#الحب والمستحيل 42
#قصة عشق@
تصرفت بجراءة رغم ماحسيت بخوف
بس لازم اصير شجاعه ..
الوضع مشحون بس عجزت مكدرت ارد على ناصر وخفت يطردني برة والدنيا ليل
اتصلت بعمو عبد الله وفتحت سبيكر
الكل سكت حتى الجهال جانت تدندن وتلعب سكتت
صفنو ببوجهي
رد هلو عمو شلونج بنيتي مشتاقيلج يبويه
اني مشتاقتلكم عمو
لحظة عمو ارد اسالك شغله
كولي بنيتي
عمو انته جاي للبصرة قبل سنتين ؟
تحسر يابويه هذا شيخهم هددني
وطردني
وكال اذا ترجع اذبحك واذب جثتك للجلاب
بنيتي رجعي خاف يأذيج
تسلم عمو اشكرج اني اخابرك بعدين
غلقت الإتصال
واشوف ناصر وجهه اصفر
وعماتي اثنينهن يملخن بي
وعمي سجاد يكله الله لايوفقك ليش ماكلت بوكتها جان لحكنة على حسن قبل لايموت وبوكتها جان عدل
أشوف مهدي بس يبجي
كتله انته مجرم بابا جان متأمل يرجع بس بتصرفك هذا انتكس وتمرض وصارت بي ذبحه وجلطه
عمتي فاطمه تكله گلبي وربي غاضبين عليك ليوم القيامة الله ينتقم منك وتبجي ..
الموقف كلش صعب والمكان صار ساحه معركه وبس صياح وعياط
خالد وحسن يباوعون لأبوهم بغضب وعصبيه
تضايقت من الهوسه دخت
ناصر جرّ سلاحه وصرخ
هديتيهم عليه مثل الذيابة
ماتستحون كلكم صدگتوا وتمشيكم مرّة
هسه اكتلج وادفنج بالبستان
متت من الرعب
مينوصف منظره بوقتها
اتذكر بس خليت ايديه على اذاني وصرخت وسمعت طلق نار وسجاد ومهدي والكل حتى الجهال التفوا داير مدايري وكعت بالكاع اغمى عليه
ثواني وصحيت اشوف مغوش واسمع الجهال يصيحون مات مات !!
وشيماء مملخه نفسها وعماتي يلطمن ويصرخن
وناصر ماكو مطلعي برة
والجهال كلها تصرخ وتبجي
اجت شيرين تصرخ ارتاحيني يالبغداديه خربتيها يالبومة
اجيتي وجبتي الموت وياج
نسرين جرتها ودخلن للغرفه
اتوسل بيهم ياجماعة شكو شصار احجوا !!!
دخيلكم
عمة فاطمه نفشت شعرها ومتحجي بس تون
وماكو احد محسن واكف بعيد ويرجف
سحلت نفسي كوه
محسن فدوة شصار
عمي ناصر كتل عمي مهدي وسعودي
بس سمعت رجعت ماعت روحي
عمتي كريمه غسلتلي وميته من البجي
خطيه وشيماء بس تلطم وتملخ بشعرها
اريد اعرف الصار تخبلت
بست ايد عمتي
فدوة الطلقه وين طاحت !
سعودي بحضن شيماء شلون طاحت بي الطلقه
الدنيا ليل الساعة فوك 9 تقريبا
توسلت لعمتي تخابر واحد يكلها بأي مستشفى
محسن اخذ موبايل امه وخابر
سجاد صرخ ببوجهه
مقبل كال لحد يجي للمستشفى
السالفة بيها طلق والشرطه تتدخلت
اني دخلت لغرفتي بدلت ملابسي وطلعت اخذت محسن
ركضت وراي عمتي لاتروحين عمه يكتلج بروح ابوج ابقي عمه الله يخليج
صرخت عمه صارلكم سنين عايشين ويه مجرم لازم ابلغ عنه ويتعاقب
عمتي فاطمه كامت جرتني من ايدي بنيتي احنا نعرف انتي بت حسن
حتى ناصر يعرف بس ينكر حتى لاتاخذين الحلال
اذا تحبين ابوج روحي
درب الاجيتي بي رجعي منه
لاتخسرين عمرج
وناصر الشرطه والمكافحه كلها معارفه وصحبانه
كريمه مرضت لكلامها وتجادلت وياهة وين تروح البنيه بهاليل !
لابكيفج ولابكيف ناصر
وتعاركن
..
الليله مرّت مثل الكابوس للفجر محد نام
انقهرت على شيماء المسكينه وهبطتها على ابنها شهور عمرة شنو ذنبه
ماكملت فرحتها بغراض اشترتهن الها ولجهالها وخابرت على اخوتها بغير قضاء
اجو خذوها ويه ولدها وراحت وياهم بسيارتهم
وأني محتارة شسوي اصلي وادعي وابجي
المن اخابر ومنو يخلصني من حلك السبع تورطت
ماريد اصير سبب بأذى احد لو بموت أحد
ليمكن لهذا السبب بابا ما اجه وحده واني اللي جنت الومه طلع يعرف بابن عمة عدواني ينكرة ويطردة
لهذا انتظرني اتخرج واخذله حقه بالقانون
بعد صلاة الفجر طلعت بالحديقة
الجو كلش حلو وبارد
اتصلت باستاذ حمزة وحجيتله
كلي بنتي رجعي خلصي نفسج منهم شورطج
كتله عمو مااكدر واصير سبب بخراب العائله
كلي ماعدي احد عرف بالمكافحة
انتضريني اسألج وادزلج واحد
وأنتي اشتكي على ناصر تفيدج هاي السالفه بقضيتج
اتذكرت أمير
ياربي دخيلك ساعدني
خابرت عمو عبد الله
نايم جان وكعد من اتصلت
عمو فدوة روح لأبو ريم جيب مفتاح البيت وجيبلي كارت بي ارقام موبايل أمير
كلي عمو ابو ريم مسافر لسه مااجه
لطمت على خدي شلون نسيت
ربي دخيلك ساعدني شلون احصل رقم أمير عمو ضروري
بنتي كوليلي شصاير !
عمو فدوة محتاجه امير ضروري
اشوفلج الرقم عدي
يالله
صدك عمو !
الله يوفقك بسرعة
كال هسة ادزة برساله
سديته وانتظرت على جمر متت بس يرجع ناصر لو يقتلني لو يطردني
دقايق واجاني الرقم اتصل مغلق !
سجدت بالكاع على التراب
ربي دخيلك ساعدني
اجه محسن عشگ تعاي اجه ابوي
كمت نكثت هدومي
ودخلت سجاد جان ديشرب مي
صاحني
كعدت
عمي لمي هدومج اخذج لواحد معارفنه
شنو ؟
بويه ناصر ناويلج على شر
مهدي تصوب بجتفه
وسعودي لاحته شضيه براسه
وامه تخبلت وشردت لأهلها
وناصر طلع منها مثل الشعرايه من العجينة
ظليت ارجف شلون عمو هاي جريمه
ماكو جريمه
كال للضابط
جنت انظف سلاحي وطلعت جيله تايهه
صدگ جمدت من الخوف
شنو هذا يهودي شنو من گلب عده ماعده رحمه
لزم ايدي
عمتج فاطمه هجت لبيت الطين بلبستان والبيت تتطشر والخوات تخاربن
وهسة ناصر جاي بالدرب يذبحج يذبحج
كومي يبعد شيباتي لمي غراضج وامشي
صدك شفت نفسي خايفه وماكو غير حلّ
مرتين خفت بحياتي
مرة من جلال ومرة ناصر
جمعت كل غراضي محسن اخذهن بجنطه السيارة
ويبجي كلي لاتروحين عشگ احبج أني
اوكف ببوجه ابوي وعمي واعقد عليج هسه
ضحكني وحسيته برئ وحنين
بسته بخده كتله لاتخاف ارجع أن شاء الله ما اطول
ماشفت احد منهم من طلعت
راد يصعد سجاد وياي كتله عمو
اني اسفه ..
...بتبع
#قصة عشق@
أنت تقرأ
#عشق_والمستحيل
Ficção Geral#قصة فتاة عاشقة فعلت المستحيل لتحضى بمن تحب حصلت لها مفارقات وصراعات مع الحب والمستحيل بعض الأحداث 🔞
