#الحب والمستحيل 43
#قصة عشق@
«احداث طويله صارت بالبصرة مذكرتها واحاول اختصر »
اسفه عمو سببتلكم أذية
متوقعت هيج راح يصير لو توصل للقتل
بس عرفت وتأكدت ولكيت الجواب
بان بابا حسن مارجع الكم
لان عرف بالعواقب وماراد يتأذى واحد منكم لانو يحبكم
بجه بحركه ودنگ بالكاع
اني هم بجيت
سامحني فدوة ..
اني رايحه وحدي كافي تتحملون اذيه بسببي وراح اتصرف ويه ناصر تصرف ثاني
صعدت بسيارتي ورحت
صاح وراي ومحسن كسر خاطري ظل يبجي مسحت دموعي كوة
مااعرف وين اروح ارجع لبغداد ويضيع تعبي كله
ودم هذا الطفل يروح
لو اكمل واتحمل نتائج اللي يصير
اتصلت بريم الساعه بال 7 الصبح
تأخرت يلا ردت نايمه
حست من كلامي اكو شيء
توسلتي ارجع
طلبت منها تروح للبيت وتجيبلي كل ارقام امير عندي كارته بقى بصندوكي بداخل كنتوري
وصلت فندق .....
نزلت اجرت غرفة وطلبت ريوك لغرفتي وموضف صعد غراضي
اكلت وسبحت وارتاحيت شويه نزعت الحجاب والغرفه بيها سبلت اختنكت ببيت اعمامي بالحجاب تقيدت وحرّ
تقريبا وره ساعتين اتصلت ريم وانطتني الارقام كتبتهن ووعدتها اخابرهة واطمنها
اتصلت بالاول والثاني خارج نطاق التغطيه
بجيت وخفت
ربي دخيلك بعد رقم
اذا مرد ارجع لبغداد
اخذت نفس وقريت آيات
واتصلت دگ مرد !
يربي بس لا مو رقمه واطلع من مشكله اطيح بثانيه
دكيت ثلاث مرات ماكو رد !
غمضت عيوني وتمنيت اموت واخلص من هالعبء الثكيل
الجهاز بيدي دگ طفرت نزيت
رديت وارجف
صوت ولد مو امير !
كلي تفضلي !
اخي هذا مو رقم امير !
شتسوين بأمير حبي
عنده نسوان كومه ينام وياهن
عوفي وتعالي اني ببداله وأحسن منه
ويتميع بالكلام ويتمضحك
واسمع صوت يمه شباب واني بياحال هسة هذا شكله وارجف وببالي الف حسبه
شويه واسمع صوت امير الظاهر صديقه هذا
منو وياي ؟
صدك حسيت بأمان وبجيت
امير !
منو حضرتج ؟
انشغ واحجي امير اني عشق
صرخ عشق انتي وين !
امير فدوة تعال اني بالبصرة
تخبل من سمعني
عشق شوداج للبصرة !
بربج عاقله !
واكيد وحدج !
وينه ابوج !
امير فدوة تعال انتضرك مااكدر احجي سديته وركضت للحمام غسلت مي بارد شفت وجهي بالمرايه احمر ونار تطلع منه
كل اللي صار تعبني
ماعدي قابليه بعد وامير آخر امل عندي
رجعت لموبايلي لكيت اتصال منه خابرته رد بسرعة عشق اني بديالى مسافه الطريق وجايج لاتتحركين من مكانج
واللي داسلج طرف اسحكه جوة رجليه
اني بس ابجي
ومااعرف شحجي بس أمنت من حجيت وياه
أمير حباب لاتتاخر فدوه
أول ما توصل خابرني
فتحت انترنت من الفندق
وخابرت سوسن ولؤي وطلبت منهم يفتحولي ملف قضيه من الوزارة والمحكمه لبغداد ويستعينون باستاذ حمزة يساعدهم وفهمتهم كم شغلة ومنا اكمل قضيه جديدة
ظليت أعد الساعات
يربي كل ساعة بسنه وين صار أمير
صليت وقريت قرآن للعصر بلااكل ما اشتهي وخايفه
دگ موبايلي رقم أمير رديت وينج عشق
وصلت مالكيتج عدهم !
انته عدهم !
صار عصبي اكلج وينج !
فزيت من صوته خوفني
اني بفندق ....
ليش مكتيلي من البداية بالفندق
ابقي هسة جايج
سده
يربي شلون صرخ ببوجهي هسة أني عايزة اخترع ..
كمت لبست مانتو جوزي ردن طويله وحجاب اسود لفيته ووجهي طبيعي
من اجيت للبصرة
كلشي ماخليت لامكياج ولا كحل
رديت باب الغرفه وانتضرته
وصل امير بدون ماحس ركضت حضنته
رفع حواجبه يجنن هيبه ولابس الملابس العسكريه الزيتوني والرتبه والحاجب مسويله طبرة نزع البيريه
حضني وباسني بكصتي
ضحك مستغرب
شنو هذا الحجاب !!
بزونه
رجعت حضنته وابجي
سد الباب واخذني لصاله الغرفه صغيرة كعدنه
اششش بس بزونتي
ليش فهميني ليش تبجين
انطاني كلينس مسحت وجهي
وانشغ امير مشتاقتلك
واني هم والله مشتاقلج اكثر
واخر شيء توقعته بحياتي تحنين وتتذكريني ياقاسيه
مسحت دموعي وحسيت براحه صدگ عاطفه بداخلي مااعرف أمان وراحه نفسيه وياه
بس مو حب
يمكن اعجاب ويمكن مشاعر أخوة أحسها تجاهه
ولأن كلش محتاجته يساعدني
ذكريات حلوه بيننا
بيننا زاد وملح وسالفة وضحكه
جنت اتمنى لو باقي بعد موت بابا جان اختاريته وما وگعت ذيج الوگعه الگشرة وي جلال اتذكر شكد ساعدني بالبحث وشلون وعدني يخلص الي ويحبني
وامير الوحيد اللي مخفت منه واشوف بي الملاذ واحسه الوطن ..
يتبع ..
#قصة عشق@
أنت تقرأ
#عشق_والمستحيل
Genel Kurgu#قصة فتاة عاشقة فعلت المستحيل لتحضى بمن تحب حصلت لها مفارقات وصراعات مع الحب والمستحيل بعض الأحداث 🔞
