#عشق_والمستحيل

الجزء ال 29/صدمة عشق

#الحب والمستحيل 29
#قصة عشق@
تاكدت من جلال نايم
دخلت للحمام خابرت ريم حجيت بصوت ناصي ليسمعني
كالت هسة وصلت للصيدليه ومن اجي للبيت اخابرج
سألتها ريم شنو يعني النيشان !
علمتني ووضحتلي جنت مااعرف شنو
اخذت دنبوس نغزت اصبعي وعصرته بقوة دمرت الفرشة من الوسط
ومسحته بيها
بعدين خليته بثلج ورجعت سبحت وبدلت ثوب قصير بنفسجي ربع ردن واجيت يم جلال اضرب بي
شنو هاي جلال كوم متشبع نوم
شبكني اوووف منج
ياحبيبت جلال وعمر جلال اللي جان اضلم وهسه تنور بوجودج
انتي روحي وگلبي عصرني حيل ضربته بصدره كافي متشبع كوم اسبح
كعد منعس شغلتين مااشبع منهن النوم وانتي  ويكرص بيه اشرلي شوكت
ويغمز كتله دصبر ياعيني مو كتلك باجر
يالله شويه وتجي ام كريم
كوم سحلته كوة
طب للحمام حضني كال تعودت عليج تغسليلي تعاي سبحيني
دفعته لا حباب
روح باجر نسبح سوة
كلي وعد !
بسته بخدة وعد إن شاء اللة
حسيته كلش ملهوف من الفرحه ويغني ويركص 
كعدت اخلي مكياج
طلع جلال ركضت حضنته
كال شنو هاي !
ممصدك خاف مسويه بيه الكاميرا الخفيه
صدگ متت ضحك
جلال فدوه اسمعني وطيعني حباب شوف الفرشه
فتح عيونه شنو هذا الدم
ضربته على صدرة
لتخاف شبيك خواف
امك وام كريم من جنت نايم شافوني راويته ركبتي شوف هاي سوالفك
شنو هاي صدگ !!
صوفر ¶ ضرب گصته يعني انفضحت !
شبكني حبيبتي مااعرف على الخفيف لازم وياهة ختم خبلتيني البارحه وجنت محروم وعوضت 
_دسمعني هسه فدوة
عرفن انته ماخذني وسألنني على النيشان
اهووو ..
شيخلصني هسة يدخلني بسين وجيم
لتخاف اني حليتها وكتلهم كملنا
ومنين هذا حصلتي بالفرشه
جكه دنبوس باصبعي
اخذ اصبعي وباسه صدگ نقذتيني  حبيبتي
ماادري شسوي بلياج
بس اوعدج اعوضج حبيبتي وظل يبوس دفعته بس كافي خلي شويه لباجر شالني ويفرّني فرحان
دخلت أم كريم تهلهل وشبكت جلال وركصت شافت الفرشه هم رجعت تهلهل وتهز ركبه
جلال من الفرحه لازگ بيه يحضني ويبوس بيدي شالت الفرشه خذتها وكالت جبت بس كيك وفواكه لأن عشاكم الليله دسم بغرفة ام جلال
جلال ضاج طلع ملابسه من الكنتور
طلعت ام كريم
رحت يمه دكمتله القميص شبيك جلال !
مااروح للعشة
ميصير جلال
اتأفف
دتعال هسة ناكل جوعانه
شنو رايك اوكلك بيدي
باسني معقولة !
اصلا احس بنفسي سلطان اليوم شنو هالدلال ديري بالج اتعود ترة
كعدنا بالصاله اكلنا كيك وفاكهة
وقنعته ننروح ويواجه امه
للمغرب استأذنته اصلي وظل يكلب بموبايله انتظرت اتصال ريم تاخرت عليه كلي راح اروح اغسل سيارتي بالكراج من تكملين خابريني باسني وطلع
سجدت ياربي دخيلك ساعدني سببلي سبب تعبت اريد معجزة تنقذني من هاي الحياة مااكدر اكمل تمثيل اختنكت
تذكرت بابا وبجيت لو جان عدل هوايه امور تتغير
ريم دزتلي رساله كالت اني بالباب تعالي لبست جاكيته فوك الثوب ونزلت ركض
شفت ماكو احد سلمت عليها واخذت علاكه انطتني وعلمتني على السريع منين ابلع الحب وكالت هذا بنادول وبراسيتول وكبسول حتى اذا سالج كليله احتياط للالتهابات
حضنتها ريم حبيبتي مااعرف شسوي بدونج سامحيني مااكدر اكلج تفضلي الجو مشحون جوة
كالت لا مااريد ادخل بس من تحصلين فرصة خابريني اريد اعرف شنو فيلمج وراحت جان علي واكف من بعيد منتظرها
رجعت صعدت للغرفه احس بروحي ميته خوف عبالك مسويه جريمه رحت للبالكونه اشتم الهوة اختنكت وضميت الدوة بغراضي أم كريم دخلت كالت أم جلال تنتظركم وينه جلال
هاا هسة اخابرة
خابرته اطاني رفض ودخل للغرفة شبكني كال تجنن حبيبتي وظل يشمني احلى من الكمر اني اهز براسي واتصنع الابتسامه
رحنا لغرفه ام جلال بالصاله الخاصة عدها
الله ريحه طيبه دجاج مشوي ومقبلات
ام جلال سلمت على جلال مثّكل وياهة
كالت مبروك واخيرا كملتو الزواج
كعدنا
قبل لاناكل
كالت جلال ماما بعد اسبوع راح اسافر لالمانيا راح استقر هناك
البيت هذا بأسمي والعمارة والمكاتب كلها الك
جلال انصدم وطفر
شلون !!
ابني زوجتك خوش بنية حبابه وبت حلال داريها
والحب مو غصب بالاخلاق الطيبه
وراح تساعدك بإدارة الاعمال لأن مبينة محاميه شاطره
حسيت بجلال كلش فرح
بس لأن امه بشرته بالاملاك صارت الّه ونسى زعله عليها
كام باس أيدها
باسته وكالت ابني دير بالك على حلالك واني باقرب فرصه اجي ازوركم
واتمنى من اجي اشوف حفيدي
غمزتلي بلعت ريكي وهزيت براسي
تعشينه وكملنا يوكلني مرة ومرة يبوسني من الفرحه ويبوس بامه
بعدين شغل بموبايله اغاني كام يركص وكمنه ركصنا سوية بس اني خايفه من باجر كلش
ظلينه لل 12 تقريبا تعبنا
رجعنا للغرفة ونمنا سوة حضني على صدرة 
منمت وبس افكر بباجر ..
الصبح كعدت ماهو جلال
سبحت وتريكت وحدي وخابرته
كلي حبيبتي اني بالمكتب بالعمارة اتأخر لاتنتضريني على الغده
شفته مشغول
اصلا  ممصدگ الأملاك صارت اله
يالله ارتاح منه شويه وافكر شراح اسوي بليل
قفلت باب الغرفه دخلت جوة
وخابرت ريم وحجيت كلشي تخبلت ! كالت عشوقة نفذي بجلدج شورطج بهالعائله التعبانه
شراح يسوي بيج الليله !
مااكدر ريم وكلت امري لله مايعوفني
نسيتي بابا دائما يكلي بنتي ربج مينسى عبده ..
كالت وعديني اذا صار شي تخابريني فدوة هسة ظليت بقلق أكثر من قبل
سديت الإتصال
وطلعت بالكوكل شغلات ونصايح كلت اتعلم مااعرف شي عن موضوع العلاقة الحميمية
ماطلعت من الغرفه وادري بأم جلال مشغوله بسفرها
تاخر جلال كلش للمغرب صليت وبدلت اتحضرت بس خايفه
انتظرته مااجه
كلت ممعقوله ينسى الموعد اصلا متلهف جان والمانع بيدي ردت ابلع ترددت خليته جوة الدوشك وكلت اخابرة اشوفه وين
اتصلت ماكو مغلق !
گلبي لعب وممرتاحه
لبست قميص نوم طويل
ونزلت صنطه البيت ماكو احد دخلت للمطبخ من باب الحديقة سمعت صوت جلال من بعيد
تقربت أكثر شفته يحجي ويه احد استغربت ويامن ديحجي !!
سمعت صوت البنيه المايعه ويكلها معليج انتي بكيفي افتهمتي جرّها من ايدهة وراح
اختلت ورة الشجر ولحكته
بس خايفه ارد اعرف شنو الموضوع
شفته دخل للمشتمل اكو شباك جبير مفتوح اول ما دخلوا نزعّت هدومها ورادت تنزعه بنطرونه !!
لطمت على وجهي وصرخت بصوت عالي
سمعني وشافني
رفسّها
ولبس بنطرونه وطلع اني ركضت
ركض وراي لزمني عشق حبيبتي اوكفي كمت اصيح حقير ليش هيج
سد حلكي حبابه سكتي لاتسمع ماما أبوس ايدج
دخلني للمطبخ
ركضت ام كريم شصاير !
عشق لحظة افهمج
ام كريم صافنه علينا
وخرّ ايده كلي اشش
كتله شتفهمني يغضب لك
انته شنو متشبع بألمانيا لعبت لعب وسامحتك وهسة منتضرتك ومتحضّرة الك
تخوني ياسافل واضرب بي اختنكت ودخت وكعت بالكاع شالني للغرفه صعدني
نيمني على الجربايه طلع عطر رشلي نزعني ملابسي ضليت بملابسي الداخليه صاح بأم كريم طلعي واذا سألت امي تيهيّ الموضوع
طبگ الباب رجعلي لفيت نفسي بشرشف وظليت ابجي وانحب بحسرة
حرام عليك جلال دمرت حياتي
ضيعت شبابي وياك اعتقني لخاطر الله اذا عدك ذرة رحمه ورجوله طلكني
ماريدك افتهمت كرهتك كره اعمى مالي نفسك بيك بعد اللي شفته هسه
ظل يسكّت بيه حبابه عشق لاتسمعج امي مصدكت ترضى عليّه وتنطيني الاملاك
جريته من ياخته وصرخت ببوجهه انته نذل كل اللي يهمك الأملاك !
واني !
ياخاين ياوسخ
شنو عذرك هسة كلي
يريد يبوسني ادفعه لو يريد يلزمني اوخرة ملخته باضافيري
هستريا صارت بيه بذاك الوقت
بعدين ملخّت نفسي ولطمت لان صار مرتين يهين انوثني ومن قررت اسلمه نفسي صدمني بخيانه اكبر والأصعب داشوفه بعيني 
عيونه بيها ندم وخجل وحتى بجه
كعد بالكاع وعينه عليه
من شافني سكتت اجه يمي  بس جنت منهارة كلش ووجهي اسود صار من دموعي نزل الكحل
عشق سمعيني وكوة يحجي
شلت راسي
هاي البنيه اشواق بت اخوها لام كريم مطلقه من جنت بالاعداديه كلشي مااعرف بالنسوان اجت عدنه خدامه تطبخ وتنظف تصعد لغرفتي تنظفها وغوتّني
جنت نايم الصبح وماسيطرت على نفسي ومارست وياهة الجنس
وجانت اول تجربه اللي وكامت تتفنن وتغريني كل يوم شكل تجيني
لان محرومه وشافتني فرصة وبفلوس وماما جانت مشغوله عني
لحد ما شافتنه ام كريم
وكالت ميصير وحرام وجابت شيخ وعقد النه بدون علم ماما
وظليت كل هالسنين بيننا بس علاقه جنسيه مو اكثر صدكيني
يريد يلزمني دفعته وتفلت ببوجهه
كمت طلعت هدومي وجنطه
جرني شراح تسوين عشق
بروح ابوج أبوس ايدج
دفعته وكعدت بالكاع ابجي جلال وديني لبيت بابا ارتاح تعبانه
اوعدج بس تروح ماما وتسافر اوديج حبابه عشق لاتسويلي مشكله تخربين كلشي
يريد يحضني كتله خلاص كافي
رجعت لورة انته بمكان واني بمكان متنام هنا روح برة اطلع
حبيبتي ماانام يمج فترة
صرخت
كتلك اطلع برة واملخ بنفسي
ميخالف اهدي اهدي
هسة راح اطلع
اخذ ملابسه الداخليه وكم شغله وطلع
كمت وراه قفلت الباب
ورجعت لميت غراضي
بلعت براسيتول من دوة ريم وطفيت الاضويه مااكدر انام راسي راح ينفجر بس كلت أهدى شويه لان اعصابي تلفت والمنظر البشع يتكرر ببالي ..
يتبع
#قصة عشق@