#الحب والمستحيل 13
#قصةعشق@
..
وصلت لبيت علي
دخلت ستوهن كاعدات من النوم ام علي وكوثر وحمودي مكعدي بحجله وعيونه مورمه من البجي
تلكتني ام علي تحجي رحنة نشوفهة ومقبلت تشوفنه ومحد طاردها وشسوت بروحها ..
ايييه نسطرت من تتدردمها دخيل الله
كوثر سوت الريوك كالت تعالي عشوقة تريكي ويانه ..
اشكرج كوثر اريد اخذ كم غرض من غرفه ريم وغراض حمودي ورايحه مستعجله ..
ام علي شنووو؟
حمودي ميطلع منا وين تاخذي !!
ليش مفهمكم البارحه علي !!
احنا متفقين ..
لالا عيني ماكو هيج حجي متفقين شنو !
كوثر اتصلت بعلي كلها انطيني امي وحجة وياهة عصبيه جانت
مقبلت اخذ محمد
وبعدين حاجاني من موبايل كوثر كال اعتذر والله البارحة رجعت لكيتهن نايمات والصبح طلعت من وكت ..
كتله مصار شي اني اروح وانت فهم الجماعة
أم علي متقبلت الوضع وظلت تتدردم وراي وماسكتت ابد
كوثر كالت ماما انتي ام شلون ترضين واحد ياخذ طفل من امه !
أم علي كالت مو خذت ابني مني وخلته بكيفها ..
_خاله فدوة كوثر هم راح تتزوج ترضين عمتها هيج تحجي !
سكتت ..
صعدت اخذت غراض ريم وحفاضات وحليب حمودي وملابسه
وحمودي فدوة يجنن حضنته وصلتني كوثر للباب اخذت تكسي خليت الغراض بجنطة السيارة ورحت لبيت اهل ريم ..
نزلت ساعدني ابو التكسي نزل الغراض حمودي هلكني تبهذلت ممتعودة اشيل طفل ..
بس وصلت الباب طلعت ام ريم تلكتني واخذت حمودي وتبوس بي وتدعيلي وباستني فدوة عشوقة
اروحلج فدوة اللة يريحج مثل ما ريحتيني شكد مشتاقيله لحمودي
ريم سمعت الصوت طلعت من غرفتها تركض ماصدكت !
عشق شنو هالمفاجأة !!
ليش مكتيلي !
حضنت محمد وظلت تبجي ماصدكت وتبوس بي مثل المخبله ومرة تضحك ومرة تبجي
اخوان ريم يكمزون من الفرح صار وقت الغدة ام ريم كالت لازم تتغدين ويانه متروحين بنتي انتي احلى واطيب بنيه شفتها بحياتي وريم تحسنت بفضلج وكل شوية تحضني وتبوسني كتلها خاله ماكو داعي صدكيني هذا اقل شيء اسوي لريم صديقتي واختي الغالية
بس لازم اروح بابا وحدة ومالحكت اطبخ اليوم
ريم كالت غصون وناديه وسوسن اليوم يجن العصر يشوفني لازم تبقين واني ارتاح من اشوفج فدوة
أم ريم ..خاله هسة ادز غدة لابوج بيد الجهال وانتي ابقي
كتلها ماشي بس اطمن عليه
اتصلت ببابا وكال ابقي بنتي شوكت متجين واذا اجه ابو ريم بلكي يمرلي
حتى افهمه يتنازل عن فكرة الطلاق
كعدنا تغدينه وحجيت ويه ريم بخصوص علي ردت اقنعها
تحسنت حالتها شوية وبعد ماجبت محمد ارتاحت اكثر ..
عشق ماريد ارجع خليني هنا مرتاحة اراجع دكتورة زينه واستعيد صحتي ..
ريم علي شاب ومدرسات وياه
وأم علي متخلي تتدردم وتنگ براسه
من الصبح تعرسه
ريم صاحت شنو هالحجي عشق !
معقولة !
سمعتي شيء ! شگالت هالعجوز؟؟
لا عيني كلشي مسمعت بس اني حجيت ويه علي لازم انتي هم تحجين وتحاولين تقنعي على سفرة لو ونسه تغيرون حياتكم
عشق تعبانه فدوة ماريد اشوف علي هسه احس بالذنب لأن ..
ريم طيعيني فدوة
انسي اللي صار
كومي نيمي حمودي بغرفة ماما
وسبحي وبدلي جبتلج مكياجج وعطورج وملابس نوم هسه اخابر علي وتفاهمي وياه بس تكملين فترة نقاهة العمليه سافري انتي وياه وبس
غيري جو وعيشي حياتج شبيج !
..ساعة كاملة احجي وياهة اريد اغير تفكيرها كوة قنعت تعبتني كلش مصرة تعوف علي ومتقبل ترجع ..
اتصلت بعلي من موبايل ريم عزمته على عشة ويجيب وياه هديه لريم
واتفقت وياه على كم شغله
اجو صديقاتنا سوسن وناديه شكد مشتاقتلهم
عدا غصون منعرف شصاير وياهة حتى جهازها مغلق ..!
جابين هدايا لريم ولحمودي
شافو ريم تعجبو للي صار وسولفنه سوالف كوومه متخلص سوالفنه ..
اتفقنا على يوم نلتقي بالجامعة علمود بحث التخرج وريم تروح تراجع وتمتحن طلعنا من ريم سوة واني رجعت لبيتنا تعبت دخلت للبيت لكيت بابا متمدد بالصاله سلمت وبوسته كال بابا شنو الأخبار حجيتله كلشي ..
كال اني هم حجيت على ابو ريم شنو يريد يطلكها ومحمد شنو ذنبه
والحمد لله اقتنع بكلامي ..
كمت للمطبخ لكيت مواعين واستكانات وجكاير !!
رجعت لبابا
منو جان عدنا !!
بنتي الضابط امير بعد ما رحتي تريك الصبح يمي وشرب جاي
والضهر اجه ابو ريم وتغديت وياه بس سويلي جاي
رجعت كعدت يمه ..
بابا شنو الضابط امير !!
شبيج بابا !
لا ماكو شي بس استغربت
كمت للمطبخ نظفته وحضرت للعشة ونظفت البيت وتفكيري كله يم هذا الضابط شنو سالفته ؟
رجعت فتحت موبايلي شفت رسايل من غير رقم نفس اسلوب الكلام
غريب !
منو هذا..!!
نسيت اسأل صديقاتي التهيت بريم وسالفتها
رجعت دخلت لغرفتي اتصلت بنادية وسوسن
سالتهن عن غصون
عرفت مشاكل ويه اخوتها وابوهة على غيث ووضعها متوتر شوية
سألوني على الضابط ..
عوفنه فدوة هسه اني بيا حال صدوگ ردت أسألكم على شغله
صار يومين تجيني هيج رسايل ومحد يعرف رقمي !!
تعجبن ..
ناديه كالت بيمن تشكين ؟
كتلها هذا الأسلوب ماكو غير جلال
سوسن كالت صدكيني عشوقة توسلي على رقمج منطيته
منين حصله
مااعرف ليش احس بي جلال ماكو غيرة
شكد مزعج ومايمل من الإزعاج ..
رجعت شفت هيثم مشغول الظاهر
لارساله ولاسلام !!
اووف هيثم شكد بيك برود وشكد انشغل عنك وارجع اتذكرك واعشقك اكثر واكثر ..
وانته ولا بحالي
غلقت جهازي ونمت الصبح كالعادة صحيت بين شغل البيت بعدين اتصلت بريم حتى اعرف شنو اللي صار !!
ريم فرحانه وصوتها مايع
كله حب وغزل وتبوس بالموبايل
شكد احبج عشوقة حبيبتي انتي اموووواه ..
ضحكت ..لالالا .. لازم اجي وتحجيلي بالتفصيل ميفيد هنا تحجين
غلقته اجتني مكالمات من الرقم الثاني لان الاول حضرته !
شنو هاي !
عفته مرديت وكملت للعصر رحت لريم باوعت سيارة الضابط ماكو ..
كملت طريقي لبيت ريم دخلت ام ريم كالت عيني ريم غطت بالعسل بفضلج وتغمزلي
ضحكت ورحت لغرفتها فدوة حمودي تلكاني يهوس يجنن حضنته وبوسته ..
الاميرة ريم مددة شافتني
كامت وحضنتني وتبوس بيه
ولج دفهميني شصاير !
ريم ..احممم علي راح ياخذ اجازة ويسويلي جواز سفر ويطلع فيّز
نروح لايران ومناك لتركيا وروسيا يعني جوله اسيويه اوربيه
تعالي ويانه عشق فدوة ..
لاعيني وين اجي وياكم لازم اشتغل على بحث التخرج من هسة وبابا شلون اعوفه وحدة
هسه احجيلي شصار ؟
ريم .. البارحة ماما كوة سوتلنه العشة وتدرّم عليه تكول شلون تصالحي بعد الصار
ونيمت حمودي بغرفتها مثل ماكلتي وبابا كال مالي شغل بيكم انتو حلو مشاكلكم بس اذا سمعته اذاج اموته واحرمه منج ودخل لغرفته
اخواني هم نامو
اتصل علي ترددت ارد عليه
رديت كال اني بالباب
اني جنت مبدله ومخليه مكياج ..
ركضت فتحت الباب ودخلت دخل بسرعة وراي منتبهت شايل بيده ورد يخبل
عشوقة اول مرة علي يجيبلي ورد !
ماعرفت شسوي من غير ماحس حضنته وباسني شكد مشتاقه حسيت بحرقه بداخلي عشق متت من الالم الفراق يوجع ..
كتلها اييه .. ريم والحب هم يوجع ..
لا عشق الفراق يوجع اكثر صدكيني ..
ايي كملي .. وبعدين
اي تالي متحملنه ظل يحجي كلام حلو وكله لهفة
دخلته لغرفتي تعشينه ونمنه سوة وظلينه للصبح بوس واحضان وشوق وغرام والصبح تريكنا ريوك عرسان وراح للدوام ..
كرصتني يوم الالج وتضحك
-اووف اصلا بعد سالفتكم هاي انتي وعلي انسدت نفسي للعرس ماريد بطلت
_لا عشوقة والله الحب والزواج حلو
_ماريدة خلي الج
_يالله ريم اني اروح للبيت وباجر اروح للكلية علمود البحث
عشوقة سألي على امتحاني فدوه بلكت من ارجع من السفر نفسيتي ترتاح وادرس وانجح
أن شاء اللة من تروحين انطيني خبر حتى اودعج ..
رجعت للبيت والرقم هذا موتني جهازي صامت يمكن خمسين مكالمه لكيت..
يتبع..
#قصةعشق@
أنت تقرأ
#عشق_والمستحيل
Ficção Geral#قصة فتاة عاشقة فعلت المستحيل لتحضى بمن تحب حصلت لها مفارقات وصراعات مع الحب والمستحيل بعض الأحداث 🔞
