#الحب والمستحيل 26
#قصة عشق@
اسبوع كامل مرّ واحنا على هالحال
يتجنبني وينام بغير مكان وحدة بعيد عني
بس أني عجبني الوضع مرتاحه هيج
وأحاول قدر الامكان ابتعد عنه لان أيده طويله ومايرحمني ولسانه بعد اطول ويضل يفشرّ ويغلط وحتى يفقد ويكفرّ بالله
من نطلع احاول استمتع شگد ما اگدر
حتى تونست كلش
طلعنا لدار الاوبرا ومسارح هناك ومقر الازياء شفنا مشاهير كبار وفنانين عالميين ماكدرت اخذ وياهم صور ماقبل جلال يغار حضرته بس اباوع عليهم يندسني وياخذني لغير مكان
بعد أسبوع كامل مرّ
رجعنا بليل دخلت سبحت اني اقفل باب الحمام ومن اطلع ألفن نفسي من عيونه يباوعلي من بعيد ويدخن أربع أربع جكارات سوة ويتحسر
فتحت باب الحمام لكيته ببوجهي !
اريد اوخر عنة مايخليني لازگ وسد عليه الطريق خفت منه
__وخر جلال
عيونه مخنزر ويخوف
ظل يشمني ويريد يبوسني
دفعته ريحتة دخان تخنگ
كعدت على الكرسي امشط مقابيل المراية
كعد بين رجليه
كافي عشق ارحميني
عاقبتيني هواي
ساعديني حتى آخذ حقي منج بلا مااذيج
لاباللة !!
هو اني مانعتك !
دشوف نفسك مو بشر وحش
لاتستفزيني عشق
درت وجهي للمرايه صارلنه أسبوع مبتعدين شنو اللي استجد اليوم !!
مااتحمل اشوفج كبالي تلبسين وتبدلين وتسبحين شنو كدامج حجر أني !
تعلم شلون تتعامل وياي مثل الأوادم وما اصدّك ولا منعك
ما اكدر عشق فدوة كومني وحضني وظل يبوس بيه
احبج حيييل اموت عليج اطيني حبيبتي
صوته تغير وبدة ينزعني الروب
ماكدرت اتقبلة احس بي غريب ومقزز دفعته حيل
ضرب الكنتور بيده وصرخ وتاليها وياج
لفيت نفسي وتمددت على الجربايه
جلال تعبانه اريد انام
فتح الثلاجه طلع بطل مشروب
ركضت اخذته منه
شدتسوي !!
ماعليج جيبي
رغم كل مساوئك طلعت تشرب هم !!
جيبي البطل عشق
اطلع برة اشرب ويه الحثالة
هنا مكان نظيف واصلي أني لاتنگسه
عشق لاتتجاوزين وتخليني أكسر راسج هسة
ذبيت البطل بالحاوية ركض جرني من شعري بنت الكلب تعرفين شكد سعرة هذا البطل !!
صرخت حيوان وفوكها لسانك قذر
عوفني صرخت صمّ حلكي
سكتي هنا مو ببغداد افتهمتي هسة يجون الأمن شمرني على الجربايه حيل
ودخل للحمام
اللة لايوفقك باوعت موبايله على الميز ركضت فتحته ادور رقم والدته
ماكو ياربي شنو هالارقام كلها رموز
لكيت رقم مكتوب الاستاذة
دكيت كلت بلكت يقصد أمه
محد يرد
شلون ياربي هذا اذا ماموتني بالضرب يموتتي بحرگ الأعصاب
ورة شويه دگ رقم وتطلع صفاره دولي
رديت الحمد لله أم جلال هذي
حجيت على كيف لايسمعني
خاله اني عشق
شلونج ماما وين جلال ؟
خاله فدوة حاجي راح يموتني
طلع جلال شافني ركض جر الموبايل
خنزر عليه واشرلي بيده اني اعلمج
فتح كاميرا
هلو ماما
كعد بصفي حضني ادفع بي
غمزلي ويبوس بيدي
گلها أحنا مرتاحين ماكو شي
كلتله ليش ماتصلت
انشغلت ماما قبل شويه اجينه من مقر الاوبرا والازياء وتونسنا
دار وجهة الي مو حبيبتي؟
أني خفت بس اهز براسي وعيوني تتدمع
سلم عليها وسده الاتصال
لوة أيدي بأيد وحدة وشعري بأيدة الثانية وصلت تلعبين بموبايلي
وتشكيني لماما اموتج هسة هنا بمكانج
اكطعج واكل لحمج
ظليت ابجي واشهگ
جلال رجعني لبغداد ماريد ابقى هنا
خله راسي بحضنه
اششش سكتي لاتحجين أي كلمه بعد
باسني براسي وگام گعد كبالي يدور بموبايله ويباوعلي بحقد
اعتقد سوة رمز سري لجهازه
لفيت نفسي بالشرشف
وميته خوف منه
شفته نام طلعت موبايلي راسلت ريم مكدرت اخابرهة اخاف يسمعني ويسوي مشكلة دزيتلها الصور وكتلها سلميلي على الكل
ردت مشتاقيلج عشق وبغداد وحشة بدونج بجيت بحرگه بس أني وساكته
ماادري بسبب شوگي الهم ماادري بسبب عيشتي وضيمي ويه جلال
نمت وفزيت مرعوبه كوابيس أشوف اشكال وممرتاحه بالنوم
جسمي مكسر وراسي متشنج اللة لايوفقك جلال
باوعت ماهو جلال بمكانه !
شفت الساعة ب 3 بليل بعدة ماطلع الصبح عدهم وين راح !
دورته بالحمام هم ماكو !
لبست سترة لان الجو كلش بارد ونزلت جوة سألت الموظف بالإنكليزي حجيت گلي مستر جلال ب(البار)
مكان يشربون بي خمر وكله قمار وفساد ترددت أروح خفت
بس لازم أفضحةاصورة بموبايلي وافضحه كدام امه
طلعت موبايلي خايفه وارجف
شفت مناظر بشعه شباب يتباوسون وبنات عاريات مشيت شويه أسمع جلال يصيح ... آآه ... وبنيه اجنبية صاعدة فوكه
...و .....
صدگ انصدمت لحقارته منظرة يخزيّ
بدون وعي صحت بصوت عالي
جلال !!!
سمعني دفع البنيه لبست تنورتها وباوعتلي صفح وكامت
گام عدل نفسة شششجابج هنا !!
__شكد حقير وتفلت ببوجهه
وركضت لحكني
صعدت بالمصعد مالحك بيه دخلت للشقة قفلت الباب ورحت اجمع بغراضي وميته قهر احساس صعب من وحدة تشوف زوجها بعينها يخونها
حتى لو مااحبه بس أهانني بهالتصرف الوقح
وأهان انوثتي
لو اسلوبه بي خير جان ماصديته طول الفترة الراحت
افكاري تطشرت شسوي شلون ارجع مااندل اسمعه يكسر بالباب ويصيح راح ورجع اعتقد جاب موضف من الفندق فتحله
دخل ينافت عشق حبيبتي
حسيته متفشل ومكسور
كعد على الجربايه وكلي انتي جبرتيني
اني رجال وعندي رغبه ومتتطلبات لو مامانعتني ..
وسكت ..
أني بس ابجي عيوني كلها دموع وگلبي يوجعني مارديت
كام حضني حبيبتي آسف
دفعته وضربته حييل على صدرة رجعني جلال أبوس أيدك رجعني
اختنكت هنا
شفته حس بغلطته لأن مارد عليه ولاضربني وتحملني اضربه وسكت
عشق اهدي هسة اخابر الموضف يحجزلنه لبغداد كعدت وجابلي ميّ
وخابر حجة ويه الموظف بالإنكليزي
كله اوكي
عشق اقرب طيارة لبغداد بعد يومين
صرخت بي دقيقه واحدة ما ابقى وياك
اصلاً ماادري شلون انعميت ووافقت عليك انته قذر تشرب وماتصلي
شلون ارتبطت بواحد مثلك
اكرهك جلال اكرهك
راد يتقرب مني دفعته روح أسبح
احسك وسخ لاتلمسني واصرخ
اشش كافي لاتخبصيني هسة اسبح اهديّ بس اسكتي عشق
گام للحمام
اني بقيت بمكاني ياربي شسوي اختنكت غسلت وجهي وبدلت ملابسي ولفيت نفسي بشرشف ثخين بردانه وارجف
طلع جلال لابس بس شورت وجسمه مبلل وعضلاته بارزة
اجه يمي اشتميني هسة صرت نظيف !!
خليت راسي بين رجلية ومارديت عليه
اقترب مني راح تكولين لماما !
شلت راسي شكد حقير وجبان تخاف من امك وماخفت من ربك
__عشق ترة تحملتج هواية كافي
__كافي !
سهله عندك تدري انته شگد هنتني
واذا اريد اتساهل وياك بعد هالشوفه اليوم ومنظرك اليخزّي ماكو مجال للمسامحه اصلاً كطعت كل خيط يربطني بيك اليوم
__دكافي عاد سويتيه مناحه
اصلا انتن النسوان رخيصات كل النسوان بس يشوفن رجال غني يبيعن جسمهن وشرفهن حتى أمي خاينه
انصدمت من سمعتة
_انته مخبل !!
صدگ مخبل ولازم تتعالج عد طبيب مختص
اكو واحد عاقل هيج يحجي وعلى أمه !
وبعدين شكد مراقبني حتى موبايلي مابي رمز وبيدك شفتني خنتك !!
انتي متحبيني عشق گلبج مو الي
سكتت ماعرفت شرد عليه
تدرين امي تزوجت بابا علمود فلوسه وجانت متحبه
عافها وأسس حياة جديدة بالخارج ومن عافهة خانته ويه حبيبها السابق تدرين هذا الفندق لعشيق ماما
_جلال انته بوعيك !!
تعرف شدتگول !!
_هذا الواقع عشق جرّني من متني
اسمعي ماما تحب دكتور سامي اللي شفتي بعرسنا وهذا الفندق إله
وهاي الغرفة سجلها بسمها ويتلاكون هنا على هذا السرير يمارسون الفاحشة والخيانه
وانتي حضرتج تصليّن هنا !!
طاهرة و نظيفه ومتريديني أشرب عرگ وانام ويه السافلات
أيدي جلال وخرّ وجعّتني
باسني من شفايفي غصب مگدرت اقاومه
حتى بوسته مو طبيعية متوحش يعضني ويأذيني بيها
خلص البوسه وجر حسرة
شكد حلوة وشهيه وطعمج مميز
انتي الوحيدة النظيفة عشق بس منتظر شوكت اكشفج واعرف عشيقج منو بوقتها ماخليج تصيرين مثل ماما
بابا مغفل وغبي عافلهة الأملاك وراح يعوض بغيرها بروسيا
اني ماعوفج عشق اموتج على ايدي
ظليت ارجف أكثر
كلامه اجرامي وتفكيرة مريض
شنو هذا من بشر شكد مخبل
كام لبس هدومه وراح نام بمكانه واني مكدرت انام للصبح توضيت وصليت
وادعي عليه ربي خلصني منه دخيلك بأسرع وقت خلصني آلهي
الصبح بدلت وخليت مكياج وحاولت اكون قويه لازم ما اضعف ولا اخليّ يخوفني ويشكّ بيه لو يهددني ..
كعد من النوم اجه حضنيّ من ورايّ ويشمني وخلى شعري على متني
وباسني بركبتي
جمدت بمكاني
وبكل برود كتله راح انتظرك بطاوله الفطور جوة
وخرت أيده وطلعت من الغرفه
نزلت بالمصعد اكو طاوله بوفيه وجبه للفطور
اخذت لنفرين وكعدت انتظرته
وره دقايق نزل كعد يمي صباح الخير
رديت بس ما باوعتله صباح النور
ظل ياكل ويباوعلي
خله ايدة على خدي بعدج زعلانه حبيبتي !
وخرت أيده
كملتي !
كومي نروح مشوار يعجبج
ماريد
انسدت نفسي ابقى هنا لحد موعد السفر لبغداد
كومي حبيبتي جر ايدي
كوة كمت
رحنا بالسيارة
اخذني لمول ماركت !
بي كلشي
جبير كلش
كلي متريدين تاخذين هدايا لصديقاتج ؟
تعجبت معقولة تفكيرة هذا !!
اني اصلاً نسيت شغله الهدايا
نزلنا كلما يلزم ايدي اوخر عنه
ااخ لو بس أخلاقه واسلوبه واللي صار يتغير يمكن اسامحه واتنازل وانسى كلشي ..
شتريت فساتين نفس الشكل نسائية عجبتني
عسكريه وقصيره للركبه وكلش حلوه وبيها قياسات اللي ولصديقاتي كلهن اعرف قياسهن
وقمصان لعلي وعمو عبد الله وابو ريم
وملابس اشكال لحمودي وغادة
وعطور ومكياج طلعت الكارت من جنطتي شافني جلال اخذه مني
وخنزر عليه
منيلج هذا !
شبيك امك انطتني قبل لانسافر
خلاه بجيبه ضجت من تصرفه
شكد مكروه وشكاك
دفع لحساب وطلعنا اخذت الغراض وغلفتها وكتبت أسماء صديقاتي عليها
وخلصنا اليوم نفتر ونتسوگ وتغدينا بمطعم جديد
احاول ما احجي أي كلمه حتى اخلص منه
وتحضرنا حتى نرجع لبغداد
يتبع
#قصة عشق
أنت تقرأ
#عشق_والمستحيل
Ficción General#قصة فتاة عاشقة فعلت المستحيل لتحضى بمن تحب حصلت لها مفارقات وصراعات مع الحب والمستحيل بعض الأحداث 🔞
