#الحب والمستحيل 36
#قصة عشق@
هيثم عافني وطلع للصاله
لحكته ..
يتنفس بصعوبة
شبيك حبيبي !
شفته عركان وفتح زرارات قميصه
كال مي
اريد مي
اخذته للمطبخ غسل وانطيته منشفه
استغربت من تصرفه !
كعدنا بالصاله
نزع حذاءه وكعد تمدد
اجيت يمّه
لونه مخطوف
مسحت وجهة بيدي وحضنته
سوده عليّه
شبيك حبيبي
بجه بحركه
بجيت وياه
ظل يتأسفلي ومتندم
عشق سامحيني فدوة
لزم ايدي يبوس بيها
عشقي وحبيبتي انتي لازم تعرفين كلشي وليش جنت بارد وياج وليش عفتج سمعيني للاخير
ولاتقاطعيني
حجه كلشي من البداية
بس يرجف جان
ويباوعلي بحزن وحسرة وعيونه مليانه دموع
اني حاضنته وقريبه منه ومصدومه لكلامه وتصرفاته مستغربه كلش
كلي جنت بالسادس ادبي وقربت الامتحانات الوزاريه رحت ادرس ببيت جدي
اهلي بابا وماما واخواتي اثنين واخويه صغير كلش رايحين لمدينة الالعاب
كلهم طلعوا بسيارة بابا
دخل بابا للبنزين خانه يفول سيارته
وطلع للسيطرة صار انفجار هناك
ماتوا كلهم ..
حتى جثثهم تتطشرت وماحصلناهم
من سمعنا بالخبر جدي نشّل
وبيبيتي ثلاث ايام بالمستشفى وماتت بالجلطه الدماغيه
اني انصدمت
انهاريت وعفت الإمتحانات وكرهت كلشي تمرضت وانعزلت عن الناس
بعد سنه بعت بيتنا وعشت ويه جدي المريض تحملت كل مصاريف طبيبه وعلاجه والمستشفى فحوصات
ورة سنتين رجعت كملت السادس
يعني اني اكبر منج بسنتين عشق
قطعت عهد على نفسي بعد هالصدمه ادرس واشتغل ليل نهار
واكرس كل وقتي واشغل تفكري حتى انسى هالمصيبه
الصدمه رجعتلي هسة من شفت بيتكم وذكرياتج اهلج عشق
رجعتيلي ذكريات مؤلمه
ذكريات اهلي واخواني
ردت انسى مگدرت
ماريد اتذكر
جنت اريد اسافر واخلص من العراق وانسى كلشي
كرهت بغداد وكرهت العراق
كرهت كل الناس
بس انتي حبيتج عشق
خفت عليج
ماردت اربط مصيرج وياي
انتي حلوة وصغيرة والعيون عليج
والكل يتمناج
تمنيت تصيرين اللي
بس كلما اقترب منج أتذكر الواقع المر ّ
شلون احبج واني اريد اهاجر واعوف كلشي هنا حتى بيتنا بعته برخيص ماريده يذكرني بيهم
بالجامعه من شفتج متت عليج بس ماردت اورطج واني مااكدر اعيشج وياي وكوة اجمع فلوس مصروفي ودراستي
ماعندي امكانيه اتحمل زواج وعائله خفت من المستقبل ..
ماانكر اهتميت بيج وحبيتج
ومرات اتندم لان اعاملج ببرود
ومن اقتربت منج كعدنه سوة بالسيارة ومرة بالقاعه ومرة بالحديقة وحضنتج
تذكرت وضعي الصعب ابتعدت عنج
بكل مرة انسى نفسي واتمنى اصارحج بحبي الج
وانتي تستفزيني بكلام واكثر
لو بتصرف الضابط من جبتي للجامعه متت من الغيرة احتركت وجنت صادق من كتلج عشقي
بس ..
ارجع اتذكر ..
عشق ..
اني مو من حقي احب ولا اريدج تتعلقين بيه بعد سالفه رحيم و وئام كلت ابتعد عنج
عشق اني سني وانتي شيعية
لزمت ايده وابجي هيثم شدتحجي !
اني حبيتك وعشقتك انته شنو سني شنو شيعية
لو منطيني وعد
كلمه واحدة
انتظرك طول العمر ومااسلم نفسي لحضن غيرك
خله ايده على حلكي
لاتلوميني عشق كافي ارحميني
كل يوم بفراكج اموت الف موته
اتذكر عيونج باخر مرة ودموعج وصوتج وشلون ترجفين
جبرت نفسي اقسي عليج
حتى تكرهيني
غصون جانت تعرف كلشي
شنو غصون !
بيننا كلام يخصج من أول يوم دزيتيها فتحت دفتري بالكافتريا
مسحت دموعي وضحكت صدكني مواني دزيتها هيثم هيه حشريه وتصرفت من وحدها
بس اني هددتها ازعل منها معقولة كشفتني .. !
وجانت دائما تكلي
عوفي هيثم ميفيدج !
اني طلبت منها تبعدج عني بأي طريقة وتساعدني حتى لاتتعلقين بيه أكثر
ماردت انطيج امل واعيشج بوهم
بس بعدين تندمت
صدكيني اتمنى يرجع الزمن واغير كلشي واعيش وياج كل ثانيه واحبج واعوضج
عشق شوفي
طلع موبايله
فتح الملفات
صور التخرج وشعر عني وباسمي
***
ياعشقي..
لماذا اراكي على كل شئ"
كأنكي في الأرض كل البشر *
كأنكي درب بغير انتهاء"
وأني خلقت لهذا السفر *
إذ كنت أهرب منكي ..إليكي
فقولي ..بربكي ...أين المفر ؟
***
وصورتي مسويهة فوتوشوب رسم
خليت ايدي على حلكي تعجبت
هيثم هاي اني !
ضحك
حبيبتي كل يوم ابوسها للصورة وافكر بيج واتندم لان عفتج تخيلتج راح تكرهيني بعد ماهنتج وتتزوجين غيري وتنسيني
كلت هسه اكيد تغيرت وعدها اطفال وكرش ضحك
باوعت لبطني ضربته بمتنه شنو هاي هيثم معقولة هيج تفكر !
صدكيني متوقعت بأول رجعه الي لبغداد اشوفج وبالصدفه
وبعد ماعرفت هسه أنتي بعدج تحبيني
مكدرت اصبر لو اعوفج بيد غيري
حضنني حيل
عشق طلبي الطلاق وتعالي وياي مااكدر اصبر على فراكج أكثر
طال حديثنه وعتبنه وسوالفنه ..
ومحسينه بالوقت
حضنته ومسحت دموعه وبسته بخده ولمست شواربه تجنن متت عليهن
تنفست انفاسه ظل يتنفس بسرعة
بسته بشفايفه فقدت ونسيت نفسي
دقايق ظليت ابوس بلهفة بادلني البوسه
فتحت عيني انتبهت لنفسي خجلت
وخرت عنه وعدلت شعري
لزمت شفايفي
كام اخذ غراضه ولبس حذاءه وطلع
لطمت على وجهي
عزة العزاني هاي اني شسويت !
ياربي ..
شلون بسته هيج !
اووي
شكد عيب
متت من الحر جسمي نار صار دخلت للمطبخ غسلت واتذكر اللحظه متت من الخجل وكل شويه الزم شفايفي وانافت
طفيت الاضويه وقفلت البيت وطلعت رجعت لبيت جلال
مستحيه من نفسي
شلون راح اواجهة بعد
اخذت اكل وفواكه من المطبخ وصعدت لغرفتي مالي نفسي للاكل
بدلت وكفت كدام المرايه شكد خجلانه
شلون هيج نسيت نفسي
حضنت المخدة حيل واتذكر طعم البوسه لسه والموقف
صدك محسيت بهيج لذة ويه جلال
فتحت فايبر رسايل من ريم وصديقاتي
بس هيثم ماكو !
ترددت اراسله
مصدكت اقترب منه اكيد راح يرجع لكندا من غير مااشوفه
اتذكر كلامه كلمه كلمه
وشكد جانت ضروفه الصعبه
سوده عليّه
حبيبي شكد تعذب بحياته
وغصون شكد كالت عندة ضروف ليش منتبهت ليش ماحققت وعرفت بوقتها
من التفكير تعبت ونمت للفجر
كعدت سبحت وصليت وبجيت
ربي ساعدني دخيلك اريد اخلص من جلال واروح ويه هيثم
ثاني يوم ماطلعت من البيت اتصلت بجلال وحجيت وياه سألني على الحفله كتله عادي حفله عائليه
مكلي شوكت يجي
كضيت كم شغله
وغسلت هدومي
واتصلت بصديقاتي
احس بنقص ..
توترت راح اموت
وجعني قلبي
يوم كامل محجيت وياه ولاراسلته شلون اذا راح
بليل طلعت ملابس جديدة بدلت ترددت اخابرة
راح اتخبل
شلون اخابره
شكله !
بين جنوني وافكاري هاي
اجه إشعار ركضت
فتحته هيثم كاتب شعر
حبج عسل بلساني *
ياعشقي الاول والثاني*
ظليت ارجف
حبيبي ياهيثم
اتصل رديت بسرعة
فتح فيديو
نايم على الجربايه وعريان يجنن
حبيبي ..
فدوة اروحلك هيثم اموت عليك
كال.. احححح"
حبيبتي دمرتيني
اااخ ليش هيج
مااكدر اصبر بعد ماسگيتيني عسل من شفافج
سكرت وماريد ارتوي بعد الا من شفايفج
ياربي صخنت
كل كلمه يكولها احلى من الثانيه
هيثم اسفه نسيت نفسي
ياريت دائما تنسين نفسج هيج
حبيبي صدكني بس يجي جلال اخلي كدام الأمر الواقع واطلب الطلاق بعد مااكدر اكمل حياتي بعيده عنك
بس شلون اتواصل وياك بعدين
اني ارجع ماعوفج ابد
تحسر بس شوكت مااكدر اصبر
تدرين لوباقي دقيقه يمج اسوي كارثه وياج
لا حبيبي فدوة اروحلك
لعد خلينه بعيدين احسن
ماشي بس هسه لاتحرميني اشوفج واستمتع بجمالج وعيونج
نصه صوته
قربي شفايفج عشق فدوة
هيثم لا حباب تدري بيه ضعيفه كدامك
ظلينه نتشاقه ونضحك
نسولف سوالف حب
ومن يكول شعر اذوب ويغنيلي ويتغزل بيه
عشت لحضات حب اشوفها بس بالأفلام
ظلينا لحد وقت متأخر
بعد يومين ويسافر
اتفقنه باجر نتلاكه
لازم منتحمل فراك وبعد
نمت والصبح
دخلت للحمام وخليت موبايلي على الشحن
اسبح وافكر شراح اسوي وياه اليوم مشتهيه ابوسه بعد مرة
اريد اشبع منه
فرحانه كلش
وملهوفه
لفيت شعري بمنشفه ولبست روب ابيض
طلعت من الحمام
شفت جلال كاعد على الجربايه ..!!
يبست من الخوف
جلال !!
شوكت اجيت !!
يتبع..
#قصة عشق@
أنت تقرأ
#عشق_والمستحيل
Ficção Geral#قصة فتاة عاشقة فعلت المستحيل لتحضى بمن تحب حصلت لها مفارقات وصراعات مع الحب والمستحيل بعض الأحداث 🔞
