Reject

Episode - 43 (I'll be back...)

(Zawgyi)
မိုးရေစက်ဖွဲဖွဲလေးတွေက မှန်နံရံတွေကို ထိခတ်လာကာ ... တွဲလွဲလေးတွေခိုနေတယ်...
မျက်ဝန်းထဲမှာ မျက်ရည်တွေပြည့်နေတဲ့အခါ ...
နှလုံးသားထဲကို စီးဆင်းနေတဲ့ သွေးတွေဟာလည်း အက်စစ်တွေလိုပြောင်းလဲကာ ပြင်းပြစွာပူလောင်လာစေတယ် ...

ထိန်းချုပ်တတ်မြဲဖြစ်တဲ့ ကျွန်တော့်မျက်ရည်တွေက အကျင့်ကြီးပါလို့ ... မျက်ခမ်းစပ်တွေမှာ ပြည့်လာတတ်တာကလွဲ ... တင်းခံနေတတ်တယ် ...

ဘယ်နှခေါက်မြောက်မှန်းမသိတဲ့ သက်ပြင်းခပ်ပြင်းပြင်းကို ချပြီးတဲ့နောက် ... လက်ထဲက စီးကရက်တိုကို တစ်ချက် ရှိုက်ဖွာလိုက်တယ် ... နှာခေါင်းနဲ့လည်ချောင်းတစ်လျှောက်မှာ စူးကနဲစိမ့်ဝင်သွားပြီး ပြန်ထုတ်လိုက်တဲ့ အငွေ့တွေကတော့ တဖြေးဖြေး ပျံ့ကာ ပျံ့ကာ ပျောက်ကွယ်သွားတယ် ...

ကျွန်တော် ဒီစီးကရက်ကိုသာ လက်ထဲမှာ ကိုင်ထားလ်ို့ရမယ် ... အငွေ့တွေကိုတော့ ကျွန်တော် လိုက်မဖမ်းနိုင်ဘူး ... ဒီအခန်းထဲမှာရှိနေဦးမယ်ဆိုတာသိပေမယ့် ဘယ်နေရာဆီ ပျံ့လွင့်သွားလဲ ကျွန်တော် မသိဘူး ...

အသွေးအသားတွေထိ စိမ့်ဝင်နေတဲ့ လွမ်းဆွတ်မှုတစ်ခုကို နှစ်တွေအကြာကြီး လက်ကိုင်ထားပေမယ့် ...
ကျွန်တော် ကြိုးလေးတမျှင်ကို ပြန်ရှာပြီး မချည်နှောင်နိုင်ဘူး ...
ရှိနေပေမယ့် ... ဘယ်နေရာကို လက်လှမ်းရမယ်မှန်းမသိဘူး ...

အကြိမ်ကြိမ် တွန့်ဆုတ်ခဲ့မှတော့ ...
ဆုတ်ခွာခြင်းတွေက အမြဲကြိုဆိုနေမယ်ဆ်ိုတာ မေ့ထားလို့မရဘူးပဲ ...

မှောင်မိုက်လာတဲ့ ညခင်းကြီးထဲ တစ်ချက်ချက် လျပ်လာတဲ့ လျှပ်စီးသာ ထင်းကနဲ ဖြစ်နေပြီး ... သည်းထန်လာတဲ့ မိုးရေစက်တွေဟာလည်း မှန်နံရံတွေပေါ် အပြိုင်အဆ်ိုင် ပက်ဖျန်းလာတယ် ...

ဒီ hotel ကနေ ကျွန်တော် တစ်လှမ်းတောင်ခွာချင်စိတ်မရှိလို့ ဒီ hotel ထဲမှာရှိတဲ့ ကျွန်တော့်အတွက်အခန်းထဲမှာသာ ကျွန်တော်နေဖြစ်တယ် ...
ရင်းနှီးခဲ့ပေမယ့် သူစိမ်းဆန်မြဲဖြစ်တဲ့ လူတစ်ယောက်ရဲ့ အငွေ့အသက်တွေ လွှမ်းခြုံနေတာမို့ ကျွန်တော် ကျောခိုင်းပြီး မပြန်ရက်ပါ ...