#الحب والمستحيل 45
#قصة عشق@
ام عمار زوجتي عشق وعندي ولد منها
تزوجت بدهوك واستقريت هناك
وجنت ازور اهلي بديالى من خابرتيني ..
ماادري ليش حسيت بغصه
مااعرف غيرة !
انانيه !
تخيلته بعده يحبني
بعد كل اهتمامه بيه وشلون طار من ديالى للبصرة علمودي
عبالي راح يكون الي وبس
رغم ما اني احبه لهيثم
وانتظره ولازم اكون مخلصه اله
بس امير غير شكل
امير سندي
وحزام ضهري
شجاع وقوي يواجه المصاعب تمنيت يظل بس الي ويبقى يحبني وحدي
رحنه للسيارة صعدنا بس حسيت بروحي مخنوكه
امير حس بيه انقهرت وتضايقت محجه شي وياي
طول الطريق ساكتين
توقعت منه توضيح
بعدين اتذكرت سالفتي المفروض اكرس نفسي للقضية وبس
دخلنه للمديريه والضابط استقبلنه
كال اخذنه افادت الكل كل واحد يحجي شكل وجبنه اشواق بس تبجي ماحجت
وشهادة وفاه الطفل تقرير الطب العدلي فعلا طلقه تايهة براسه
والوضع مخربط عرفنه ناصر مهدد الكل
امير كله وهسة شلون نرجع لو تحتاجون عشق
كال روحو هسه وباجر يجينه مشرف تربوي
وضابط جنائي من مديرية ببغداد
ونخابر على عشق
وانته ارجع منحتاجك
اني سألته على الجماعه طلعوا
كال الكل طلع بس ناصر بقى
حتى بكفاله ماطلعته لخاطر صديقي ابو عمار
من كال ابو عمار نغزني گلبي
گمنه كلي آنسة عشق
كتله نعم !
نحتاج اثنين شهود من بغداد ومستمسكاتهم ياريت تذكرين اسماءهم ومعلومات عنهم
امير كله باجر يخوي تعبنه اليوم
بوسه للضابط وطلعنه
من طلعت شفت سيارة خالد
برة على الشارع
وكفت امير جرني حتى اصعد
كتله لحظه أمير
رحت باتجاههم
نزلو من السيارة
عماتي وسجاد ومهدي
اقتربت منهم خجلانه بكم يوم قضيته يمهم حسيت بمحبه وصلة الرحم تربطني بيهم
امير لحكني خاف عليه
عماتي شبكني وبجن
مهدي هم بجه
سودة عليه متنه متصوب
سجاد كال شكد كويه بت حسن
ناصر سنين ياكل بحلالنه ومحد وكف ببوجهه وانتي هسه بس طلعتي الدنيا انكلبت وراج
عمو اني قويه لأن هذا حق وصاحب الحق لازم يصير قوي
خالد كلي عشك رجعي وعيشي ويانه واستسلمي
حالج من حالنه
ابوي مال ينطيج حگ ابوج مستحيل وراح يتعادالج طول العمر
امير متضايق كلش وحسيته ممرتاح لكلامي وياهم بنص الطريق
كلهم روحوا رجعوا انتو واحنا مصرين وماكو تنازل
قضيتكم خسرانه
وبيننا محاكم وأي واحد يفكر يسوي حركه لو يأذي عشق مصيرة الحبس
خافو منه
بس عمتي فاطمه كسرت خاطري تعبانه كلش
رحت ويه امير وعيني عليهم
صعدت بالسيارة فتحت الجامه وظليت اتنفس بعمق اختنكت
صار لازم افكر شسوي
وباجر شراح يصير
امير ندسني ويدحج بمتني
عشق ..
عشق ..
مو كلنه عشق ..
وضحك
درت وجهي ضحكت
تتذكرين !
اي اتذكر
تدرين ..
احلى ليله عشتها بحياتي ..
ليش وليله عرسك مو احلى ليله
اوووف منج ولج شنو غيرانه !
ما اعرف امير اني هسه متشوشه وافكاري متطشرة
لميها وضحك
عشق من طلعت من عدكم مكدرت ارجع
اتتي رفضتيني واني عمري كله مارفضتني مرّة
لو تريديني اوكف براس الشارع واظل منتظرج
يمكن لو مسويها بوكتها اقبل بيك واتنازل
معقولة عشق !
وهسه تقبلين تتزوجيني عشق !
اشر للسايق وكف السيارة صفطها عن الشارع ونزل
تقرب مني
وباوع بعيوني
عشق بعدني اريدج تتزوجيني !
ارتبكت من كلامه ونظراته
امير رجعني للفندق
خله ايده على خدي
صدكيني حبيتج
راد يبوسني
وخرت ايده
امير ترجعني لو انزل اروح مشي
ليش ولج ؟
فهميني موخبلتيني
كلامج متناقض !
تحسرت وسكتت
امير اني تزوجت وراك
لطم على كصته
اويلي .!
تقريبا شهور
من اسوء شهور حياتي
وهسه !
تتطلكت
يالله باس ايدي
اللة يبشرج بالخير
يعني بعدك تريدني رغم ماعرفت اني مطلقه !
وشنو يعني مطلقه كافرة !
امير متحب زوجتك !
احبها كزوجه وأم لابني
بس مو كحبيبه
امير شفت !
شنو ششفت !
اني اذا اتزوجك راح اعتبرك زوج مو حبيب
تعجب من كلامي ورفع حواجبه ..
اني تتطلكت لان مكدرت احب زوجي ولأن گلبي مشغول بحب واحد بعيد عني ودا نتظرة يرجع
حبيب مسافر وغايب عني واحبه حتى لو بعيد بالعكس احبه أكثر رغم ماكو إتصال بيننا ..
انتجيت ومددت رجليه
رجعني للفندق فدوة تعبانه
شفته ضاج كلش من كلامي واتصل بالسايق رجع صعد وصلني وراح
حتى منزل وياي ولاسلم عليّه
مااعرف وين حيبّات خطيه ولا وين يروح ..
تعب اليوم كلش وياي
وكفلي وكفت السبع
بليلتها مكدرت انام
تندمت لكلشي صار
حسيت بنفسي غبيه ومااعرف اتصرف
امير فرصه وضيعتها مرتين
وهيثم مااعرف يرجع لو لا
وميهمني شوكت
اهم شي ماارتبط بواحد غيره واخدعه
ولااكرر مأساة جلال ...
يتبع ..
#قصة عشق@
أنت تقرأ
#عشق_والمستحيل
Ficção Geral#قصة فتاة عاشقة فعلت المستحيل لتحضى بمن تحب حصلت لها مفارقات وصراعات مع الحب والمستحيل بعض الأحداث 🔞
