#الحب والمستحيل 24
#قصة عشق@
اتصل بيه بليل وكضيناهة سوالف للفجر
يزعل اذا اكله كافي لو اريد اسد الاتصال كل يوم نطلع نتغدة ونتعشة سوة كل مرة بمطعم شكل
اخذني لمدينه الالعاب وللزوراء وبالمولات والحدايق تعبت من المشاوير كل يوم يمرلي الصبح ومانرجع الابليل
عرفت عنه هواي شغلات موحلوة مايصلي ويشرب نركيله
وطبعه غيور كلش ومايقبل اباوع لاحد لو اريد شغله لو احجي ويه واحد يتخبل خنكني بهذني الكم يوم
قيدني كلش
ممنوع احجي ويه احد بالموبايل حتى لو صديقاتي ويشك ويدور وراي جابلي جهاز موبايل جديد وجهازي القديم والرام بي صور وشغلات ذكرياتي ويه بابا وصديقاتي وصور التخرج غلقته وضميته ويه الأغراض القديمة وكلشي قديم جمعته حتى اللابتوب وكلشي ضميتهن خفت منه يتلفهن
لو يدور بيهن
يوم عن يوم يحاول يقنعني نقرب يوم الزواج واني اريد فرصة اخلص منه وانهزم ماتحمل اعيش وياه طبعه مينحمل مجنون ويتزعل ومرات يدور فرصة حتى يظل يلعب بشعري ويتلمس بجسمي ويتحسس ويبوسني كوة اتخلص منه ويزعل اذا ادفعه وارفضة
ومايرضى عليه الا ابوسه واصالحه
اذا اتصل ومارديت يتخبل
ويامن تحجين ووين جنتي ويفتحلي تحقيق
كل يوم لازم ابدل واخلي مكياج والبس الذهب ويجيبلي هدايا اشكال
يريد يتقرب مني بهالسوالف
عفت الدوام ماقبل اروح بس وصيت علي وريم ياخذولي اجازة بدون راتب
مارحت لبيته بعد
استحي من يوم الخطوبه واخجل اواجه والدته
اخذ الجناسي وبلش بعقد المحكمه رحت بس يوم واحد دخلنة سوة للقاضي ووقعت ورقه العقد وكملنه
وطلعلي جواز سفر وتاشيرة فيزا لألمانيا
والدته عدها شقه هناك قنعني نتزوج ونروح نقضي شهر العسل ثاني يوم العرس ..
كلش خايفه منه بس مااكدر ارفض انجبرت اوافق
مابيها مجال للتاجيل كل مرة ادبر حجة ونأجل بالزواج
اتفقنه اني وياه نروح لبيت عمو ابو ريم ونحدد يوم للزواج
تفاجأ بينه عمو ودخلنا جوة فرحلي كلش وام ريم هلهلت واتصلو بريم اجت ويه علي وجهالهم وتعشينه بيومها كلنا سوة
علي ضايج كلش وممرتاح وكل شويه يخزر جلال من يتقرب مني
بينما جلال طاير من الفرحه
ريم بجت وحضنتني
كالت لجلال فدوة مو تنسونه خابرو ودزولنه صور حباب جلال موتاخذهة منه فدمرّة
ضحك وحضني حييل اصلا اني اضمها بگلبي واقفل الباب
وعلي معاجبه الوضع كلش اشوفه يريد يكطعه لجلال
اتفقنه على الخميس بليل الزواج بنادي الصيد حجز جلال وطيارتنه تطلع لألمانيا الجمعة الصبح
تاخر الوقت جلال كلي اوصلج علي مقبل كام وجرة للباب كله روح الله وياك احنا نوصلهة ظل يباوعلي سويت نفسي ملتهية ويه جهال ريم حمودي كبران فدوة وغادة تجنن
طلع جلال
ابو ريم باسني وكلي بنتي اللة يرضى عليج والله غيرج تتمنى ربع اللي انتي بي
تحسرت كتله اشكرك عمو ماقصرت وسلمت عليهم وطلعنا علي حاس بيه من صعدنا بسيارته
كلي عشق بعدنه بالبداية اذا متريدي والله اخلصج منه
ريم كعدت يمي حضنتها وبجيت
لا علي شنو هالحجي زواجها مابقاله كم يوم
والولد مكمل وحاجز قاعه شنو انته شكد أليم
كال افف وحرك سيارته ويباوعلي بالجامه
كافي عشق فدوة لاتسوين هيج بروحج
دك موبايلي جلال يتصل
مسحت دموعي كتلهم لازم ارد لان يظل يتعارك وياي
علي كال يجراله مو اشتراج بفلوسه ابن ال ...
ريم اشش تسكت بي
الو
وينج حبيبتي
هسة راجعه بالطريق
شبي صوتج !
مابيه شي بس نعسانه
حضري نفسج باجر نروح نأجر البدلة البيضة
اوكي بس ريم تجي وياي
صار ..
انتي تامريني أمر حبيبتي
يالله جلال بس اوصل اخابرك
مع السلامة
علي صار عصبي شكو رايحه ريم
علي شبيك هنة يومين وراح تروح وبعد حسرة عليه اشوفها
كتلهم انتو شنو شكد تتجادلون
علي حباب محتاجه ريم بذني الايام اللة يخليك
وصلنه كلي ماشي لخاطرج بس
جرته ريم من ياخته واني ماعدي خاطر موو !
ضكحت وبوستها وبوست الجهال
كتلهم كافي مناگر متملون
يالله تصبحون على خير
اني اخابر باجر
نزلت رجعت للبيت
اريد بس ابجي تمددت بفراشي
جلال يخابر موتني
رديت
عصبي كلش ليش تأخرتي بالرد ؟
جنت بالحمام
جر حسرة اويلي
شوكت تصيرين الي وحتى بالحمام ماعوفج
جلال حباب اريد انام وراسي يوجعني
ضجتي مو !
وهذا علي شبي يابه يخنزر عليه شدعوة
علي مثل اخويه الجبير وتصرفاتك مستفزة كل شويه تحضني ولازك بيه كدامهم
ماشي عشق دصيري ببيتي وشوفي شسوي بيج
كافي جلال تصبح على خير راح أغلق الجهاز لاتخابر بعد
لحظة عشق ..
سديته وغلقته وحضنت مخدتي
وبجيت لحد مانمت
وعيوني ورمت
الصبح كوة كعدت تعبانه
اجت ريم جابت بس غادة وحمودي يم بيبيته بقى
وتريكنا سوة كملنا وبدلنا ندكت الباب فتحتها جلال مثل كل مرة كاشخ لابس شيرت اسود ربع ردن حتى يبرز عضلاته وبنطرون كابوي اني لابسة قميص احمر وبنطرون اسود عريض ماحب الضيك
من فتحتله الباب شبكني وشالني صباح الخير حبيبتي دفعته
ريم وراي
جلال شنو هاي نزلني
صباح الخير ريم
ارتبكت ريم وردت عليه صباح النور عريسنه من رخصتك اروح اجيب غادة من جوة عافتنه
رجع شالني وعصرني حيل ادفع بي اقوى مني حباب وخرّ
عيب هيج
شنو عيب !
زوجتي وحبيبتي وبعدين اني زعلان واشر على خدة
مو وكتها جلال بعدين
مااعوفج ولااهدج زين
بسته بخدة نزلني وكال اااخ منج
اجت ريم وطلعنا صعدنا بالسيارة ماخلصت منه يضايقني بالطريق يغمز ويعض شفه ويسويلي حركات استحيت من ريم كلش
دخلنا محلات بدلات للعرايس اشكال على اساس نأجر بدله الزفه البيضة جلال وكف سيارته واجه ورانه غادة صغيرة شايلتهة ريم
دخلنا المحل جبير بي طابق فوك صعدنا بدلات كلش حلوة اختاريت وحدة وريم هم عجبتها دخلنا بغرفه اكدرها
وجلال برة منتظرنه
حجينه بصوت ناصي ليسمعنه
عشق شبيج ويه الولد خلي يستمتع ليش يابسة وياه !
لبست البدله ووكفت كدام المرايه
شوفي شلون حلوة على جسمي
تخبلين ليش هو اكو بجمالج
تحسرت ..
بس مو لجلال تمنيت البسها ريم
خنكتني العبرة
اهوو لاتسوين مناحه دشوفي شلون مدللج اتمنى علي هيج يدللني ويشيلني وكل شويه يغازلني
بربج ريم لاتقارنين علي بجلال !
يالله تبادلين وتضحك
حبابة ريم حتى لو بشقه ميصير لاتحجين هيج
اصلا علي يحبج
خزرتها ولج صدك تحجين علي صديق واخ الي
والله دائما يكلي شكد احبها لعشق
انتي صدك مخبله كرصتني صرخت وغادة تلوج المكان ضيك
دك الباب جلال
طلعنه نضحك
باوعلنه صفح !!
كال شبيجن تتمضحكن وتاخرتن !!
شافني بالبدله بيها شغل هوايه وثكيله وطويلة كلش ماارتاحيت بيها
ظل فاتح حلكه على صدري مبين
ريم ندسته جلال شبيك
هاا شنو ؟
البدله عجبتك لو نبدلها
لا حلوة كلش حلوة شتكولين حبيبتي
اني اكول انشوف غيرها طويله هاي وتخنك
رحنه لغير محل وظلينه ندور يوم كامل للعصر اختاريت وحدة حلوة موكلش طويله وبيها برقع طويل وشذرها ملون عجبتني كلش وريم هم عجبتها بعدين اخذنه جلال لمطعم تغدينه وعيونه موتتني يباوعلي بلهفة ورجعنه وصل ريم اول لبيتها وبعدين وصلني
لزم ايدي وظل يبوس بيها طول الطريق ومشغل اغاني بالسيارة
وصلت نزل وياي نزل الغراض والبدله مغلفة ومسكه الورد اصطناعية بس كلش حلوة وصلني دخلت الغراض للغرفه جوة لزمني دفعني حييل للحايط حصرني حبيبتي اموت واعدل بيج اطيني بوسه
جلال صير حباب وادفع بي
باسني بركبتي ويريد شفايفي درت وجهي فدوة جلال موهسة وخرّ
عضيت اذانه صرخ وجر شعري خوفني كلش
اني هم صرخت
كتله بعد يومين نتزوج ليش هيج تسوي إذا هذا اسلوبك وياي والله ابطل
وخرّ عني ولزم اذانه
بسيطه عشق اضمهة الج
وطلع ركع الباب حيل لزمت كلبي وكعدت بالكاع
اتنفس حيل اختنكت شلون يربي شراح يسوي بيه من نتزوج
ويتحلفلي فوكها
وينك بابا حسن
شكد اشتاقله
طلعت صورنا القديمه
وظليت احاجي بابا بالصور وابجي
بابا راح اروح منا لغير مكان والانسان اللي تزوجته مااحبه
راح اسافر لألمانيا والوضيفه عفتها
حلمي وحلمك راح
وانتهى
تبعثرت كل الأحلام وراحت
اتصل جلال مرديت عفته كمت كترت الغراض وسبحت وصليت المغرب والعشاء وموبايلي بس يدك
اني اعلمك جلال الا احركه لگلبك
لثاني يوم ظليت مااحاجي
على اساس اروح للصالون اسوي شعري مارحت هم خابرني مرديت
ريم خابرت كتلها ماصبغ شعري بس تسريحه ومكياج وابدل
اجه عمو ابو ريم اخذ غراضي يوديهن لبيت جلال موكلهن دزيتهن مااعرف شكد راح ابقى وياه
رتبت غرفة بابا وودعت كل ذكرياتي وتاكدت من كلشي فرغت المسواك كله خذته ام ريم وساعدتني بترتيب الجنط
جلال زعل مني لان مارد عليه دزلي رساله يحذرني لان مارد عليه وراح ينتقم مني
شيريد يسوي خلي يسوي
اصلا مايهمني شي بعد
الخميس الصبح خابرت صديقاتي وعزمتهم
وطلعت ويه ريم وامها للصالون والعصر يجينه ابو ريم ياخذنه للقاعة بنادي الصيد
بالصالون خابرني يدك
ريم تكلي فدوة ردي لاتسوين مشكله مثل العقد
رديت
واخيرا رديتي
زعلانه حضرتج !
جلال يمي ناس مااكدر ارد عليك ساعات وتاخذني ليش مستعجل
جر حسرة طويله ونفخ اعتقد دايشرب نركليه واسمع صوت شباب يمه يضحكون
ماشي يازوجتي الحلوة الحبابه أنتظرج وسدة ببوجهي ..
يتبع
#قصة عشق@
أنت تقرأ
#عشق_والمستحيل
Ficción General#قصة فتاة عاشقة فعلت المستحيل لتحضى بمن تحب حصلت لها مفارقات وصراعات مع الحب والمستحيل بعض الأحداث 🔞
