Reject

Episode - 24 (Nearest Future)

(Zawgyi)
နှင်းပွင့်တွေပိတ်ဖုံးနေတဲ့ မနက်ခင်းတစ်ခုက နေရောင်တောင်မထိုးဖောက်နိုင်လောက်အောင် အုံ့အုံ့ဆိုင်းဆိုင်းဖြစ်နေတယ် ... ကားကို ခပ်လှမ်းလှမ်းလောက်မှာရပ်ထားခဲ့ပြီး လူသွားလူလာ အနည်းငယ်ရှုပ်ထွေးနေတဲ့ ပလက်ဖောင်းအတိုင်း လမ်းလျှောက်လာခဲ့တယ် ...

လက်ထဲမှာ ကိုင်ထားတဲ့ စာအုပ်တစ်အုပ်ထဲမှာ ပါရှိနေတဲ့ အကြောင်းအရာတွေက ကျွန်တော့်အတွက်အဆင်မပြေနိုင်မှုတွေများသာ ... ကျွန်တော့်အမုန်းတွေအစပျိူးလာခဲ့တဲ့နေရာ ... ထပ်ပြီးမဆိုးရွားပါနဲ့တော့လို့ ဆုတောင်းမိခဲ့တဲ့ စာမျက်နှာတော်တော်များများကို ဖုံးပိတ်ပေးထားတဲ့ စာအုပ်အဖုံးမျက်နှာကို ထိတွေ့နေတဲ့ ကျွန်တော့်လက်တွေ ပုံမှန်ထက်ပိုအေးစက်လို့နေတယ် ... ခြေလှမ်း စိပ်စိပ်များက ဆေးရုံအနီးအနားရောက်လာတဲ့နဲ့အမျှ ပိုလို့နှေးကွေးလာတယ် ... ဒါပေမယ့်လည်း ရောက်ရှိလာခဲ့ပြီ ...

အခန်းတော်တော်များများကို ကျော်ဖြတ်လာခဲ့ပြီးတဲ့နောက် ... အနာဂတ်တစ်ခုနဲ့အတူ စောင့်ကြိုနေတဲ့ လူတစ်ယောက်ကို ကျွန်တော် တွေ့ရပေလိမ့်မယ် ... ဒီစာအုပ်ရဲ့ပိုင်ရှင် ကျွန်တော့်ဘဝမှာ အမှီအပြုရဆုံးလူတစ်ယောက် ... ပြီး ကျွန်တော့်အနာဂတ်ကို ပေးရတော့မယ့် လူတစ်ယောက် ...

အခန်းတံခါးကို တွန်းဖွင့်လိုက်တော့ ... အချိန်အတော်ကြာမျှော်နေတဲ့အတိုင်း ဖျက်ကနဲလှည့်ကြည့်လာတယ် ... ဝင်းပနေတဲ့ သူ့မျက်လုံးတွေကို မြင်လိုက်တော့ ကျွန်တော် ပြုံးလိုက်မိတယ် ... ထင်သလောက်ပေါ့ပါးမနေတဲ့ နှုတ်ခမ်းတစ်စုံက လိုသလောက်တော့ ကွေးညွတ်မသွားဘူး ...

"အကြာကြီး စောင့်နေလိုက်ရလား Hyung"

"အင်း ... နည်းနည်းကြာပြီ ... Sehun ဖုန်းဆက်တည်းက Hyung စောင့်နေတာ"

"ဒီမှာ Hyung"

ကျွန်တော်ကမ်းပေးလိုက်တဲ့ စာအုပ်ကိုမြင်တော့ ချက်ချင်းမယူသေးဘဲ စိုက်ကြည့်နေပြီးမှ အနည်းငယ်တုန်ယင်ချင်နေတဲ့ လက်တွေက လှမ်းလာတယ် ... Hyung လက်မလှမ်းလာခင်ထိ မျှော်လင့်ချက်တွေ အရေအတွက်ကြီးမားနေခဲ့တာကို ကျွန်တော်ရှက်မိတယ် ... ရှက်ခြင်းက နာကျင်မှုအတွက် လုံလောက်တဲ့ဟန်ဆောင်မှုဖြစ်သွားနိုင်ပါ့မလားတော့မသိပေမယ့် ...