It Was Only Just a Dream [Revised1-20] (Soon to be published under LIB)

Chapter 47: In Danger.

Chapter 47: In Danger.

3rd POV.

Dumating sina Patricia, Ivan, Terreence at Paul. Ang papa ni Patricia at ang tatay ni Jess. Kinakabahan ang lahat ng patungo pa lang sila sa lugar na iyon. Liblib ang lugar kung saan wala gaanong mga tao ang pumupunta dito lalo na kapag gabi dito ay tiyak na hindi ka makakauwi ng ligtas.

"Buti na lang umaga ngayon." Sabi ni Patricia. Mas nakakatakot kasi kung gabi sila susugod dahil na rin sa iba pang pwedeng mangyari dito.

Nasa kamay na nila ang limang milyon. Inutang ng papa ni Jess ang isang milyon sa tatay ni Patricia. Nagtulungan na rin sila para sa ikabubuti ng lahat. Bumaba sila sa kotse. Nanginig ang kanilang mga binti dahil baka mamaya isang tao ang pagbabarilin sila.

"Tibayan niyo ang loob niyo." Sabi ng papa ni Jess. Naglakad ang Dalawang tatay papasok sa loob ng abandonadong bahay. Tila isang malaking mansyon na napabayaan na.

Naiwan ang apat sa labas ng kanilang sasakyan. "Nag aalala ako kay Jess. Baka kung ano nang ginawa nila sa kanya." Napaupo ang babae sa takot at nagsimula na itong umiyak.

Pinatahan ito ni Paul na kanyang nobyo. "Alam din naman nating malakas ang loob ni Jess." Sabi ni Paul.

"Tama ka diyan, Paul." Pagsang ayon ni Terrence.

"Nagkakamali kayo!" Natatakot na sabi ni Pat. Tila napakunot ang tatlong lalaki sa sinabi nito.

"Bakit naman?" Ani ni Ivan.

"Malakas man siya sa labas at loob, pero may isang kahinaan pa rin ang nagtataglay sa kanya," Nakikinig lang ang tatlo sa sinasabi ni patricia. Gumugulo na rin ang isipan nila sa sinasabi nito at lalo silang kinakabahan sa mga oras na ito. "Mahina ang puso niya."

"Oo nga pala!" Sinipa ni Terrence ang gulong ng sasakyan sabay ginulo ang kanyang buhok. "Bwisit!"

Nakatitig lang mga ito kay Terrence. "T-terrence..." Lalapit sana si Patricia subalit bigla itong tumakbo papasok sa loob ng abandonadong bahay.

"Terrence!" Sigaw ni Ivan sa kapatid niya.

Nag alala ang tatlo sa ginawa ni Terrence. Hahabol pa sana ang kapatid nito pero napigilan siyang tumakbo ni Paul. "H'wag ka na magbalak Ivan. Mapanganib."

Pero sa isang malakas na tulak ni Ivan napatumba ang lalaki. Agad na lumapit si Patricia kay Paul para alalayan tumayo pero tsempo naman na tumakbo na rin si Ivan.

"Wala na tayong magagawa, kailangan na nating sumunod." Sabi ni Patricia kay Paul. Kahit na mapanganib at pwede nilang ikamatay nagtuloy pa rin sila.

Patagong lumalapit sila Patricia at Paul sa bahay dahil kung hindi makikita sila kung meron mang nagbabantay dito.

Sa kabilang banda kung saan magkasama ang papa ni patricia at jessica. Hawak hawak nila ang dalawang maleta na nagkakahalagang limang milyon. "Nandito na kami." Kausap ni Arthur o ang papa ni Jessica ang Nanghihingi na ransom sa mga ito.

"May susundo sa inyo diyan." Binaba agad ito ng kidnapper. Ilang minuto lang may dumating na ring dalawang nakabonet na itim na lalaki. Ang dalawang lalaki ay may mahahaba at puno nang bala ang baril. Tila bumilis ang tibok ng mga puso ng Dalawa dahil nakatututook ang mmga ito sa kanila.  Konting pitil lang sa baril tiyak na buhay na. Agad ang kapalit.

"Sumunod kayo sa amin." Pinauna ng mga nakaitim na bonet ang mga may hawak ng maleta. Nakatututok pa rin sa kanila ang mga baril nito.