#عشق_والمستحيل

الجزء ال 47/حلم العمر

#الحب والمستحيل 47
#قصة عشق@
بالحفله تفاجأت بحضور أمير وزوجته وابنه عمار
يالله يشبه ملامح امير فدوة بس عيونة خضره وزوجته وياه إسمها هبة" كرديه من دهوك وباركلي بنجاح القضيه وبالمشروع ووعدني يدعمني ومايعوفني ..
سلمت عليه
سامحني امير أني ضوجتك هواي و ..
دار وجهة لزوجته
تسمحيلي يازوجتي الغاليه ام عمار !
ابتسمت واشرتله أي
حضني وباسني براسي
انتي سامحيني عشق
عفتج وحدج هناك ..
كتله اشش اليوم بس نفرح وننسى كل همومنه
بعد ماحققت هدفي وحلمي ووصلت لنتيجة عظيمه بفضلك انتة وفضل كل اصدقاءي
وانته مقصرت صدكني لو عندي اخ كبير مايسوي اللي سويته انته وياي
حضنته
الله وشكد ارتاح من احضنه من بعد حضن بابا محسيت بالأمان ..
الفرحه متنوصف بيومها إحساس كبير بالنجاح والفخر يارب تمم علينا الفرحة
اخذنه صور كلش هواي حتى تبقى للذكرى والكل فرحان
بس اكيد فرحتي ناقصة لسببين
أولاً لان بابا مالحگ على هذا اليوم وفرح ويانه ولان هيثم ماموجود
بعيد عني ومن راح ترك فراغ بداخلي كلش جبير وبعده كل هالمده عني دمرني ياترى ارتبط بذيج البنية تزوجها !!
هواي ببالي اتصل عليه لو اكدر أتواصل وياه
.......
المهم هسه واخيرا ..
فتحت مكتب المحاميه عشق حسن نصير ال..
بالبيت اللي بقالي من بابا البيت اللي بي الذكريات الحلوه والمرة رغم قسوة الدنيا عليه حققت أمنياتي
وحققت حلم بابا ورجعت حقوقه كلها
وثبتت ملكيته واحقيته باملاك اهله بالقانون
وشغلت زملاءي كلهم وياي
الكل ساندني ووكف وياي بصدق ومحبه واخلاص
مرّت الايام
هدفي وحلمي تحقق
بس حياتي ناقصة وتكمل بحبيبي الغايب ..
لهذا قررت ابحث عن هيثم ..
انتظاره طال وقتلني وصبر ماعندي بعد أكثر
واتحمل
بحكم شغلي بالمحكمه دبرت تصريح للفندق اللي استقبل الوفد من اجه هيثم لبغداد
واكيد اكو مراسلات وحجز من مقر اقامتهم هناك بكندا بوقت زيارة الوفد ..
حصلت على اسم الجامعه بمقاطعة ا... بكندا
وصيت الكل على البيت والمكتب والشغل واكيد كلهم عدهم نسخ مفاتيح
والحراس ابو محمد وابو مريم يتناوبون بين الليل والنهار
ودعتهم واخذت غراضي وملابس شتوية لأن أعرف الجو بارد هناك
لبست جاكيت كابوي وبنطرون وشال رصاصي واخذت مستمسكاتي
وطلعت الفجر وصلت لمطار قطر اول مرة وبعدين استراحه بالمطار ماكو مباشر ومناك طلعت طيارة لكندا والسفرة صارت طويلة ومتعبه
هلكت علما وصلت طول الطريق متوترة واتخيل اللحظه شلون التقي بهيثم وشلون نتعاتب ونعوض فراكنه وشوكنه بالسنين الراحت ..
و بنفس الوقت خايفة يكون تزوج لو يرفضني ماعرف مشوش فكري
وصلت المطار كندا انطيت العنوان لسايق التكسي وصلني للسكن الخاص بالاساتذه للجامعة دخلت واكيد نظام عدهم متشدد مو مثلنا هنا تايهه
وتحقيق يفتحون وخاصه للعرب حجيت وياهم انكليزي
محصلت نتيجه منهم
دخلت للجامعة وسألت عن استاذ هيثم ذكرت اسمه وكلت من العراق
بصعوبة يلا عرفت مكانه بس طلعت عدهم ندوة بمقاطعه ثانية ويبقون يومين هناك
شهالحظ !!
تعبت من السفر والطريق
كلت اروح لفندق قريب للجامعة هم ارتاح وانتظره علما يرجع
اجرت غرفة وسبحت وارتاحيت يوم كامل راسلت الكل ببغداد
وطمنتهم عني وماكو شي يمهم كلشي طبيعي وماشي الشغل وماكو مشاكل
ثاني يوم الصبح رجعت للجامعه سألت عرفت الوفد يرجع ب5 العصر بتوقيتهم
طلعت بسرعة سألت عن اسواق رحت تسوكت واكيد مومثلنه كله مسلفن ومعلب حتى الخضروات
جبت فواكه ودجاجه ولحم كلت اسوي دولمه افاجأ حبيبي هيثم أدري بي يحبها
رجعت رتبت ميز الطعام وزينت الفواكه وشويت الدجاجة واشتغلت بالدولمه
كملت للعصر سبحت وبدلت لبست ثوب ابيض قصير وبنطرون كابوي بيجي وشال اصفر فاتح و خليت مكياج ومتوترة بشكل
مااكدر اخلي كحل من الرجفه
كل شويه اخذ نفس وارجع استراح جسمي يرجف تأكدت من كل شي كمل غطيت الأكل
وطلعت رجعت للسكن مالتهم
دخلت
حارس بالباب واكف سألته بالإنكليزي
كال وصل الوفد قبل ثواني
صخنت من التوتر
انتجيت على الحايط وارجف
شفته من بعيد واكف يم جماعه شباب اجانب متغير كلش وضعفان ولابس عوينات وقميص ابيض
وبنطرون اسود ورباط
سودة عليه شلون صاير !
عرفتة اني بس هو مانتبه ولا عرفني
تقربت منه أكثر صرت من وراه
اقتربت كلش اتنفس بصوت وكلت
احححح" ..
فزّ والتفت بسرعة وصفن ببوجهي !
ثواني ..
عيونه النعسانه تلمع واعتقد توتر أكثر مني
اني محجيت شئ بس عيوني حجت كلشي لزم ايديه وبلع ريكه
كال باستغراب ..
مستحيل !
انتي ..  عشقي !!
معقوله أنتي عشق؟؟
ششلون اندليتي مكاني عشق !!
الجماعه اليمه حجوا وياه مارد عليهم
عافهم و اخذني وطلعنه برة للحديقه
باوعلي بلهفه وماسألني اي سؤال بعد
كعدنا على مصطبه خشب
بقى صافن ببوجهي وعصر أيدي
سحبت ايدي منه كوة
اتنفس بصعوبه من الشوق
فتحت جنطتي وطلعت محبس ماما
محبس ذهب وبي شذرة حليبيه صغيرة
هيثم هذا محبس بابا اشتراه لماما بزواجهم
انته الوحيد اللي تلبسني هذا المحبس اللي جان بس لماما
بس انته تملكني حبيبي
اخذ المحبس مني ودنگ بالكاع دقايق
استغربت ماحجه ولارد !
بس متوتر ومرتبك وعيونه تدمع
خفت يكون تزوج من ذيج البنيه
ضم المحبس بجيبه وسحب ايدي
تعالي عشق وطلعنه مشينه ركض
أجر تكسي وصعدنه بالأخير حضني حيل
على صدرة وبس يشمني
يمكن بوقتها الكلمات اختفت بقت بس الأحاسيس والأشواق والمشاعر الجياشة
مااعرف وين ماخذني وماريد اعرف المهم اني يمه وبصفه وبحضنه
إحساسي مينوصف من السعادة
نزلنه قريت مكتوب قنصليه السفارة العراقية !
تفاجأت !
دخلنا موضفين عراقيين واجانب
سلمنه جناسينه وجوازاتنه وحجه وياهم هيثم ربع ساعة تقريبا
بعدين دخلنه غرفه وحدنا كعدنا
اشرتله
هيثم شنو ! ليش جبتني لهنا؟؟
ابتسم وهز براسه راد يحجي ..
دخل رجال جبير وبيده سجل فتحه وسجل اسماءنه وسألني بالانكليزي موافقه على هذا الارتباط من السيد هيثم فلاح ال.. كزوج على سنه اللة ورسوله ..
انعكد لساني ياربي اني بعلم لو حلم ؟
لزمت ايده ودموعي تصب وحدها 
جاوبت نعم نعم نعم اقبل
وسأله نفس السؤال بسرعه كله نعم
كللنه مبروك
وقعنه وموضف ثاني اجه ختم الاوراق ودخلهن بالحاسبه
اقل من ساعه بقينه ننتظر كلشي ماحجينه بس حاضنين بعض ولازمين إيدين بعض
باسني بگصتي ورجع حضنني
طلعنا من السفارة
..
حضني شمني وباسني بكصتي حبيبتي
ياعشقي ..
مسحت دموعي هيثم محضرتلك مفاجأة
نأجر تكسي للفندق ..
غمزلي حبيبتي شنو هاي المفاجآت
يعني أكثر من هاي المفاجأة ماريد حبي
أموت بالسكته القلبيه
خليت ايدي على حلكه اشش اسم الله حبيبي دخيلك لاتجيب طاري الموت
طلع المحبس من جيبه واحنا واكفين بباي السفاره بعدنا ولبسني باصبعي
وباس ايدي ورجع شبگني حييل
متحملت احبس دموعي اكثر همست باذنه هيثم فدوة اخذني للفندق مشتاقتلك هواي سلحفاة افندي ..
شالني وفرني
وداعتج هسه اصير ارنب واركض هسه ضحكنه صدگ الشوگ دمرنه اثنينه طول هالسنوات
نزلني واجرنه تكسي للفندق ..
يتبع..
#قصة عشق @