#الحب والمستحيل 32
#قصة عشق@
تقريبا عشرة أيام
انشغل جلال بتلحيضات المشتمل والعمال وبنيان
صار مغلف كلة بجام مظلل
واني مستمرة بدوامي والتعب نفسه واكثر
وارجع من الدوام لغرفتي ماريد اشوف احد
حتى كمت اكل لفه وعصير بالدائرة حتى مااشوف اشواق وانقهر
وخاصة من تشوفني تسوي نفسها تخابر جلال لو تهز بجسمها وتغشل اغاني بالبيت وتتمركص
وبليل اخابر صديقاتي واتسلى وياهن بالسوالف
استغليت فرصة انشغال جلال عني
وطلبت من ابو محمد السايق يعلمني السياقه
مجرد تغيير وحبيت اعبر عن شي بداخلي واحس بحرية وبتجربه جديدة
أبو محمد حباب ومتفهم
ماشكاني لجلال لأن يدري بي مخبل ويعاقبه واحتمال يطردة من الشغل
صاحب عائله وعايش على الاجرة والاكراميات من ام جلال
بس من راحت
جلال يسئ معاملة الكل ومجبورين يتحملوا لأن الوقت صعب والشغل ميتحصل ببغداد
علمني ابو محمد اسوق
كل يوم من نطلع من البيت مسافه ينزل يبدل الكرسي
وقبل لانرجع نفس الشي حتى ليحس جلال ويشوفنه
خلصت تجهيزات البناء
اخذني جلال ورحت شفته كلش حلو صار وجبير وفعلا فكرة حلوة للكوفي والنادي
طلب مني جلال نبقى اليوم
سوة نشوف فيديو زواجنا
اصلا ملحكت اشوفه طول هالمده
بعد عمايل جلال
تعشينا وسهرنا جوة بالصاله وجلال يشرب نركيله وشفنه الفيديو
كلش حلو والحفله الملكيه
بس بداخلي اتحسر واتذكر شسوة جلال اول ليله وانقهر على اختياري السئ وحضي
دائما اسمع بليله الدخله
وشكد مميزة بس اني ليلتي حزن والم وغصب
شكد يحاول جلال يتقرب اصده
اذكره بسوالفه
اصلا ريحته محلوه دخان لو شارب عرگ مدا تقبله
مرات يتعارك ويظل يغلط ويفشر
وينسى سشوة بيه
ويكلي شوكت تنسين كافي ارحميني
ومرات يعتذر ويتأسف ويتندم وحتى يظل يبجي ..
تعبت منه
احس بنفسي اختنگ لمجرد نقاشي وياه ونهايه الحوار يزعل
واخلص منه بصعوبة ..
..
قبل لا يروح جلال توسلتله
اروح لريم لولاهلها واروح لبيت بابا اشوفه
كوه قنع
راح جلال بليل لألمانيا ووصه الكل عليه
وخاصة أبو محمد كله متعوفها دقيقه واحدة وراتبك ازودة من ارجع
مضطرة اوافق بس منتظرته يسافر وارتاح شويه ..
رحت بنفس الليله ويه ابو محمد لبيت ريم فرحت بيه وسويتها مفاجأة
تعشيت عدهم وعلي توسلي اعوفه لجلال وكلي والله مانام بليل أفكر خاف ياذيج جلال
حاولت ابينلهم اني مرتاحه وسايق عندي واطلع للشغل وجلال تحسنت اخلاقه
حتى لايقلقون
خلصنا بوقت متاخر رجعني ابو محمد للبيت
كالعادة اشواق ماخذه راحتها وتكعد بالصاله وتنام بغرفه ام جلال وتامر وتنهي الكل
من ادخل للبيت تبسمر وتسوي حركات
اتجاهلها مااكدر انزل لمستواهة
بيوم قهرتني
تكول حبيبي جلال كل شويه يتصل
باوعتلها بعصبيه
سمعي لج
تصرفي عدل
بكلمه واحده مني اخلي حبيبج يدزج للاردن يم ام كريم
هزت ايدهة وراحت
ثاني يوم رحت من الدوام لأهل ريم
سلمت عليهم وزرت جارنه أبو عبد الله وزوجته
ورجعت لبيت بابا
من فتحت الباب الله دفو موطبيعي وريحه بابا أشمها
الله يا ذكريات الطفولة والشباب ....
اصلا ظلت ايدي ترجف حضنت كل مكان وبجيت وبجيت لمن هلكت
دخلت لغرفتي وطلعت كل ذكرياتي
وصوري وبغرفه بابا حضنت ملابسة وتمددت بفراشة
ااه يابابا حسن ليش عفتني حبيبي
اشم بهدومه
واحساسي مثل طفل يحضن ابوه محسيت بالوقت اندكت الباب
فتحت
أبو محمد
عمو تأخرنا وجلال أتصل
شكتله عمو
كتله خذتها لبيت ابوهة
كال ضروري تخابرني
ماشي عمو
بس اغسل وجهي واجي وياك
قفلت البيت
رجعت وعفت گلبي هناك
اصلا ماعدي گلب بعد موت بابا
من رجعت
خابرت جلال على الفايبر
شافني باجيه
حبيبتي شنو هاي شبيج !
رجعت ابجي
ليش يا روحي
جلال مشتاقة لبابا
موكتلج لاتروحين
هسة لو يمج احضنج وامسح دموعج
اويلي اكيد جسمج حار هسه
جلال حباب مو وكتك
اريد ارتاح
ماعدك شغل ؟
والله مشتاقلج
ليش تعذبيني
هنه يومين من رحت
بربك جلال
دقيقه مااكدر اعوفج
اشتاقلج يعمري انتي
راويني شلابسه
يووو جلال روح لاشواق تراويك
اوكي
مع السلامة
طبكته
وحضنت المخدة ورجعت ابجي
ثاني يوم سبحت وبدلت ملابس جديدة
قميص زيتوني طويل وبنطرون كابوي
وشعري شديته راخي
وخليت مكياج وعطر
لازم استغل كل يوم قبل لا يرجع جلال
مارحت للدوام
اخذت السيارة وحدي
رحت للجامعة
وكفتها بمكان
ودخلت
توجهت لغرفه ام سمير
حضنتني
وحجيت وياهة على النقل
خابرت اخوهة وصتّه وانطته اسمي
كلها تجيني بعد ساعه عندي مؤتمر بالنقابه انتضرها
تشكرت منها وطلعت
الازدحامات موطبيعيه
كوة وصلت
دخلت للنقابه اتذكرت قبل بالجامعة نجي نحضر ندوات هنا
الله كل مكان ببغداد
بي ذكريات
وصور حلوة ببالي
سألت على استاذ حمزة
ولد دلاني
سلمت عليه
شخصيه
واكف ويه جماعه ماعرفهم كبار ومسؤولين
كتله استاذ اني عشق حسن
صافحني
وباوع لساعته
بنتي دقايق وادخل للقاعه
عندي مؤتمر صحفي ومشغول
انتضريني مااتاخر عليج
وحضري اوراقج كلها استنسخيها
اشكرك استاذ
راح الاستاذ كعدت كراسي اكو
فتحت جنطتي وطلعت اوراقي اني محضرة كلشي من البداية
دورت بيهن
اكو براد مي يمي
ومجموعة شباب وفد من الخارج جايين
واكفين يحجون بالإنكليزي
كعدت بكرسي وصفطت اوراقي فتحت جنطتي ودا اضمهن اسمع صوت مألوف
رجفت وتوترت
شلت راسي
انصدمت !!
يتبع
#قصة عشق@
أنت تقرأ
#عشق_والمستحيل
Ficção Geral#قصة فتاة عاشقة فعلت المستحيل لتحضى بمن تحب حصلت لها مفارقات وصراعات مع الحب والمستحيل بعض الأحداث 🔞
