#الحب والمستحيل 33
#قصة عشق@
لزمت گلبي بيدي
حسيت بحرارة تطلع من وجهي
كمت وكفت صرت كباله
منتبهلي بالبداية
تقربت منهم اكثر
انتبه وصاح عشق !!!
صارت الدنيا ظلمه بعيني
وماشوف غيرة
يمكن كل حروف اللغه العربيه نسيتها
مااعرف ابجي لو اضحك لو اركض واحضنه وابوسه
لو اعوفه واطلع من هالمكان نهائيا
حجه وياهم بالإنكليزي
بنيه وياهم اجت وياه معافته
باوعلي بنظرة حزينه
بعيونه النعسانه الهادئه
شكد حلو صاير
شعرة وشواربه وملابسه وطوله
حجيت بصوت مخنوك ..
هيثم ...!!
..
*****
ماعنــدي گـلب بغـيابــك يعيــش
گلبي بغيبتك من صدري شلتــــه
وإذا عندك گلب يتحمل فــــراك
دگـلي منين گـلبك هذا جبتــــــه
جاوبني دخيلك والله مشتـــــاك
مو نجم الظهر بغيابك شفتــــــه
.ّ.
*•••*
تقرب مني
عشق !!
هزيت براسي اي عشق يا أستاذ هيثم ..
ظل متوتر باوع بساعته
عشق عندي مؤتمر هسة تعالي تتدخلين !
لو يكلي بوقتها
تعالي اذبج بالشط اكله أي
هزيت براسي أي ورحت وياه
والبنيه تباوعلي
دخلنا للقاعه رحت بمكان بعيد بالاخير
وهو كعد ويه الوفد كدامي
ضميت اوراقي بجنطتي
وظليت محتارة شسوي هسه
هذا هيثم !
معقولة !
ماادري يمكن حلم
كل شويه يدير وجهة ويباوعلي
اني مسيطرة وراه
اباوع كل حركاته
الكاميرات والصحفيين ومصورين والاساتذة
القاعة بيها صدى من الصوت
تمنيت اكوم واصرخ بنص الحضور
هيثم احبك ..
نص ساعه واجه هيثم كعد بصفي بكرسي
شلونج عشق
عيونه وعيوني تلاكن وكلشي محجيت مااكدر احجي
ظلو جماعته يباعون علينه
واحنه بس صافنين واحد ببوجه الثاني
مليّت عيوني منه
يربي شكد مشتهيه احضنه
خلصت الندوة الكل بده يطلع
اجت البنيه يمه كام حجه وياهة
راحت
من رجع كلي عشق إسبوع باقي ببغداد
اريد اشوفج ضروري
انطيني رقمج
ماعندي رقم شكله
كتله انطيني انته رقمك واخابرك
طلعت جهازي رده سجلته بسرعة وايدي ترجف وعركت مثل قبل
اشرلي وراح بس كل شويه يلتفت وراه
كعدت بالكرسي
انشليت ظليت اتنفس سريع
يربي هذا حلم !
فتحت جنطتي طلعت كلينس ومسحت وجهي
شنو هالصدفه !
شجابة؟ وشرجعه؟ وليش رجع ؟؟
نسيت استاذ حمزة
سمعته اجه بنفس القاعه
كلي عشق حسن
طفرت
نعم !
شفت استاذ حمزة گدامي
العفو استاذ
انتي هنا !
منتظرتك استاذ
تعالي لمكتبي
رحت وياه
وممستوعبه
شلون صدفه وشلون اشوف هيثم وشوكت
هسه !
ليش هسة !
اتصل الاستاذ بمعارفه
اخذ اوراقي خلاهن بفايل
وكبسه
كلي بنتي الاسبوع الجاي دوامج هنا بالنقابة ومن تجين يدلوج بغرفه خاصه الج
صدگ فرحت هواي
اليوم يوم السعد والحظ
تشكرت منه
طلعت ممصدكه اتمنى اركص
صعدت بالسيارة
شغلت اغنيه تايتنك احبها وترجعلي ذكرياتي
وظليت بس اضحك
ياربي دخيلك تممها عليه الفرحه
رجعت للبيت سألت ابو محمد مااتصل جلال
الحمد لله عساه ميتصل بعد
رحت للمطبخ اخذت اكل وصعدت لغرفتي
اكلت ميته جوع
ماادري شهيتي انفتحت
يربي شكد فرحانه
مااتذكر اخر مرة فرحت بيها شوكت
طلعت رقم هيثم شلون اخابرة
ماعندي رقم
دكيته بالفايبر
دزيتله رساله
ودخلت اسبح وبدلت
يربي شنو هاي
كل شويه احضنلي مخدة
شنو إسم اليوم اريد اسجله بدفتر
اسعد يوم بحياتي
شفت رسايل قفلت باب الغرفه ودخلت بالبالكونه
كعدت بالمرجوحه
توترت
شكتب
اكتب وامسح
هو كاتب عشق مشتاقلج
خابريني
كلت اخابر احسن
رد
هلو هيثم
تحسر وسوة احححح"
ضحكت
اريد اشوفج
فتحت كاميرا
جنت لابسه تراك ازرك شيرت وبجامه
ظل يباوعلي
شفته بغرفه بفندق
هيثم تغيرت هوايه
تتذكر من اتوسلك تفتح كاميرا
هسة انته تطلب
تحسر غيرني فراكج
شوقي الج موتني عشق
ارتبكت ظليت ارجف
اني كاعده على المرجوحه انتجيت
انتي وين ؟
ببيت زوجي
شفته تغير لونه
وينه هسة طالع ؟
لا مسافر
ماريد اسببلج مشكله عشق حبيت اشوفج واسلم عليج
لا هيثم ماكو مشكلة
اني وحدي هنا وعدي خدم وسايق وحراس ..
رفع حواجبه
مرتاحه وياه !!
سكتت
عشق اريد اشوفج قبل لااسافر
تكدرين !
ماشي بس وين ؟
تجين انتي لو اني اجي اخذج شنو اللي يعجبج
اني اجيك هسه بس انطيني اسم الفندق
كعد معقولة عشق خاف صعبه عليج
حسيت بنفسي جريئة
لا هيثم موصعبه شسمه الفندق
اخذت العنوان
فتحت كنتوري يربي شلبس
شكد هدوم عدي
بس توترت
مااعرف اختار
تذكرت هيثم يحب الالوان الفاتح
طلعت ثوب قصير بنفسجي فاتح وستريج لبست ومكياج خفيف
وطلعت
أكدت على أبو محمد
يتحججلي بأي حجه واذا اتاخر اخابرة من أي مكان
وصلت للفندق سألت بالاستعلامات
اجه وراي
احححح"
ابتسمت ودرت وجهي
يجنن
بعيني ملاك موبشر
بس شورابه تخبل
وصاير احلى من قبل صافحني
منتظرج ومشتاق ..
عينه كل شويه على ايدي بيها حلقه ومحبس
كعدنا ميز اكو كعد يمي
ظلينه دقايق منحجي بس يباوع بعيوني بعدين كلي ..
عشق منو زوجج !
..
يتبع..
#قصة عشق@
أنت تقرأ
#عشق_والمستحيل
Ficción General#قصة فتاة عاشقة فعلت المستحيل لتحضى بمن تحب حصلت لها مفارقات وصراعات مع الحب والمستحيل بعض الأحداث 🔞
