည်းယား
နေကြတော့သည်။ ဂျောင်မင်လေးက ပရိသတ်တွေကို လက်လေးလှမ်းပြပြီး.....

"မီးမီးက ဂျွန်ဂျောင်မင်ပါရှင့်။ ပါးပါးကို ချစ်သလိုမီးမီးကိုလည်း ချစ်ပေးကြပါဦးနော်"

လို့ နှုတ်ဆက်လိုက်တာကြောင့် ဂျီမင်းရဲ့ပွဲကနေ သမီးလေးကFan တွေအများကြီး ရရှိသွားခဲ့သည်။
ဂျီမင်းကသမီးလေးပေးတဲ့ပန်းစည်းလေးကို လက်တစ်ဖက်ကကိုင်ပြီး စင်အောက်က ပရိသတ်တွေရဲ့ဓာတ်ပုံရိုက်တာကို ပို့စ်အမျိုးမျိုးပေးကာခံယူနေသည်။ခဏကြာတော့ ကိုကိုပါစင်ပေါ်တတ်လာပြီး မိသားစုသုံးယောက်စုံလင်စွာဓာတ်ပုံအရိုက်ခံလိုက်ကြသည်။