#عشق_والمستحيل

الجزء ال 15/موعد غرامي

#الحب والمستحيل 15
#قصة عشق@
...
رجعت ريم من السفر اتصلت بيه
راحت من المطار لبيت علي
وواجهت مشاكل شويه ويه ام علي وخاصة علي نزل أغراض الغرفة مالتهم واخشابه جوة مقبل ريم تصعد فوك بعد الحادثة وحمودي شوية بده يمشي والغرفة الجوة جانت اكبر وام علي معاندة كلشي وبس تتدردم عليهم
اشتاقيت لريم كلش ولحمودي حضنته وبوسته يجنن
استقبلتني ريم بغرفتها الجديدة
فرحانه ومتونسه وتحجيلي شلون سفرة مميزة وحلوة رحلة من العمر
وجابتلي هدايا هواية عطور وبديات وملابس نفانيف ثياب فصالات كلش حلوة
حمودي جان ديلعب ملاعيب وبايسكل صغير بالغرفه
ظلت ريم تحجيلي شلون علي عيشها اميرة وشلون تعامل وياهة بلطف
مخلو مكان مراحوا
يفترون ويتونسون بي
تنهدت بحسرة ..
ريم .. شبيج عشوقة !
والله ياريم تعبانه كلش كلش كلش
لابلة !!
صدكيني صارت هوايه احداث وراج مااعرف شحجي وشكول ومنين ابدي وبابا صحته تتدهور كل يوم مااعرف ليش !
عشوقة احجيلي يمعودة !!
حجيت كلشي لريم بالتفصيل
ورايها جان مثل رأي بقيه البنات
اكمل السنه على خير وابدي حياة جديدة ويه أمير
ريم .. عشق تدرين أمير شكد جان يسأل عنج وقت الحادث مثل المخبل عايف الدنيا كلها ومركز عليج
وهيثم هذا عوفي مابي أمل اذا سافر للمنحه تظلين وحيدة ومتدمرة
وممعقوله تبقين تتنظري اربع سنين بعد علما يرجع
وبالخارج البنات أشكال وألوان ويكمشن بالرجال وخاصة إذا عربي ..
انخمش قلبي من كلامها!
موبيدي ريم احبه صدكيني ماشوف بعيني غيرة
حاولت أبتعد عنه ومكدرت
وأمير شاب ماكو مثله يجنن
وكل بنيه تحلم بواحد مثله بس ..
احس تجاهة بالذنب
دگ موبايلي بابا جان يتصل فتحته بسرعة خفت صاير شي ..
_ بابا اليوم عازمنه امير على العشة لاتتأخرين عد ريم
_ حاضر بابا هسة جايه ..
_ريم تأخرت فدوة لازم أروح
شكو عشق شصاير !
ماكو شي بس أمير عازمنه على العشة
عيني عيني شنو هالتطور السريع
شمرتهة بالمخدة ولج أنتي مصدكتي تعرسيني
خليني أروح يلا تاخرت
ارد أطلع ركضت وراي انتضري عشوقة غراضج والهدايا نسيتيهن وانتضري علي يوصلج اوكفي عشق ..
ظلت تصيح وراي عفتها
ركضت اخذت الغراض وطلعت بسرعة ..
على الشارع كبال بيتهم اجرت تكسي واكفه جانت ..
صعدت وعلاليكي اطگطگ والسايق مرتاحيتله
يباوع بالجامه وعالگ اغنية عاليه ردح وركص
مشة مسافة عن بيت علي ..
منتبهت لشكله بالبداية
سمعت باب السيارة انقفل !
ركزت من ورة هذا جلال !!
عزة العزاك جلال اوگف وگف السيارة
صحت عليه بعصبيه ..
وكف السيارة والتفت لابس شفقه ونظارات شمسيه مساء الخير عشوقة
اللة لايمسيك بالخير شتسوي هنا حضرتك مراقبني !!
نزلني ..
نزعت حذائي كتله اكسرها على راسك
ارتبك شبيج عشق شدعوة يعني حلال على غيري وحرام عليه !
انت صدك متستحي
لحد هسة محترمتك رجاءا يلا
نزلني وبعد لاتسويها افتهمت؟
اخر مرة اسمحلك
وخزرته كال اففف شوكت تلينين وترحميني بس وين تروحين مني وراج وراج ..
وفتح الباب نزلت وطبكت الباب حييل
عبرت الشارع وكفت على جهة لحد ماراح باوعت
شكد نذل حتى السيارة قديمة منين جابهة !!
اشرت لغير تكسي وصعدت وصلني دخلت للبيت لكيت بابا متمدد بالصاله اشوفه كلش تعبان عيونه صايره سوده من جواهه
وبالفترة الاخيرة رغم ماياخذ علاج ويراجع طبيب بس مااعرف احسه كلش متغير حتى وزنه نقص والشيب مله لحيته وشواربه ودائما يحط ايدة على قلبه رغم ما لا يدخن ولانركيله ..
شنو المستجد وشنو اللي صاير وما أعرفه اني؟
حتى للمحل ميروح
قلّت روحته مخليّ بيد العمال ..
منتبهت أبد لوضعه بوقتها لأن ماجان يسولفلي شي ..
_بابا اذا تعبان منروح
كعد على حيله عشق امير شوية ويجي روحي بدلي هدومج
وشنو هاي العلاليك !
بابا هاي هدايا من ريم والك جابت سجادة وسبحه وعطر ورد للصلاة
بارك الله بيها وفيّة هال ريم
يالله بنتي استعجلي
دخلت بسرعة طلعت غراض ريم جايبتلي بنطرون ونفنوف شيفون سماءي وواحد وردي طويل للركبه كلش حلو اختاريت السماءي وعدلت نفسي خليت بس كحل وعطر واخذت جنطتي وموبايلي من العجلة والارتباك نسيت جلال واللي سواه بس طاح من عيني صدك واحتقرته ..
طلعت شفت بابا متمدد ومشغل تلفزيون
بابا كملت يالله..!
شال راسه الله الله ماشاء لله تجننين
ديري بالج على نفسج بنتي اللي بميت رجال وغمزلي
اشكرك بابا حبيبي
لعد شنو بابا متجي انت ؟
لابنتي وين اجي انتي تمتعي وعيشي حياتج
ذبيت جنطتي وكعدت مغندبه
كعد على حيله كوة يتحرك من الالم مااعرف شنو جان يضمّ عني بوكتها
حسيت هواي شغلات وماردت الح لو اضغط عليه
للاسف بعدين يالله عرفتها بعد فوات الأوان
يمكن محجالي حتى لاياذيني ويشغلني
باسني وشمني ايبااه بابا شكد مشتاق لحوريه
بابا انته موطبيعي !! مبين مالك خلگ مو مشكله حبيبي انته اعتذر من امير ماعوفك وأروح
اندكت الباب ..
لا .. كومي بابا هذا امير لاتفشليني انطيته حجايه روحي تونسي مكضيتها محاضرات وبحوث وصايرة جنج برلمانية ويضحك
«بابا رغم مرضة والامور اللي يخفيّها عني بس جان كلش مرّح ويحب ينكت ويلطف الجو »
كمت فتحت الباب أمير لابس قميص اسود وبنطرون اسود وحزام يلمع وشعرة مزينه نمره
وكاشخ كشخه هيبة مثل ابطال الافلام
صفن عليه ومرتبك ممممساء الخير
ضحكت مساء النور
شطالعه يمعودة !
حرجني ودخل سلم على بابا وكعد وعينه مشالهة عني ..
احنا الصاله مخلين دواشك ومخاديد ماعدنه قنفات اثاث بيتنا كلش بسيط
امير كعد .. يالله عمو تاخرنا
ابني الليله الكم طلعوا تونسوا انتو شباب شلكم بالشايب
امير ضحك عمو عمرك بالخمسين وتكول شايب شخليت لابو الثمانين سنه
اني كتله بابا ماروح هسة اسوي عشة سريع وامير يتعشة ويانه ..
امير رفع حواجبه
ماعجبه كلامي
بابا شنو هالحجي كومي بسرعة يالله لا تاخرين الولد
اشرلي بايدة للباب يلا
استحيت بعد طلعت بس بالي ممرتاح شلون اعوفه وحدة
وصلنه للسيارة فتحلي الباب وانطاني ايده صعدني
لاتظلين معبسة يمعودة مصدكت احصل فرصة واطلع وياج
صعدت سد الباب وافتر للجهة الثانية صعد شغل موسيقى
تحبين الموسيقى !
هزيت براسي أي ..
امير متوتر جان شفت ايدة
وحسيته يرجف
اني بالي يم بابا كلش
امير من رخصتك اتصل بعمو عبد الله يروح يم بابا للبيت
هاا !
براحتج اتصلي
اتصلت بعمو عبد الله كلي هسة رايح يمه لايظل بالج
ظل امير يسولف طول الطريق واني مشتته بين هيثم وجلال المسودن وبابا اللي وضعه كلش ماعاجبني
كل شوية واسرح بخيالي
امير كلي راح اخذج لمكان رومانسي يخبل بس لاتظلين سارحه شويه غيري من تعابير وجهج فدوة اروحلج سمعيني ضحكه لو ابتسامه حلوة
حسيت بغصة بعلومي
وظليت ألوم بنفسي شسويت بروحي غمضت عيوني وتمنيت من افتحهن الكه هيثم !
اااه وتاليها يربي ارحمني ..
وصلنه فندق كلش راقي بي طوابق ومطعم للعوائل وحديقة بيها انوار ملونه ونافورات
واكو مكانات الظاهر خاصة لرجال الاعمال
امير لزم ايدي وصعدنا درجات اكو اعتقد يعرفون امير دخلنا الموضفين يسلمون عليه واضهروا احترامهم إله
وهو هم شخصية وهيبه وحسسني وقتها كأني اميره ..
كعدنا طاوله حلوة مكان بي ورد وموسيقى هادئة كلش تذكرت جلال شلون مشغل ردح بالسيارة شكد متخلف وهمجي ..
والمكان بارد مشغلين سبالت الجو بعدة موكلش بارد جان
طلبنا بيتزا ومقبلات وزلايط وعصاير عشة خفيف أمير مبين كلش معجب بية
نظراته الي بلهفه ويبتسم ويتغزل بيه كل شوية جنت اخجل ومااعرف ارد وانحرج كلش
كل مرة اكول بداخلي ياريت هيثم هيج يحجي
ياريت هسة هيثم بمكانه ..
من كملنا العشة كل شوية اباوع للساعة ولموبايلي
امير حسيته تضايق ..
طلع جكارة ..
كتله تتدخن !
شمرها على الميز
منو يدخن اني !!
لاعيني هذا واحد نساهة بجيبي اصلا ماادري بيها !!
ضحكت صدك من قلبي حسيته يتشاقه ومرح
كال فدوة اروح لهالضحكه تصدكين أول مرة اسمع ضحكتج
اخذت كلينس من الميز مسحت بي كتله ايي وشلونها ضحكتي لزم ايدي وتقرب مني وعطرة جان كلش مميز
سحبت ايدي وتوترت ..
اسف اذا ضايقتج
عشق انتي جميلة وناعمه وبريئة براءة الاطفال واتمنى تكونين من نصيبي
امير بس اني مااعرف عنك أي شيء وهاي السنه احتاج اتفرغ للدراسة مااكدر انشغل بغير شئ ..
يعني افهم من كلامج شنو !!
تنهدت بحسرة ..
ونظرات امير مااعرف شهوة او رغبه عندة يباوع بلهفة ..
اذا تريدين تعرفيني فماكو داعي لان حياتي مخربطه وماعندي حسنه افتخر بيها عشت بعيد عن اهلي وانحرمت من الحب تعاملت ويه ناس اشكال مجرمين
وقتله ونسوان ساقطه وبلا أخلاق ..
وانتي الشئ الجميل الوحيد بحياتي
مفكرت بالزواج ابد بس من شفتج تغيرت فكرتي
بس ...
بس شنو امير ..
المشكلة...
تحسر ..
طلع فلوس واشر للعامل ..
عشق خلينا نطلع نسولف برة بالحديقة..
ماشي ..
طلعنا
صدك الحديقة حلوة وهوة لطيف تمشينا كلي عشق ..
نعم ..
حبيتي بحياتج !
مجاوبته ..
وكفت يم شجرة كالبتوس مخلين بيها نشرة كلوبات ملونه
وحاولت اغير الموضوع ..
_ منو خابرج بالمستشفى وجاوبتي حبيبي ؟
_ضحكت وكتله شنو تغار !
تره بعدنا بالبداية ..
_شسمه حبيبج !
_اممم
اسمه حسن
فتح عيونه متعجب مثل اسم ابوج !
_لااا حبيبي هو بابا حسن
شنو هاي ! مامصدك عبالي ... !
امير شنو بينك وبين بابا ؟
اقترب مني ..
خلي والدج حبيبج يحجيلج افضل
يعني اكو شيء !
ليش مجاوبتيني !
جاوبني انته اول ..
عشق الله يخليج من ترجعين للبيت والدج يفهمج ..
الليله خليها النه وبس
نتفاهم ونتفق
واني هسة اريد اعرف عنج كلشي حتى نرتبط
منو كلك اني موافقه !
لعد شنو ؟
امير الزواج ارتباط ومصير
مو بهالسهوله بين يوم وليله نرتبط
بس اني من شفتج بالمستشفى عجبتيني وسالفه ريم صارلها شهور وسألت عنج وراقبتج وانتي گلتي ماعندج أحد ببالج
وشفت الوالد مرتاحلي وماعارض ارتباطي بيج
وانتي هم
لهذا اتجرأت وتقربت منج ..
_بس اني مااعرف عنك اي شئ
متزوج !
كنت متزوج
نعم !!
شبيج عشق تريدين اكذب لازم اصير صريح وياج من البداية
من كلي امير كان متزوج انصدمت
بعد الله يعلم يطلع عنده اطفال لو علاقات وصديقات
ضجت امير رجعني للبيت
لزم ايدي جريتها ومشيت بسرعة ..
عشق لحظة ..
لحكني وجرني من النفنوف قماشه شيفون بي ودانتيل شويه انمزك
خزرته ..
العفو ..
شنو هاي بزونه تصيرين من تخزرين اموت عليج وانطاني بوسة هوائية ..
رحنا صعدنا بالسيارة طول الطريق ساكته واباوع على الطريق بالجامه
حسيته يباوعلي ويحاول يدحج بمتني
عشق ..
عشق ...
موكلنا عشق ..
درت وجهي نعم !
شنو زعلتي !
لا ليش ازعل
وكف السيارة
خليني احجيلج كلشي وبصراحه لاتتسرعين وتحكمين
ماريد امير فدوة بعدين مو هسة
اصلا غلط مني طلعت وياك وبابا صحته موتمام وهسة تعبانه كلش وباجر عندي دوام ارجوك رجعني بسرعة
براحتج
تريدين باجر اوصلج للجامعة ؟
لا بابا وين توصلني الخط يجيني الصبح
هم كالت بابا !
هسة شحلاته اسمي بلسانج وصوتج الملائكي واذا تكولين اموري اويلي اخرب واتكهرب
وتقرب مني راد يبوسني رجعت لورة
امير بديت اخاف منك رجعني ..
كال اووف وعدل نفسه
حرك السيارة بعد مكال شي
حسيت بنفسي مااعرف شنو
اني غبيه لو نزلت من كبريائي
المفروض من البداية مااطلع وياه
وصلنا نزل فتحلي الباب نزلني
كال سلامي للوالد وصعد بسيارته وراح
حسيته اتضايق مني
.. ركضت للبيت فتحت الباب وياي مفتاح شفت عمو عبد الله متمدد بالصاله الساعة بالوحدة بليل جانت كعد كلي ابوج اخذ علاجه ونام بغرفته واني انتضرتج
تشكرت منه وقفلت الباب رحت شفته نايم ووجهة اصفر شاحب بسته ودخلت لغرفتي افكر باللي صار ..
امير عمرة ثلاثين سنة يعني اكيد عنده حياته الخاصه وعلاقاته ليش ضجت من كلي جنت متزوج !!
مااعرف بس يمكن توقعت اذا يرتبط بيه يكون مخلص إللي وحدي ويكرسلي نفسه حتى ينسيني هيثم ..
زين لو عرف بيه احب هيثم شراح تكون ردت فعله !!
تعبت من التفكير نمت الصبح لكيت بابا طالع تريكت بسرعة ورحت للجامعة لكيت صديقاتي وححيتلهم عن تصرف جلال المخبل
وعن العشة الرومانسي ويه امير وجان كلهم يحسدوني على أمير سوسن تكول هذا لؤي لفه فلافل ماشترالي
ونادية وغصون كالن محد يخلصج من جلال غير امير ليش مكتيله عليه
وليش ماخذتي رقمه لأمير
و ليش وليش ..
و شكد فاهية
وظلن يرزلن بيه ويلومني ونتشاقه ونضحك
هيثم اجه من بعيد شفته تعبان متغير وحتى ضعفان
اشرلي اعتقد يريد يحجي وياي
غصون كالت عوفي عشوقة ميفيدج ظلي على أمير لايطير منج
ولج لو ما احب غيث الا اخذة منج
كتلتيني ولج ..
حجيت على كيف لايسمعني هيثم
لحظة غصون انتظري شبيج
يجوز علمود البحث !
يتبع ..
#قصة عشق@