Forever with the Bad Boy

Chapter 2

Chapter 2

Bed

Walang humpay na tumawa si Zimmer.

"Akala mo ba nakaligtas ka na? Hello, para sayo originally itong box!" bulyaw ni Paui. Agad namang napatigil si Zim sa pag tawa.

"Patay ka." sabi naman ni Apxfel sabay ang bahagyang paniniko niya kay Zimmer.

"Patay ka din." sagot ni Zim sa kanya.

Tinitigan lang namin ni Paui ng masama ang dalawang itlog na ito. Tsk! Amanda pala ha!

Hanggang sa pag sakay namin ni Apxfel sa kotse ay hindi ko pa rin siya pinapansin. Aba! Wala akong balak pansinin siya kahit pa makarating na kami sa bahay. Kakain na lang ako!

Gusto ko ng corn... na mag bagoong!

"Wife, I'm sorry. That was absolutely nothing." sabi ni Apxfel. Kahit na hindi ako nakatingin sa kanya, nakikita ko sa peripheral vision ko na nakatitig ito sa akin.

Mas inihilig ko pa ang mukha ko sa may bintana. Tse! Nothing mo puwet mo.

"Gusto namin siya pag tripan ni Dominic. It was my idea to contact Amanda... Zim's ex, to send a gift. That was just it." pag papaliwanag nito.

Hinarap ko siya.

"Ah ganoon. So talagang kilala mo yung Amanda at may contact ka pa sa kanya?!"

Nakita ko naman ang unti-unti niyang pag ngiti. Ay? Ano ang dapat ika ngiti?!

"You're jealous, wife." sunod na sabi nito.

Umawang ang labi ko roon pero mas lalo lang humagikgik si Apxfel sa reaksyon ko.

"Ang cute mo..." sabi niya sabay ang pag haplos sa pisngi ko. "...That was really nothing. Naalala ko siya because she is Zimmer's most annoying ex. At hindi ako ang nag contact sa kanya, si Dom."

Dahan dahan kong inalis ang kamay niya sa mukha ko.

"Pero binigyan ka niya ng wine!" giit ko pa.

"Well... pogi ako, e." sabi nito kaya tinitigan ko siya ng masama. 'Yung pinaka masamang titig na kaya ko, ginawa ko na!

Napalunok naman siya.

"I was just kidding, wife. I'm sorry. Okay, I'll make it up. Anong gusto mong gawin ko?"

Ako naman ngayon ang napangiti. Gusto ko ng turon.

Nag tungo kami sa mall para bumili 'nun. Natikman ko kasi 'yung turon doon dati... ang sarap.

Si Apxfel na lang ang bumaba ng kotse. Iyon kasi ang ini-request ko sa kanya. Ang bilhan niya ako ng turon.

Gusto ko rin sanang bumaba pero tinatamad na ako, e. Saka sumasakit na rin ng kaunti ang likuran ko.

Habang nag aantay, hinawakan ko ang tiyan ko. Nararamdaman ko kasi ang mga mumunting pag sipa sa looban ko.

"Baby, ang likot mo. Mukhang manang mana ka sa Daddy mo." saad ko sabay ang pag himas doon.

Kinabukasan, humambalang ako sa pintuan dahil papasok na si Apxfel sa opisina. Gusto ko kasing sumama pero ayaw niya.

"Wife, I told you. Maiinip ka lang roon. Baka sumakit pa 'yung tiyan mo. Wala kang mahihigan sa opisina." sabi nito.

Umiling naman ako.

"Pwede naman ako sa couch, e. Sige na please!" pag pupumilit ko pa.

"Wala namang kama sa loob ng opisina ko. Ayaw kong mapagod ka kakaupo o kaya ay mangalay doon. I can't risk that. It's better that you're here at home."