#الحب والمستحيل 44
#قصة عشق@
اسفه امير بس صدك حسيت براحه من شفتك لو تدري شصار بيه عدهم
انتي غلطانه عشق شلون تجين وحدج واحنا زلم قبل سنتين ظليت بالسيارة وابو عبدالله دخللهم للمضيف وطردوا بالتتدفع والصياح وهددوا
وابوج بسبب هالحادثة ساءت حالته الصحيه واخذه ابو عبدالله للمستشفى
وينه هسة ؟
دنكت بالكاع
شال راسي
اشرلي بعيونه !
_شهكت ..
بابا مات أمير
_لا اله الا الله
ليش ماتصلتي بيه جان قمت بالواجب؟
_انته ليش مگلتي بوقتها بالسالفه امير !
دنگ وتأثر ..
ابوج ماقبل عشق شال راسه وعاينلي بأسف
بس هذا مومعناه تجين لهنا وحدج
وداعتج كلهم هسه بالحبس وانعلج
سلفاهم
لطمت على خدي عزة !!
شبيج !
ليش أمير !
شنو ليش ؟
طارديج ومخوفيج وجايه تكولين ليش !
سيارات مكافحة من ديالى جبت وسيارتين من بغداد لحكتني لهنا
وطوقنا المكان وزلمتهم كلهم بالسجن هسة وهو هذا المفروض من زمان يصير
ركضت لجوة جبت جنطتي ولبست صاية فوك هدومي وجريته كوم
بسرعة
شكو ولج !
طلعنا لبس البيريه على راسه
واشوفه شكد هيبه يالله والكل شلون يحترموا
وصل لسيارته السايق اخذله تحيه وصعد ورة يمي
دفهميني يبت الحلال كلشي مدا فتهم
حجيتله كلشي من اجيت للبصرة
لمن نفسي انكطع
ظل يفرك بيده همزين ماحركت البيت على روسهم
ظلت النسوان والجهال تتصارخ
لطمت على خدي
لاااا أمير شلون هيج تسوي المفروض تسألني وتعرف الصار
لاتقلقين فدوه اروحلج
أهدي هسه نشوف تنحل ادبرها ويه الضابط المسؤول
..
وصلنا للمديريه المكافحه هناك الكل يهابة لامير وياخذله تحيه لازمني من ايدي معافني ابد
دخلنا للضابط هناك صافح امير وطلع معرفه قديمه بس عينه عليه طالعه متر
كعدنه جابولنه ببسي
اني حجيت للضابط كتله ذوله عمامي واجيت اداعي بورث بابا وهيج وهيج ..
سويت بلاغ باعتداء ناصر
بس ظل شهود لازم يشهدون واتصل بجماعه يجيبون شيماء وعماتي يشهدن
طلعت اوراقي ووقعت وبصمت
واخذ رقمي كال نتصل بيج
كملنا اشرلي امير نطلع
كتله ما اطلع الا يطلعون الجماعه
الضابط كال إجراءات امنيه احنا نتصرف
كتله انتظر الإجراءات تخلص واشوفهم طالعين
ظل متعجب لأصراري
أمير كلي ليش تلحين الجماعه يشوفون شغلهم
امير مالهم ذنب موكافي عمي مهدي تصوب وطفل عمرة شهور انقتل بسببي
جنت مقهورة وحجيت بعصبيه وبجيت
حضني كدام الضابط بس أهدي أهدي هسة كلشي يجرالج
مسحت دموعي
اعتذرت من الضابط
اسفه أستاذ
وطلعت برة ظل امير يمه دقايق واجاني
فدوة شلون يمشي شقاوة
امشي اكيد بلا أكل أنتي
نتعشى ونرجع علما يكملون تحقيق جديد بقضيتج
أمير ماريد اكل فدوة
امشي بزونتي
شلعتي گلبي
اذا موجوعانه اني جوعان
طلعنا بالسيارة
اكو مكان على الشط بي بلم يخت" جبير ومطاعم قريبه مدايره
ويصعدون بي عوائل وشباب
طلب أمير اكل لفات وعصاير اكلنه وشبعنه
صدك اني ناسيه نفسي بلا اكل من الصبح
شويه ارتاحيت
هدئت
الجو شاعري وهوة لطيف وبارد
اشرلي شنو سالفه الحجاب !
خجلت ودنكت
بس تدرين لايكلج طالعه بزونه تخرمش
امير فدوة لخاطري نرجع نشوفهم طلعوا ؟
شراح يصير هسه !
ليش شايله همهم هالكثر ؟
عيني عشق ماكلين حلال ابوج سنين
وهذا البلاغ يفيدج ترفعين قضيه وتثبتين ملكيتج بالورث
أمير اني فعلا رفعت قضيه
اصدقاءي واستاذي مقصروا وكلشي مخطط إله ومدروس من مدة
بس الحادثة الصارت نشفت دمي
أمير متت من الرعب شايل سلاح ويضرب والطفل ينقتل وبعده يزحف شنو ذنبه !
لزم ايدي عشق مالج شغل أنتي بعد
اني موجود و وياج
نكمل القضيه منا وارجعج لبغداد بعد متجين لهنا عصر ايدي وعديني عشق مترجعين لخاطر الزاد والملح اللي بيننا
مااعرف أمير
صرخ ببوجهي
لاتكولين مااعرف
جريت ايدي وخزرته انته ليش هيج تصرخ
البيه مكفيني من الهبطات
اويلي فدوة لله لهالجمال
كتلتني هالخزرة شكد متت عليج عشق ليش مااجيتي وياي
عدلت حجابي وارتبكت
مااعرف ليش احس بندم لأن عفته
لو اتذكر بابا من كلي الدنيا صعبه وامير يحميج
تنهدت بحسرة
اروحلج فدوة لاتتضايقين طلع موبايله
اتصل بالضابط كام عني شويه
اني شربت عصير
اجه كلي امشي وياي يحتاجوج بالتحقيق
امير ..
امريني حبيبتي
ماادري بدونك شلون تصرفت وحدي
والسالفه صار بيها قتل وكبرت
تعبتك وياي وانته جاي من طريق بعيد
واكيد عندك شغل وعفته
شفت كرشه
شنو هالكرش امير !
ضحك كال هاي ام عمار تحب التمن وطبخها يخبل فد يوم اعزمج على تمن برياني من أيدها ماكو مثله بالعراق
ام عمار !
...
يتبع..
#قصة عشق@
أنت تقرأ
#عشق_والمستحيل
Fiksi Umum#قصة فتاة عاشقة فعلت المستحيل لتحضى بمن تحب حصلت لها مفارقات وصراعات مع الحب والمستحيل بعض الأحداث 🔞
